Te fundit
Mira Murati largohet nga Open AI: Ndjej se është vendimi i duhur…
26 Shtator 2024, 09:00Lifestyle
TEMA
Shefja për teknologji e kompanisë OpenAI, Mira Murati, ka njoftuar se po largohet nga kjo kompani pas gjashtë vjet e gjysmë. Murati kishte shërbyer si shefe ekzekutive e kompanisë vitin e kaluar në kohën kur kishte pasur një puç të dështuar kundër themeluesit të firmës, Sam Altman.
Përmes një njoftimi, që ajo ua ka dërguar punonjësve, të cilën e ka shpërndarë edhe në X, Murati tha se “kam marrë vendimin që të largohem nga OpenAI”.
Largimi i Muratit vjen pasi një sërë zyrtarë të lartë të kompanisë së inteligjencës artificiale, që mbështetet nga Microsoft, janë larguar gjatë këtij viti, përfshirë edhe themeluesit Ilya Sutskever dhe John Schulman.
OpenAI, kompania që ka në pronësi ChatGPT, është një prej kompanive që ka përjetuar më së shumti rritje në botë.
“Asnjëherë nuk është momenti i duhur që të largohesh nga vendi që e vlerëson, por sërish, ndiej se ky është vendimi i duhur”, tha Murati, inxhinierja 35-vjeçare nga Vlora e Shqipërisë.
“Lansimi i modeleve tona për të folurit të Open AI o1, shënojnë fillimin e një epoke të re të ndërveprimit dhe inteligjencës, arritje të mundësuara nga zgjuarsia dhe mjeshtëria juaj”, tha Murati në njoftimin dërguar punonjësve të OpenAI.
Murati tha se po largohet nga kompania sepse dëshiron të krijojë “kohë dhe hapësirë për të eksploruar”. Ajo shtoi se fokusi i saj kryesor do të jetë që në kompani të ketë një “tranzicion” të lehtë pas vendimit për t’u larguar nga kompania.
Shefi ekzekutiv i OpenAI, Sam Altman, përmes një postimi në X e falënderoi Mira Muratin “për gjithçka”.
Ai tha se Mira Murati ishte një person shumë i rëndësishëm për OpenAI, “për misionin tonë dhe për ne të gjithë personalisht”.
“Jam jashtëzakonisht mirënjohës ndaj saj, për ndihmën që nga ka ofruar që të ndërtojmë dhe arrijmë, por mbi të gjitha ndiej mirënjohje personale ndaj saj për mbështetjen dhe dashurinë në kohë të vështira. Mezi pres të shoh se çfarë do të bëjë ajo tani”, tha ai.
Rritja e OpenAi është përshpejtuar që kur më 2022 lansoi aplikacionin ChatGPT. Aktualisht, besohet se vlera e kompanisë është më shumë se 150 miliardë dollarë.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos. Na e le Ramën vetëm. Kishte shumë shpresa ta bënte Shqipërinë fanar ndriçues me AI-në tënde moj motra
Sesi nje person quhet i rendesishem dhe pastaj largohet,mesa duket pa deshire,hajde merre vesh,mesa duket shembujt tone te lëvizjeve te personaliteteve pa kriter ka mbërritur dhe atje.
Iku dhe nje shashke tjeter e Rames qe hodhi per te luajtur budallenjte sipas Meros.. Ideja gjeniale e Rames per te perpjeshtuar procedurat ne BE me ChatGPT u shfry si fllucke. Kshu eshte kur te merr koka ere dhe mendon qe mjafton te besh muhabet me te madhin dhe rregullohet.
po tere ato plane qe na fjalosi Rama bektashiu ku vane ? Apo vari leshte, si puna e satelitin, propagande per budallenjte
boo... keto fjalite me lepirese dyaneshe: ".. nuk duhet te largohem, por e ndjej qe eshte momenti qe duhet te largohem..."! Antipati per lepirjet dhe "qurrat dhe lotet" qe rrjedhin ne keto ndarjet "heroike"!!! E kishe marre vendimin, prandaj mund te vazhdoje rrugen tende pa "lepirje" te firmes qe po braktis per arsyet e tua personale, por nuk rrije dot pa u ndare me lepirje dhe qurravitje mallengjyese kundrejt shefit...