Te fundit
Teatri i Ri po ndërtohet, Veliaj: S’ka kohë për të humbur me ata që djegin gomat
12 Qershor 2024, 16:35Kulturë
TEMA
Puna për ndërtimin e Teatrit të Ri në kryeqytet po ecën me ritme të mira.
Gjatë inspektimit në kantier, kryetari i bashkisë së Tiranës, Erion Veliaj u shpreh entuziast për ritmin e punimeve.
Ai tha se shpreson që deri në vitin 2025, të ketë përfunduar binaja e godinës së re.
“Kur je në kantier kupton se po flasim për një objekt të përmasave madhështore, që do të jetë këtu për Tiranën e 100 apo 200 viteve të ardhshme. Sot jemi në fazën e ndërtimit, por të mos harrojmë se kemi humbur 30 vite për dy fazat e tjera, të projektimit dhe vizionit. E di që kemi një cirk konstant nga një grup klounësh, që vazhdon të djegë goma nën suazën e Aleancës për Mbrojtjen e Teatrit, kur në fakt të gjithë e dinë se ajo është Aleanca për Mbrojtjen e Saliut. Rrugaçëria, djegia e gomave, goditja ndaj forcave të Policisë, dëmtimi i një objekti që është monument kulture si selia e bashkisë së Tiranës, që nuk është prona ime, të gjitha këto nuk kanë lidhje me teatrin. Ky është një cirk i shëmtuar, është bërë shumë bajat dhe banal’, theksoi Veliaj.
Fakti, vijoi Veliaj, që Tirana i ka braktisur totalisht, do të thotë se Tirana mezi po pret Teatrin e Ri.
“Ky është teatri i Tiranës, ky është teatri i qytetarit, ky është teatri që do të jetë me kondicioner në verë dhe do jetë me ngrohje në dimër; ky do të jetë Teatri ku çdo aktor, flas për aktorët e mirëfilltë, jo aktorët e Saliut, do të ketë dhomën e tij personale me të gjitha kushtet”, tha Veliaj.
Kryebashkiaku nënvizoi se qytetarët dhe aktorët presin Teatrin e Ri me kushte të mira për të punuar dhe për të shijuar shfaqjet. Projekti parashikon edhe një hapësirë për parking nëntokësor, si dhe të gjitha dhomat teknike që do t’i shërbejnë skenës qendrore.
“Detyra juaj nuk është të shqetësoheni për djegien e gomave, por të shqetësoheni për inxhinierinë, për pjesën teknike, për ndërtimin dhe betonimin, për ujë, drita, fibrat optike dhe energjia elektrike. Detyra jonë, siç e kërkon edhe ndarja e punëve, është të dëgjojmë edhe për ca kohë atë teatër absurd. Por, mënyra më e mirë për t’i dhënë një përgjigje djegies së gomave dhe banalitetit grotesk që krijohet me këtë ritualin për lirimin e Saliut, është ndërtimi i kësaj vepre”, u shpreh Veliaj.
Kryebashkiaku Veliaj tha se “kush e mban mend historinë e Tiranës moderne, asnjë projekt i madh që ka ndryshuar jetën e qytetit nuk është bërë pa sherr nga ata që dinë të bëjnë vetëm sherr. E filluam këtë punë me këndin e lodrave te Liqeni dhe kur shikoj të njëjtat fytyra që tërhiqnin kangjellat zvarrë në Bulevard, që protestonin kundër lodrave me pistoletë, imagjino ç’i bëjnë këtij projekti. E njëjta gjë ndodhi me Astirin, ku dogjën gomat, e njëjta gjë ndodhi te Bulevardi, e njëjta gjë ndodhi te Pazari i Ri, te Kalaja këtu ngjitur. Pra, ky është një film që e kemi parë, tani të presim edhe serialet e fundit të filmit, por ndërkohë duhet të fillojmë një epokë të re me Teatrin e Ri që bën kontrast të madh me teatrin e banalitetit që shoh”.
Në fund, kryebashkiaku theksoi se gjatë verës puna për teatrin do të vijojë me tre turne, për të shfrytëzuar largimin me pushime të qytetarëve, kur Tirana ka më pak lëvizshmëri. atsh/A.K./TemA
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ju vazhdoni me keto ritme ,jeni ju PS ,Edi Rama ,Erion Veliaj qe po e beni Tiranen moderne ,por per qytetaret jo per shpellaret e Non Gratave .
O Erion!Po ndërtoni teatër të ri e modern.Dakort.Po kush artist do luajë dhe çfarë do luhet?Para të hedhura kor së koti.Kalaja me ata që që duan tju djegin të gjallë edhe juve?Nuk e di por një gjë e di mirë;Çdo gjë për të ndërtuar kot më kot.Behen regullohen ndërtohen shkolla në një kohë që nxënsit rinë gjithë ditën me celular dhe shkojnë pa libra.Atëhete përse duen shkollat e reja kur njerzit po venë lopë dhe jo në shkollë?Edhe këtu në Greqi ka shkolla shumë por dalin dhjetë bandilla i lidhin dyert me zinxhirë dhe nuk bëhet mësim...
Veliaj verifikon sasine e parave qe do te marre, bastard i pafytyre…