Orkestra e RTSH koncert në Kalanë e Kaninës - Më 31 gusht, Vlora shndërrohet në kryeqendrën e artit

Vlora do të kthehet në kryeqendrën e artit më 31 gusht, kur Kalaja e Kaninës do të presë një koncert të magjishëm të Orkestrës Simfonike të RTSH.

Nën dirigjimin e maestros Jacopo Sipari, publiku do të përjetojë një natë të paharrueshme, ku muzika dhe arti takohen në një skenë mesdhetare unike. Yjet e skenës shqiptare, si Ermonela Jaho, Saimir Pirgu dhe Timo Flloko, do të ngjiten në skenë për të dhuruar emocione dhe madhështi në mbrëmje.

“Është hera ime e parë që bashkëpunoj me Orkestrën e Radiotelevizionit dhe për mua është një kënaqësi e madhe, një nder i vërtetë, sepse unë besoj fort se në zemrën e muzikantëve shqiptarë ka një pasion dhe një dashuri të jashtëzakonshme, që pasuron jo vetëm ata që bëjnë muzikë, por edhe ata që e dëgjojnë. Ne do të sjellim për publikun një koncert që do të mbetet i paharrueshëm, një nga ngjarjet më të bukura të realizuara ndonjëherë në Shqipëri. Kjo falë vizionit të Vera Grabockës, e cila pati inteligjencën të krijojë një aktivitet të vërtetë për të gjithë, duke e organizuar në një vend unik pranë Vlorës, pranë një kalaje, ku bashkohen bukuritë natyrore, historia, mjeshtëria e muzikantëve, e solistëve dhe një program i jashtëzakonshëm që ndërthur këngën dhe muzikën.

Dua të përmend gjithashtu yjet e mëdhenj të këtij vendi, si Ermonela Jaho dhe Samir Pirgu, dy miq shumë të dashur me të cilët kam punuar shpesh dhe që e çojnë emrin e Shqipërisë kudo. Po ashtu, çfarë mund të thuhet për Timo Fllokon? Ai është një nga aktorët e fundit të mëdhenj, që më kujton mjeshtrit e kinemasë italiane,” deklaroi dirigjenti Sipari.

Mos e humbisni koncertin në 31 gusht, një ngjarje e cila do të bashkojë historinë, muzikën, natyrën dhe artin.

- RTSH-

“Locked In”, koncerti me muzikë elektronike ndez atmosferën në Vlorë

08:11 Kulturë

Timo Flloko për Artur Zhejin: Tek ai fjala ishte kult. Demaliaj: Shembull i qytetarisë! Ishte nga ata njerëz që lënë boshllëk kur largohen

00:02 Kulturë 5 komente

"Puthja e Cubit", tregim nga Migjeni

22:27 Kulturë 2 komente

Esther Perel: Pas 30 vitesh si terapiste seksi, e di ekzaktësisht pse tradhtojnë njerëzit

20:57 Kulturë 2 komente

Çfarë kombësie kishte Aleksandri i madh?

20:31 Kulturë 8 komente

Charlie Chaplin: Kur fillova ta dua veten, hoqa dorë nga gjithçka që nuk ishte e mirë për shëndetin tim

20:24 Kulturë

BBC: Ndryshimet që do të sjellë fejesa në muzikën e Taylor Swift, artistes që ndërthur përjetimet personale në tekstet e këngëve që krijon

19:55 Kulturë

Miti “rigjallërues” i “Vjosa N’Fest”

19:28 Kulturë 1 koment

I kishte vetëm 37 vjet kur u nda nga jeta, sekretet dhe të pathënat e Tefta Tashkos!

19:23 Kulturë

Vizatimi më i vjetër në botë, shkencëtarët zbulojnë pikturën 51.200 vjeçare

18:22 Kulturë