Te fundit
Sali Berisha nderon aktorin Naun Shundi: Humbje e rëndë për Teatrin, skenën, artin dhe kulturën
29 Gusht 2025, 14:20Kulturë
TEMA
Kreu i Partisë Demokratike, Sali Berisha, ka reaguar pas ndarjes nga jeta të aktorit dhe dramaturgut të njohur shqiptar, Naun Shundi, duke e cilësuar humbjen e tij si një humbje të pazëvendësueshme për artin dhe kulturën shqiptare.
“Dielli perëndoi përgjithmonë për Naun Shundin! Të dashur miq, Naun Shundi, aktor dhe dramaturg i shquar dhe një prind, bashkëshort dhe qytetar shembullor iku përgjithmonë në jetën e përjetshme”, shkruan Berisha.
Ai thekson se ndarja e Shundit nga jeta është humbje e rëndë për Teatrin, skenën, artin dhe kulturën, si dhe për gjithë kombin shqiptar. Berisha vlerëson se Shundi do të mbetet i paharruar jo vetëm për rolet e tij të gjalla dhe gjithëngjyrëshe, por edhe për guximin e tij në mbrojtjen e të vërtetave që besonte.
Akti i fundit i Shundit, sipas Berishës, ishte beteja për Teatrin Kombëtar, ku pas shembjes së tij ai ngriti miniteatrin privat “Zonja e Bujtinës”.
“Naun Shundi do jetojë gjithmonë në veprën e tij. I ndritur dhe i paharruar roli i tij në skenë dhe në jetë! Amin”, përfundon kreu i PD-së në reagimin e tij.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E shumta tre rreshta shkruan..
Ah mor Sale, more kerme e pa groposur, ti, vetem kur i shkon nepermend emrat i perdhos le pastaj kur i permend ne mexhlis, i fulliq fare.