Te fundit
Paditen linjat ajrore që shitën “ulëse afër dritares”, por dolën pa dritare
21 Gusht 2025, 11:35Lifestyle
TEMA
Linjat ajrore “Delta Air Lines” dhe “United Airlines” janë paditur nga pasagjerë që kanë pretenduar se kanë paguar më shtrenjtë për një vend te dritarja, por janë ulur pranë një hapësire të zbrazët.
Padia kërkon miliona dollarë dëmshpërblim për mbi 1 milion klientë të secilës linjë ajrore.
Ata kanë thënë se kompanitë nuk kishin shënuar në faqen e rezervimeve se ulëset nuk kanë fare dritare, edhe pse u është kërkuar të paguajnë ekstra, raportoi BBC.
Paditësit kanë thënë se avionët kishin ulëse pa dritare për shkak të pozicionit të kanaleve të ajrit të kondicionuar, instalimeve elektrike ose pjesë të tjera.
Të dy linjat ajrore i përshkruajnë ulëset anash aeroplanëve të tyre si “ulëse nga dritarja”, edhe pse e dijnë se disa nuk kanë dritare anash, thuhet në padi.
Pasagjerët duhet të paguajnë më shumë për të zgjedhur një ulëse të tillë në vend të një tjetre standarde.
Mbrojtësit e paditësve kanë thënë se kjo është praktikë “mashtruese” dhe “e paligjshme”.
Më të lexuarat
24 oret e fundit
Javen e fundit
Blog Tema
Lini një Përgjigje