Te fundit
Hajdutët hyjnë në banesën e futbollistit francez, alarmon bashkëshortja shqiptare - policia arreston 5 persona
21 Maj 2026, 11:34Lifestyle
TEMA
Banesa e futbollistit francez Benjamin Pavard në Marsejë është vënë në shënjestër të një tentative grabitjeje gjatë mbrëmjes së të mërkurës.
Sipas mediave franceze, pesë persona dyshohet se kanë hyrë në zonën e jashtme të pronës së mbrojtësit të Olympique de Marseille, por janë pikasur në kohë nga bashkëshortja e tij, modelja shqiptare Kleofina Pnishi, e cila ka njoftuar menjëherë autoritetet.
Pas alarmit, autorët janë larguar me shpejtësi me një automjet tip Mercedes, por policia franceze ka ndërhyrë menjëherë dhe ka arritur ta lokalizojë makinën vetëm pak minuta më vonë.
Brenda automjetit ndodheshin pesë persona, të cilët janë ndaluar dhe shoqëruar në komisariat për marrje në pyetje lidhur me ngjarjen.
Fatmirësisht, nga incidenti nuk raportohet për të lënduar, ndërsa hetimet vijojnë për të zbardhur plotësisht rrethanat dhe për të parë nëse të dyshuarit janë të përfshirë edhe në raste të tjera të ngjashme në zonë.
Kujtojmë se Pavard është i martuar me modelen nga Gjakova, Kleofina Pnishi, e rritur në Francë. Çifti ka kurorëzuar lidhjen e tyre në martesë verën e vitit të kaluar në një ceremoni që mori vëmendjen e mediave ndërkombëtare.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
I solli fat martesa me koqevaren