Te fundit
Cilat shtete kanë ndaluar TikTok dhe pse?
20 Nëntor 2024, 19:56Lifestyle
TEMA
Shumë vende janë të shqetësuara për sigurinë e TikTok dhe lidhjet e platformës me Kinën zyrtare. Përveç problemeve politike aplikacioni tashmë është e konfirmuar se krijon probleme serioze në shëndetin mendor, sidomos tek adoleshentët, shkruan euronews.com.
Po përmendim disa vende më me peshë gjeopolitike, ushtarake dhe ekonomike sipas të cilave ky aplikacion përbën një rrezik serioz për ta dhe banorët e tyre.
Shtetet e Bashkuara të Amerikës
Më 13 mars, Dhoma e Përfaqësuesve miratoi me shumicë dërrmuese një ligj që kërkon që kompania mëmë me bazë në Pekin të TikTok të largohet nga platforma ose të përballet me një ndalim mbarëkombëtar.
Përpjekja, e kundërshtuar më parë nga Senati për shqetësimet e lirisë së fjalës, u miratua më 24 prill si pjesë e një pakete më të madhe.
Britania e Madhe
Më 16 mars 2024, Oliver Dowden, sekretari i Shtetit i Mbretërisë së Bashkuar në zyrën e kabinetit, njoftoi në një deklaratë për Dhomën e Komunave të Mbretërisë së Bashkuar një ndalim të menjëhershëm të aplikacionit në pajisjet zyrtare të qeverisë.
Franca
Më 24 mars, qeveria franceze ndaloi instalimin dhe përdorimin e aplikacioneve “rekreative” si TikTok, Netflix dhe Instagram në telefonat e punës të 2.5 milionë nëpunësve civilë.
Ndalimi, i cili u njoftua me një udhëzim “detyrues”, ka hyrë menjëherë në fuqi dhe nuk vlen për telefonat personalë të punonjësve të shtetit.
Estonia
Në fund të marsit, ministri në largim i IT dhe Tregtisë së Jashtme të Estonisë, Kristjan Jarvan, deklaroi se TikTok do të ndalohej nga telefonat e ofruar nga shteti për zyrtarët publikë.
Australia
Më 4 prill, Australia ndaloi TikTok nga të gjitha pajisjet në pronësi të qeverisë federale për shkak të shqetësimeve të sigurisë.
Një paralajmërim i lëshuar nga Departamenti i Prokurorit të Përgjithshëm tha se TikTok paraqet rreziqe për sigurinë dhe privatësinë për shkak të “grumbullimit të gjerë të të dhënave të përdoruesit dhe ekspozimit ndaj udhëzimeve jashtëgjyqësore nga një qeveri e huaj në konflikt me ligjin australian.
Holanda
Ministria e Brendshme holandeze ka dekurajuar përdorimin e të gjitha aplikacioneve nga “vendet me një program agresiv kibernetik që synon Hollandën ose interesat holandeze në telefonat e shpërndarë nga qeveria.
Ministria paralajmëroi se aplikacionet nga vende si Kina, Rusia, Koreja e Veriut dhe Irani përbënin “një rrezik të lartë spiunazhi”.
Norvegjia
Më 23 mars, parlamenti i Norvegjisë ndaloi Tiktok nga pajisjet e punës, pasi Ministria e Drejtësisë e vendit paralajmëroi se aplikacioni nuk duhet të instalohet në telefonat e ofruar për punonjësit e qeverisë.
Ministrja e Drejtësisë Emilie Enger Mehl tha në një deklaratë se “në vlerësimet e tyre të rrezikut… shërbimet e inteligjencës norvegjeze identifikojnë Rusinë dhe Kinën si faktorët kryesorë të rrezikut për interesat e sigurisë së Norvegjisë”.
Belgjika
Më 10 mars, Belgjika njoftoi se do të ndalonte TikTok nga pajisjet në pronësi ose të paguara nga qeveria federale belge për të paktën gjashtë muaj, duke përmendur shqetësimet për sigurinë kibernetike, privatësinë dhe dezinformimin.
Kryeministri Alexander de Croo tha se ndalimi bazohej në paralajmërimet nga Shërbimi i Sigurisë Shtetërore dhe qendra e tij e sigurisë kibernetike, e cila tha se aplikacioni mund të mbledhë të dhënat e përdoruesve dhe të modifikojë algoritmet për të manipuluar lajmet dhe përmbajtjen e tij.
Danimarka
Më 6 mars, ministria Daneze e Mbrojtjes njoftoi se do të “ndalojë përdorimin e aplikacionit në njësitë zyrtare” si një masë sigurie kibernetike.
Në një deklaratë, ministria tha se Qendra e Sigurisë Kibernetike e vendit skandinav, pjesë e shërbimit të inteligjencës së jashtme të Danimarkës, kishte vlerësuar se ekzistonte rreziku i spiunazhit.
Kanadaja
Më 6 nëntor, qeveria federale kanadeze urdhëroi TikTok të ndalojë operacionet e saj në vend për shkak të shqetësimeve për ndërhyrje të huaja.
Ministri i Inovacionit François-Philippe Champagne i tha medias shtetërore se vendimi për mbylljen e dy zyrave të TikTok në Toronto dhe Vancouver u mor në bazë të këshillave të ekspertëve të sigurisë dhe inteligjencës kanadeze.
Zelanda e Re
Më 17 mars, Zelanda e Re njoftoi se TikTok do të ndalohej nga telefonat e ligjvënësve të qeverisë në fund të muajit.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Prosionistat ndalojne tiktokun se iu prish propaganden e tyre!
PO TURQIA KA TIK TOK ,,SNA THAT PER TURQIN ,,JA SHIKO ,,KA APO SKA ,
Alamet shtetesh. Po ve bast se perpara ndalimit te TikTokut, kane marre masa shume me serioze.
Keto jane vende te fuqishme qe kane shtet dhe ligje te forta dhe te rrepta kunder krimit, dhe ne fund i ka mbetur edhe si mase anesore mbyllja e Tiktokut. Kurse babloku i Surrelit i bie shkurt. Ben nje sy qorr ndaj ligjeve te buta, gyqtareve te korruptuar, ryshfeteve per uljen e denimit, moskapjes se kriminelave dhe bandave te droges, dhe ja fut nje mbyllje TikToku sa per sy e faqe. Qeveri palacosh.
Te gjitha kolonite e SHBA-ve me pak fjale, por vetem per telefonat shteterore
Keto shtete e kane ndaluar Tiktokun prej shqetesimeve per spiunazh kinez se eshte aplikacion kinez. Nuk ka lidhje me dhune adoleshentesh. Ne Amerike, kongresi e ndaloi prej rrezikut te spiunimit kinez, po ashtu edhe Franca qe ja ka ndaluar aplokacionin punonjesve te qeverise ne telefonat e punes qe mos i hakerojne kinezet te dhena te ndjeshme. Kurse shalgjati yne do te zgjidhe me Tiktok rinine e degjeneruar shqiptare. Budalla i ceket injorant.
Shkërdheni i sali halesë ju paguan të gjithëve që flisni si e jëma e zeqos në majë të thanës?! Unë sjam dakort që të mbyllet Tik Toku, sepse mendoj që kjo nuk është zgjidhja. Por për pisjet shtetërore dhe private të atyre që punojnë në shtet, po, nuk duhet tu lejohet, sepse shteti Kinez mund të mbledhë të dhëna sensitive. Sa për platformën që është private Kineze unë mendoj se pronarët e saj skenë bythë të mos ja japin të dhënat shtetit Kinez, sepse i treshen në minutë.
@Kënd vështrimi tjetër... STOP komentimit në gazetë! Ik PIRDHU se do mbyllesh edhe ti.