Te fundit
Namir Lapardhaja: Ilir Ikonomi, gazetari që me punën dhe veprën e tij sfidon historianët (VIDEO)
25 Janar 2026, 18:00Kulturë
TEMA
Gazetari Namir Lapardhaja ka zgjedhur këtë fundjavë të rekomandojë për të gjithë ndjekësit e gazetës TemA veprën e Ilir Ikonomit.
Sipas tij, vepra e Ikonomit ka një rëndësi të veçantë për shkak të skrupulozitetit të autorit, dokumentacionin e bollshëm, paanësinë e rrëfimit dhe gjuhën e përdorur, çka e bën të lexohet jo vetëm nga studiuesit, por edhe nga lexuesi i gjerë.
Botimet e Ikonomit mbajnë ‘vulën’ e UET PRESS dhe janë ndër më të shiturat në vitet e fundit.
Cilat janë veprat e Ilir Ikonomit:
“Faik Konica, jeta në Uashington” - Ikonomi ndalet te një nga figurat më komplekse të historisë dhe kulturës shqiptare, duke ndriçuar periudhën amerikane të Konicës përmes arkivave diplomatike dhe personale, larg mitizimeve dhe demonizimeve të zakonshme.
“Pavarësia: udhëtimi i paharruar i Ismail Qemalit” - Rindërton me imtësi një moment themelor të shtetit shqiptar, jo si legjendë ceremoniale, por si proces politik dhe diplomatik i mbushur me dilema, rreziqe dhe vendime konkrete.
“Pushtimi” - I kushtohet 7 prillit 1939, duke e trajtuar pushtimin italian përmes dokumenteve ndërkombëtare dhe dëshmive të kohës, pa retorikë patriotike, por me qartësi analitike.
“Esat Pashë Toptani” - Ikonomi sfidon drejtpërdrejt narrativat e trashëguara, duke e paraqitur Esatin si figurë historike me interesa, ambicie dhe kontradikta, jo thjesht si “tradhtar” apo “hero”.
Cikli për Fan Nolin, me Fan Noli, Apostulli dhe Rebeli, përbën një nga përpjekjet më serioze për të rindërtuar jetën politike dhe shpirtërore të Nolit në mënyrë kronologjike, dokumentare dhe pa adhurim të verbër. Noli i Ikonomit është një figurë e madhe, por edhe thellësisht njerëzore.
Më të lexuarat
24 oret e fundit
Javen e fundit
Blog Tema
