Te fundit
Zbulim i jashtëzakonshëm në Itali: Tunel i lashtë mund të lidhte Romën me një qytet 80 km larg
4 Prill 2025, 09:05Lifestyle
TEMA
Një zbulim arkeologjik i papritur ka habitur opinionin publik në Itali: një tunel i lashtë, i fshehur për shekuj në shkëmbin vullkanik të zonës së Tuscias, mund të ketë shërbyer si lidhje mes qytetit të Viterbos dhe Romës – në një distancë prej mbi 80 kilometrash.
Tuneli u zbulua gjatë punimeve nëntokësore në qendrën historike të Viterbos. Teksa teknikët po punonin në themelet e një ndërtese, hasën në një hyrje të mistershme të gdhendur në shkëmb. Arkeologët nga Universiteti i Tuscias, të cilët iu bashkuan menjëherë kërkimeve, shprehën habinë e tyre. “Asgjë e ngjashme nuk është parë më parë në Itali,” u shpreh një prej tyre.
Struktura nëntokësore është rreth tre metra e lartë dhe dy metra e gjerë, dhe sipas matjeve të para, ajo shtrihet në drejtim juglindor – drejt Romës. Deri më tani, është konfirmuar se tuneli arrin deri në zonën e Sutrit, dhe ekzistojnë indikacione se mund të shkojë deri në Prima Porta, në hyrje të kryeqytetit italian.
Origjina e tunelit mbetet ende mister. Disa historianë mendojnë se mund të jetë ndërtuar në Mesjetë si rrugë sekrete komunikimi mes Vatikanit dhe Viterbos, në kohën kur ky i fundit shërbente si seli papnore. Të tjerë sugjerojnë se tuneli mund të ketë origjinë etruske, me funksione ushtarake apo për evakuim emergjent.
Aktualisht, hyrja në tunel mbahet e fshehtë për të shmangur dëmtimet apo grabitjet. Po përdoren pajisje të avancuara teknologjike për të hartuar strukturën dhe për të vërtetuar nëse ajo shtrihet realisht deri në Romë. Ky zbulim i rrallë pritet të rishkruajë historinë e lidhjeve antike në rajon dhe të hapë një kapitull të ri për turizmin arkeologjik në Viterbo.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Roma eshte me shume nen toke se mbi toke.Citta eterna
Ky eshte tunel metroje si sot. Mjeti duket se nuk ka qene tren i sotem.
Ka qene metro me kuaj
Roma djepi i kultures se lashte romake
Tuneli ishte hale per te dhjere
nuk duhet ngaterruar me vrymen e Historise Lahtesise ,nga ku doli Hella_taqis sot Gerrqia .Jo.
Nji arkitekt italian tha qe ky tynel mund te jete mbi 10000 mij vjecar sdihet kush e ka ndertu Mund te rishkruhet historia e botes nga ky zbulim
Rom(olo)/Rem(olo)=me te vertete qe jane nen ndikimin e NARKOZES. [LUPINA],TRE(3)motrat(betimi nji(1)her bohet Herkuli(ne teori e din,qe AKILE,osht vlla i Vet) emrin LUPINA(thjesht e ka me te lexume)pse e lexon,mos te harroj(,,,,,,vetem ZEUS u ka rrit me qumesht). Ca ndodh,DIREKT,ne keto sekonda[u ka pas thon 480vite perpara(12vjet e gjysem,amaneti osht thone =vertikalisht) Kane mbetur edhe 940PASCODE(ose domethenie)(ose paaword). Mbasi kalojne 24vite(edhe jepet nonji mendim)