Te fundit
Rama: Koncerti i Kanye West është investim për Shqipërinë, jo shpenzim! Marketing global që sjell turizëm dhe ekonomi
11 Korrik 2026, 10:40Lifestyle
TEMA
Kryeministri Edi Rama ka reaguar në rrjetet sociale pak orë përpara koncertit të Kanye West, duke e cilësuar ngjarjen si një investim strategjik për promovimin e Shqipërisë në arenën ndërkombëtare.
Në një postim në Facebook, Rama shkruan se stadiumi është gati për koncertin, i cili sipas tij do ta vendosë Shqipërinë në hartën globale të komunitetit të adhuruesve të muzikës, duke tërhequr mijëra vizitorë nga vende të ndryshme të botës.
Duke iu përgjigjur kritikave për koston e organizimit, të cilën disa e kanë vlerësuar rreth 4 milionë euro, kryeministri thekson se kjo shumë nuk duhet parë si shpenzim, por si investim që do të rikthehet në ekonomi përmes rritjes së turizmit, konsumit dhe të ardhurave për bizneset dhe buxhetin e shtetit.
“Një koncert i kësaj përmase nuk është thjesht një ngjarje artistike. Është marketing global për Shqipërinë, një reklamë që do të kushtonte shumë më tepër nëse do të realizohej përmes fushatave tradicionale,” shkruan Rama.
Sipas tij, kultura nuk është vetëm një vlerë artistike, por edhe një motor zhvillimi ekonomik, që ndikon drejtpërdrejt në turizëm, punësim dhe rritjen e konsumit. Ai sjell si shembull edhe koncertin e Kanye West në Stamboll, për të cilin pretendon se ka gjeneruar mbi 100 milionë euro vlerë të shtuar për ekonominë lokale.
Në fund të reagimit, Rama thekson se anulimi i një eventi të tillë do të dëmtonte imazhin e Shqipërisë, ndërsa organizimi i tij e promovon vendin si një destinacion të rëndësishëm për evente ndërkombëtare.
“Shqipëria nuk fiton duke u fshehur nga bota. Shqipëria fiton duke e sjellë botën në shtëpinë e saj,” përfundon kryeministri në postimin e tij në Facebook.
GATI STADIUMI I KONCERTIT që do të fusë Shqipërinë në një tjetër hartë globale, atë të komunitetit botëror të amatorëve të muzikës, të cilët falë ngjarjes muzikore të mbrëmjes së sotme do të bëjnë atë që bëjnë kudo shkon Kanye West: Do të vijnë të vizitojnë Shqipërinë
Disa vazhdojnë të flasin për 4 milionë euro shpenzim për një natë, por VETLM KUSH NUK DO S’E KUPTON që ato 4 milionë janë një INVESTIM, i cili do të rikthehet nga mijëra vizitorët që në 48 orët e fundit janë shtuar në hotelet, apartamentet, restorantet, baret, dyqanet, taksitë. Më shumë se sa 4 milionë do të jenë të ardhurat që do të rikthehen edhe në vetë arkën e shtetit, nga rritja e konsumit – është vërtetë gjynah që rrimë bëjmë këtë bisedë, në një ditë të shënuar kulturore si kjo për Shqipërinë.
Një koncert i kësaj përmase dhe i këtij artisti, nuk është thjesht një ngjarje artistike. Është MARKETING GLOBAL PËR SHQIPËRINË, një reklamë që do të kushtonte shumë më tepër po të blihej me fushata tradicionale. Dhe kjo nuk është një shpikje shqiptare. Është mënyra se si veprojnë vendet më të zhvilluara të Europës. Kush kujton se kultura është luks duhet ta rishikojë këtë opinion të gabuar.
“S’kemi bukë, s’na duhet kultura”? Gabim, kultura nuk është vetëm ushqim shpirtëror, po edhe ekonomi, turizëm, zhvillim. Bukë! (Nga koncerti Kanye West pak javë më parë, Stambolli pati mbi 100 milionë Euro vlerë të shtuar).
Prandaj ta paraqesësh një investim të tillë si para të hedhura në erë është të mos kuptosh se si krijohet vlerë monetare nga ngjarjet kulturore e sportive, ndërkohë që e kundërta, anullimi i koncertit, do të ishte turpërim i Shqipërisë dhe dëm i madh në imazhin e mezingritur të vendit tonë.
Shqipëria nuk fiton duke u fshehur nga bota. Shqipëria fiton duke e sjellë botën në shtëpinë e saj
Më të lexuarat
24 oret e fundit
Javen e fundit
Blog Tema
Lini një Përgjigje