“Netët korçare të poezisë”, vjen në fundjavë edicioni i 29-të i festivalit ndërkombëtar

Kjo fundjavë do të sjellë në qytetin e Korçës poetë nga e gjitha bota, të cilët do të jenë pjesë e festivalit ndërkombëtar “Netët korçare të poezisë”.

Festivali frymëzohet nga vargjet e poezisë së Asdrenit, poetit të shquar të himnit kombëtar shqiptar, të përzgjedhura nga vëllimi poetik “Rreze drite”.

“Të dyja netët e festivalit do të zhvillohen në orën 19:00. Natën e parë do të jetë hapja solemne e festivalit ‘Netët korçare të poezisë’ dhe poetët e ftuar nga Shqipëria, nga diaspora, Kosova, Greqia, personalitete nga Izraeli, Franca dhe Italia do të performojnë poezitë e tyre në gjuhën amë. ‘Rreze drite’ e Asdrenit është një temë e festivalit, ku poezitë konkurruese të gjitha kanë përmbajtjen rreze drite, të cilat do të recitojnë aktorët dhe të rinjtë e talentuar të qytetit të Korçës,” thotë Jorida Tollkuçi, drejtore e bibliotekës publike “Thimi Mitko”.

Një juri me profesionistë do të bëjë vlerësimin e poezive dhe përcaktimin e pesë çmimeve fituese.

“Juria prestigjioze është e përbërë nga tre anëtare: Entela Kasi, drejtore e Qendrës Penë për Shqipërinë; Pierre Ech-Ardour, personalitet francez, botues dhe poet; dhe Prof. Dr. Jonela Spaho, dekane e Fakultetit të Filologjikut dhe Edukimit,” tregon znj. Tollkuçi.

Bashkëthemelues i këtij festivali ka qenë liriku korçar Skënder Rusi, ndërsa sot ky festival vjen si një organizim i bibliotekës publike të qytetit, “Thimi Mitko”, me mbështetjen e Bashkisë Korçë.

Edicioni i 29-të i Festivalit Ndërkombëtar “Netët Korçare të Poezisë” do të mbahet në datat 24 dhe 25 maj.

/RTSH/

Korçë - Rritet numri i vizitorëve në Muzeun e Artit Mesjetar, në prill 60% më shumë se një vit më parë

18:15 Kulturë

S’ka rrymë në disa pjesë të Francës, ndërpriten aktivitetet edhe në Festivalin e Kanës

17:29 Kulturë

Festivali ndërkombëtar “Gegnisht” - Vlerësime për poezinë, prozën, përkthimin dhe esenë më të mirë

17:14 Kulturë 1 koment

Kritikja e muzikës, Shuteriqi: Keqardhje që juria profesioniste nuk vlerësoi "Zjermin" në Eurovizion

16:03 Kulturë 1 koment

VIDEO/ Vajza e Dr. Florit ngjitet në skenë për herë të parë, interpreton këngën e të atit

15:43 Kulturë

Gazetari Aleksandër Marku nderohet me çmimin e rëndësishëm në Greqi!

15:40 Kulturë

Java e Evropës 2025, çelet ekspozita e Redina Qoses “Kah po nisen dallëndyshet?”

15:32 Kulturë

Stephen Graham zbulon se çfarë mund të ndodhë në “Adolescence 2”!

15:23 Kulturë

Ekspozita “Art në Terr” çelet në Muzeun e Dëshmisë dhe Kujtesës në Shkodër...

15:13 Kulturë

SIMPOZIUMI/ 1700-vjetori i Sinodit të Nikeas, Kisha Orthodokse kujton ngjarje e parë Ekumenike në historinë e krishterimit

15:11 Kulturë