Te fundit
Një burrë vendos që të shkojë nga Kosova në Indonezi me biçikletë për dashurinë e jetës
1 Gusht 2024, 18:21Lifestyle
TEMA
Thonë se dashuria nuk njeh kufij. Mësa duket, këtë thënie do të na e dëshmojë në praktikë Cekki Hoti, i cili thotë se ka vendosur që të shkojë me biçikletë nga Kosova deri në Indonezi, sepse atje e ka gjetur dashurinë.
Në faqen ndërkombëtare të çiklistëve në rrjetin “Facebook”, “Bicycle Travellers”, Hoti ka treguar për arsyen e kësaj aventure dhe ka kërkuar sugjerime për udhëtimin e gjatë.
Sipas një kërkimi të thjeshtë në internet, Indonezia është mbi 10 mijë kilometra larg nga Kosova. Ky shtet shtrihet në Azinë Juglindore.
Duke i publikuar flamujt e Kosovës dhe të Indonezisë, në gjuhën angleze ai shkroi:
"Nga Kosova në Indonezi
Këto ditë së shpejti do ta nis udhëtimin tim nga Kosova në Indonezi me biçikletë. Pse po e bëj këtë udhëtim? Epo, siç thonë (unë do të shkoj në fund të botës për dashuri), prandaj unë do ta bëj të njëjtën. E gjeta dashurinë time atje që do ta takoj.
Me bekimet e Zotit dhe me përkrahjen tuaj të dashur, shpresoj se do t’ia dal.
Nëse ndokush ka ndonjë sugjerim rreth udhëtimi, ju lus që ta shkruani. Do ta vlerësoja."
Shkrimi i tij u pëlqye nga më shumë se 500 persona dhe mori shumë komente, kryesisht pozitive.
“Nuk e ke seriozisht, apo” – shkroi dikush me mbiemrin Dragusha.
Dikush tjetër i uroi fat. “Paç fat të mirë dhe shijoje secilin moment të udhëtimit tënd” – tha Mohd Azizul Yussuf.
Një person tjetër pati një vërejtje në gjuhën shqipe: “O vëlla, nëse ke veç pasaportë të Kosovës, nuk të lejojnë me hy në Indonezi dhe plot shtete të tjera ndërmjet. Ki kujdes.”
Valentin Kushnini bëri pak shaka: “Shko me avion e bleje bicikllen atje, ma lirë e ma shpejt.”
Një person tjetër i hyri politikës, duke i sugjeruar që të lobonte për Kosovën: “Mos harro që t’u tregosh indonezianëve se Kosova është shtet i pavarur.”
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
rrote kari
...te hane mut. Hallaun habar
Te ikin dhe te tjere qe te pastrohet kosova nga mbetjet otomane.
Pse jo te mos shkoje ,mbas kesaj te shkoje ne Hene ,pune koqevaresh
Bo bo cfare komentesh primitive , Sigurisht keta qe komentojne ne menyre kaq negative, jane nga ata qe jeten e shohin : ha ne kuzhine dhe jashteqit ne qenef. O njerez pak aventure ne jete duhet , dhe nuk ju ben dem, Ju lodh ca , por ama ju pasuron shpirtin.