Te fundit
Për herë të parë pas gati 150 vitesh, Spanja mund të ketë së shpejti një Mbretëreshë 19-vjeçare
12 Janar 2026, 12:33Lifestyle
TEMA
Princesha Leonor, e lindur më 31 tetor 2005, është trashëgimtare e fronit spanjoll që nga lindja dhe mban titullin Princeshë e Asturias. Edhe pse vetëm 19 vjeçe, ajo po përgatitet intensivisht për një rol historik që Spanja nuk e ka parë prej brezash.
Në tetor 2023, me mbushjen e 18 viteve, Leonor u betua zyrtarisht për besnikëri ndaj Kushtetutës së Spanjës, një hap kyç që shënoi marrjen e plotë të detyrimeve të saj mbretërore. Pak javë më parë, ajo kishte nisur një program trevjeçar trajnimi ushtarak në Akademinë e Përgjithshme Ushtarake në Zaragoza.
Trajnimi i saj do të zhvillohet në të tre degët e forcave të armatosura, ushtri, marinë dhe forcë ajrore, duke ndjekur traditën e përgatitjes së monarkëve spanjollë dhe duke forcuar rolin e saj të ardhshëm si kryetare e shtetit dhe komandante e përgjithshme e ushtrisë.
Spanja nuk ka pasur një mbretëreshë në fron që nga rrëzimi i Mbretëreshës Isabella II në vitin 1868. Nëse Leonor ngjitet në fron, ajo do të bëhet mbretëresha e parë e vendit pas gati 150 vitesh, duke simbolizuar njëkohësisht vazhdimësinë historike dhe ndryshimin brezor.
Edukimi dhe formimi i saj pasqyrojnë një monarki që po përshtatet me kohën moderne, e bazuar te përgjegjësia kushtetuese, disiplina dhe shërbimi publik, më shumë sesa te ceremonialet tradicionale.
Kujtojmë se ditët e fundit sipas raportimeve, kanë qarkulluar lajmet se mashtruesit kanë krijuar video dhe profile false, ku duket sikur Princesha Leonor flet drejtpërdrejt dhe premton shpërblime ose ndihmë financiare për përdoruesit. Pasi viktimat dërgojnë pagesat e kërkuara, mashtruesit shpesh kërkojnë edhe më shumë para dhe pastaj zhduken pa asnjë shpërblim.
Fondacioni i Princeshës së Asturias ka nxjerrë një paralajmërim të qartë: as Princesha Leonor, as Fondacioni nuk ofrojnë asnjë ndihmë financiare online dhe çdo llogari që pretendon të kundërtën është e rreme dhe mashtruese. Autoritetet paralajmërojnë qytetarët që të jenë të kujdesshëm dhe të mos bien pre e këtyre mashtrimeve.
Kjo skemë ka marrë përmasa të mëdha, me shumë video që kanë grumbulluar mijëra shikime dhe numra të huaj telefoni të përdorur për mashtrim, duke rritur rrezikun për qytetarët që nuk janë të vetëdijshëm për rremullën. TikTok ka deklaruar se përmbajtja e tillë nuk shkel rregullat e komunitetit, edhe pse përdoruesit kanë bërë ankesa./ E.K
Burimi:The Guardian
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk ka asgje "spanjolle" per kete familje mbreterore. Jane me prejardhje nga Franca, nga familja mbreterore franceze Burbon, dmth kane gjak francez, i ati mbreti dhe e bija 19 vjec mbrereresha e ardhshme. Dhe jane "mbreter e mbreteresha" te Spanjes.
Gjyshen e ka Greke
Ne Greqi thjesht ka lindur gjyshja. Nuk eshte me prejardhje greke. Edhe nga fytyra nuk ngjajne fare si greke.
Tani njëri thot e kanë prejardhjen nga Franca,tjetra thot nga Greqia, Unë them që gjyshi i tyre ka qën shqiptarë.
Po pse shqetesoheni se nga jane , ku eshte problemi ?
Jane franceze jo greke. Cfare lesh greke.
E kane origjinen (gjakun) nga familja mbreterore e Frances
Pse Mbretereshe me shkronje te madhe?
Prejardhjen e tyre e zgjidh vetëm Agron Dalipaj...