Te fundit
PIKTURA E DITËS: "Qafa e Llogorasë"- Pikturuar mjeshtërisht nga Bajram Mato
3 Shtator 2025, 13:15Kulturë
TEMA
Edhe këtë vit, teksa sezoni turistik është në mbyllje, Vlora dhe bregdeti i jugut kanë frymëzuar piktorin Bajram Mato.
Në rubrikën 'Piktura e Ditës', Liberale ka përzgjedhur veprën e artistit Mato, i cili tregon një peizazh të bukur malor, e titulluar "Qafa e Llogorasë" ku ngjyrat janë të lehta dhe të qeta, duke sjellë kështu një ndjesi freskie dhe vere.
Bajram Mato e ka filluar krijimtarinë e tij duke u mbështetur në metodën realiste në vitet ’80.
Pas viteve ‘90 piktori ka emigruar në Itali, duke mos hequr dorë nga peneli.
Puna e tij është ekspozuar në Galeritë e njohura italiane dhe ka fituar edhe çmime ndërkombëtare.
Piktori Bajram Mato, me origjinë nga Roskoveci është kthyer disa herë në atdhe për të prezantuar veprat e tij.
Në shumicën e tablove, një vend të veçantë ka zënë Vlora dhe krahinat e saj, ku ai ka kaluar pjesën më të madhe të jetës. Vepra e Matos tërheq vizitorët për ngjyrat e ngrohta, peizazhet e qeta dhe të pastra, për teknikat origjinale dhe portretet e personaliteteve që kanë dhënë kontribut për vendin e tyre dhe shoqërinë. /liberale/
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mungon kompozicioni, qe te krijoje mje mdjenje unike perjetimi.