Te fundit
“Pirro Milkanin! “Jeta si një film”, dokumentar kushtuar ikonës së kinematografisë
24 Tetor 2025, 09:50Kulturë
TEMA
Dokumentari “Piro Milkani, jeta si në film”, u prezantua si një homazh për jetën, dhe krijimtarinë e një prej figurave ikonike të kinematografisë shqiptare
“Nuk kam asnjë peng, sepse janë bërë shumë intervista për mua, kështu që ndryshe nga intervistat e tjera që kam bërë, dua ta nis nga fundi për të shkuar te fëmijëria ime”.
Kjo intervistë e e fundit e mjeshtrit të ekranit shqiptar, u bë shtysë që regjisori Marviks Shantoja ndërtoi dokumentarin në nder të Piro Milkanit.
“I gjithë dokumentari është I ndërtuar në narracionin e Pirros, ai që tregon jetën e vet, e në fund mbyllet me njëintervistë të Kujtim Çashku. Siç e thotë edhe vetë Piro, ai ka dhënë shumë intervista, por këtë herë sikur e ndiente dhe thotë ‘do ta nis nga fundi për të shkuar deri në lindjen time’. Dhe kështu është trajtuar e gjithë jeta e Piros, nga vdekja te fëmijëria e tij”-shprehet regjisori Marviks Shantoja.
Premiera e dokumentarit, është pasuruar me foto të rralla dhe informacione nga vetë djemtë e regjisorit.
“Filmi gjithmonë ka një publik dhe do të vazhdojë të ketë këtë lloj publiku. Filmat e Piros gjithmonë do ta kenë publikun e tyre, ashtu si të gjithë regjisorët që janë brezi i parë i regjisorëve, së bashku me Viktor Gjikën, Dhimitër Anagnostin, Kristaq Mitron”-shprehet Eno Milkani, djali i Pirro Milkanit.
Filmi sjell një rrëfim të ndjerë për një artist që i ka dhënë shumë artit, nga pasioni për kamerën në vitet e para të Kinostudios “Shqipëria e Re”, e deri te regjia e filmave.
Përmes dëshmive, arkivave filmike dhe intervistave ekskluzive, dokumentari ndjek rrugëtimin artistik dhe njerëzor të Piro Milkanit, I cili u nda nga jeta më 24 Maj të këtij viti.
- Euronews Albania-
Më të lexuarat
24 oret e fundit
Javen e fundit
Blog Tema
Lini një Përgjigje