Te fundit
Njeriu i parë në Hënë pas 53 vjetësh/ NASA nis numërimin mbrapsht, "Artemis II" gati për nisje të mërkurën
31 Mars 2026, 08:45Lifestyle
TEMA
NASA ka nisur numërimin mbrapsht për të dërguar njeriun e parë në Hënë pas 53 vjetësh.
Raketa Space Launch System, e lartë sa 32 kate, është gati të niset drejt hapësirës të mërkurën në mbrëmje me katër astronautë bord. Pas një dite në orbitë rreth Tokës, kapsula e tyre Orion do t'i çojë drejt Hënës dhe do t'i kthejë ata mbrapsht.
Fluturimi afro 10-ditor do të përfundojë me një ulje në Oqeanin Paqësor.
"Ekipi ynë ka punuar jashtëzakonisht shumë për të mbërritur në këtë moment," tha drejtori i nisjes Charlie Blackwell-Thompson. "Sigurisht, të gjithë treguesit tani na tregojnë se jemi në gjendje të shkëlqyer."
Menaxherët thanë se raketa po funksionon mirë pas raundeve të fundit të riparimeve, ndërsa parashikuesit e motit thanë se moti duhet të bashkëpunojë.
Misioni Artemis II i NASA-s duhej të kishte nisur në shkurt, por u bllokua nga rrjedhjet e hidrogjenit. Rrjedhjet u rregulluan, por më pas një linjë presioni me helium u bllokua, duke detyruar kthimin në hangar në fund të muajit të kaluar. Raketa u kthye në sheshin e nisjes 1 javë e gjysmë më parë, dhe ekuipazhi amerikano-kanadez arriti në vendin e nisjes të premten.
Ndryshe nga Apolloja, e cila dërgoi vetëm burra në Hënë nga 1968 deri në 1972, ekuipazhi i parë i Artemisit përfshin një grua, një person me ngjyrë dhe një qytetar jo-amerikan.
Piloti i Artemis II, Victor Glover, tha gjatë fundjavës se dëshiron që të rinjtë t'i shohin dhe të mendojnë për forcën e vajzave. "Djemtë dhe vajzat e reja me ngjyrë mund të më shohin dhe të mendojnë 'Hej, ai duket si unë dhe shiheni se ku është???'"
Në të njëjtën kohë, Glover, i cili është person me ngjyrë pret me padurim ditën kur nuk do të jetë më nevojshme të flitet për çështjet e identitetit dhe eksplorimi i kozmosit të bëhet një "histori njerëzore" gjithëpërfshirëse. /AP News
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Prape nuk keni per te shkuar ne hene se nuk eshte e mundur ... ka per te plasur prape hidrogjeni si dikur dhe misioni do deshtoje. kot lodheni . Si nuk gjetet nje hidraulik te mire qe tua shtrengoje mire ato tubat e hidrogjenit more njerez. Po ca mashtrimi eshte ky , rrodhen tubat e hidrigjenit. Po pse lavamani im nuk rrjedh uje ? Sepse duhen shtrenguar mire tubat dhe duhen testuar. Po ju keni 70 vjet qe ju rrjedhin tubat e hidrogjenit. Nuk ka zanatcinj te mire amerika , kot mundohen me shkence, duhen zanatcinj per ate pune jo shkencetare
Po pse nuk ofrohesh ti si hidraulik dhe koqe kanari që je njëherësh?
kontrapedal or lal!!duhet me thon diçka dhe o burra paërqesh gomarin!!
12 astronautë ("kozmonautë" thonin sojetikët) amerikanë e kanë shkelë Hënën në 6 misione (1969 - 1972), çdoherë me nga 3 astronautë. Nga 1 astronautë sillej rreth Hënës derisa 2 kolegët e tij kryenin punë derisa ktheheshin në anije. Zbritja e parë ka qenë në korrik 1969 dhe është transmetuar live në tv duke ua përcjellë qindra milionë shikuesve në shtëpitë e tyre çastin historik.