Te fundit
Futbollisti i njohur ngre padi ndaj ish-partneres, i vodhi 7 milionë euro
4 Prill 2025, 13:03Lifestyle
TEMA
Avokatët e futbollistit argjentinas Mauro Icardi kanë ngritur akuza të rënda ndaj ish-bashkëshortes së tij, Wanda Nara, duke e akuzuar se ka tërhequr pa autorizim një shumë prej 7 milionë eurosh nga llogaritë e tyre bankare.
Sipas gazetarit të njohur argjentinas, Gustavo Mendez, bëhet fjalë për 5 milionë euro të marra nga një llogari e përbashkët dhe 2 milionë euro të tjera nga një llogari ku ishin depozituar të ardhurat e Icardit nga shitja e fanellave dhe aksesorëve të tij. Të gjitha këto para dyshohet se janë transferuar në llogarinë personale të Wanda Narës, pa dijeninë apo miratimin e vetë futbollistit.
Wanda Nara, e cila për shumë vite ka qenë edhe menaxhere e Icardit, ka administruar aspekte të ndryshme të karrierës së tij profesionale dhe financave. Pala ligjore e futbollistit ka kërkuar dëmshpërblim për dëmin e shkaktuar, duke theksuar se veprimet e ish-bashkëshortes përbëjnë shkelje të rëndë të marrëdhënies së besimit dhe keqpërdorim të pozitës së saj si menaxhere.
Burime pranë Icardit bëjnë me dije se kjo situatë është tensionuar edhe më shumë pas nisjes së lidhjes së tij me modelen argjentinase Chyna Suarez në muajin nëntor, lidhje që dyshohet se ka nxitur reagime të ashpra nga ana e Wanda Narës. Aktualisht, Nara është në një marrëdhënie me reperin argjentinas L-Gante.
Ky konflikt po hedh dritë mbi përplasjet që kanë shoqëruar ndarjen e çiftit të famshëm dhe betejën ligjore që ka nisur për menaxhimin e pasurive dhe bizneseve të përbashkëta që ata ndanë gjatë martesës së tyre.
Më të lexuarat
24 oret e fundit
Javen e fundit
Blog Tema
Lini një Përgjigje