Te fundit
Ku preferohet më shumë puna nga shtëpia? Renditja e vendeve që e praktikojnë më shpesh
20 Maj 2025, 09:40Lifestyle
TEMA
Puna nga shtëpia është kthyer në një normë të qëndrueshme për shumë profesionistë në botë, dhe Gjermania është një nga vendet që spikat në këtë drejtim. Sipas një studimi të fundit të realizuar nga Instituti i Ekonomisë ifo, punonjësit gjermanë, sidomos ata me arsim të lartë, punojnë mesatarisht 1.6 ditë në javë nga shtëpia – një shifër që i vendos ata në vendin e dytë në Evropë, menjëherë pas Finlandës.
Në nivel global, vetëm Kanadaja (1.9 ditë) dhe Mbretëria e Bashkuar (1.8 ditë) shënojnë një përqindje më të lartë të ditëve të punës nga distanca. Ndërkohë, vende si Koreja e Jugut, Kina dhe Greqia mbeten në fund të listës, me më pak se një ditë pune nga shtëpia në javë.
Studimi tregon gjithashtu se prindërit, veçanërisht ata me fëmijë të vegjël, janë më të prirur të kombinojnë punën në distancë me prezencën fizike në zyrë. Nga ana tjetër, ata pa fëmijë shpesh zgjedhin ose punë tërësisht në distancë, ose tërësisht në vendin e punës. Dallimet gjinore janë të vogla, por gratë me fëmijë shfaqin një interes më të madh për fleksibilitetin që ofron puna nga shtëpia, krahasuar me gratë pa fëmijë.
Në një kohë kur disa kompani po kërkojnë rikthimin në zyrë, ky raport nënvizon se puna hibride vazhdon të mbetet një zgjedhje popullore dhe e qëndrueshme në mbarë botën.
Më të lexuarat
24 oret e fundit
Javen e fundit
Blog Tema
Lini një Përgjigje