Te fundit
Ngre siparin ekspozita “Ec, don’t stop!” e artistëve Kevin Jaku dhe Aron Noka
4 Shkurt 2026, 12:18Kulturë
TEMA
Pas katër vitesh pune intensive, ku imazhi dhe struktura trajtohen si dëshmi e historisë dhe realitetit social, artisti lezhjan Kevin Jaku, në bashkëpunim me Aron Nokën nga Burreli, prezantuan ekspozitën e tyre të parë, të titulluar “Ec, don’t stop!”
Ekspozita përfshin 12 vizatime hiperrealiste, një video dhe 7 punime në xham të thyer me instalacione prej hekuri e materialesh minerale.
Përmes një terreni bashkëkohor shqiptar dhe global, dy artistët krijojnë tension si përvojë personale e kolektive, duke përcjellë mesazhin për të mos u ndalur, por për të ecur përpara.
“Kemi qejf të japim mesazhe edhe për të rinjtë e tjerë”, tha Jaku.
“Ne shprehim shqetësimet e përditshme, ku rrezikohet jeta dhe pasiguritë në punë, duke i interpretuar këto në vepra arti”, tha Noka.
Kuratori i ekspozitës, Genti Gjikola, dhe Rektori i Universitetit të Arteve, Erald Bakalli, vlerësuan maksimalisht punën dhe qasjen konceptuale të dy artistëve të rinj.
“Kjo është ekspozita më e gjatë që kam pasur në dorë”, tha Bakalli.
Ekspozita e titulluar “Ec, don’t stop!” do të qëndrojë e hapur deri të enjten, e 5 shkurtit, në Galerinë FAB në Tiranë, ndërsa që në ditën e parë pati interes të lartë nga publiku. A.K./TemA
Më të lexuarat
24 oret e fundit
Javen e fundit
Blog Tema
Lini një Përgjigje