Te fundit
Ruajuni nga ata që nuk ju çojnë në gjykatë për terrorizëm!
10 Korrik 2026, 17:26Editorial
Mero Baze
Kam pasur shumë reagime në inbox, email dhe telefon pasi kemi publikuar emrat e organizatorëve të fushatës kundër turizmit në Shqipëri. Që të mos u lë vend spekulantëve që e paraqesin si liri mendimi, nuk bëhet fjalë për ndonjë klient që shkon në një restorant, në ndonjë hotel apo diku tjetër dhe shpreh vlerësimin për shërbimin. Bëhet fjalë për disa veprimtarë të revolucionit, që kanë shpërndarë lista biznesesh që duhen masakruar dhe pas kësaj, brenda 12 orësh, mijëra review false, pa shkuar në asnjë biznes, kanë rrëzuar vlerësimet në Google nga 5 në 1, çka është terrorizëm mbi biznesin e turizmit.
E përsëris që nuk bëhet fjalë për ata që provojnë shërbimet e japin vlerësimet, por për ata që dëgjojnë Arlind Qorrin, Andi Bushatin, Agron Shehajn, Gjergj Erebarën, Andi Tepelenën, Arben Kolën e plot nxitës urrejtjesh ndaj biznesit, që mendojnë se po i shërbejnë Shqipërisë duke shkatërruar turizmin.
Në listën e WhatsApp-it të krijuar nga Fatos Lubonja për revolucionin, një vajzë bën thirrje të hapur për të sulmuar bizneset dhe shpërndan listën e tyre. Dhe qindra intelektualë aty nuk reagojnë asnjë. As këta deputetët e PD që janë pjesë e asaj liste dhe që gjoja janë të djathtë. Pra e dinë shumë mirë përse bëhet fjalë. E kanë shpërndarë vetë në listën e tyre. Bëhet fjalë për udhëzime për pushkatim kolektiv, jo për vlerësime individuale.
Kjo, përveçse terrorizëm i dënueshëm nga ligjet shqiptare dhe akoma më rëndë nga ligjet perëndimore, është një dimension i frikshëm i lirisë politike në vend, pasi ata janë me parimin që ata që nuk janë me ty duhen pushkatuar.
Ne e kemi pasur një sistem të tillë, por dhe ai kishte nxjerrë rregulla për pushkatime dhe internime. Nuk ishte në dorë të gjithkujt. Ishte në dorë të Enver Hoxhës të zgjidhte armikun, Manush Myftiut të të internonte, Hysni Kapos apo Mehmet Shehut të të pushkatonte. Tani këta enveristë e rinj të Shqipërisë ia kanë deleguar këtë kompetencë çdo idioti që mendon se ka në dorë fatet e shqiptarëve.
Në 100 për 100 të reagimeve që kam janë njerëz që kërkojnë ndjesë dhe kërkojnë t'ua heq emrin e ekspozuar, pasi janë gati të tërheqin review-t e shkruara me urdhër të komandës së revolucionit. Disa prej tyre i mirëkuptoj se dhe mund t'i ketë kapur vala e entuziazmit të revolucionit. Disa më rezultojnë që ishin të njohur dhe disa akoma më keq, njerëz që u kisha bërë dhe nder. Kjo është Shqipëria, por më vjen mirë që individualisht sillen si njerëz, kurse kolektivisht si banditë. Kjo është pasojë e frymëzuesve të tyre.
Tani kjo është çështje penale dhe do ta zgjidhë drejtësia, përkundër dëshirës së komandës së revolucionit që duhet ta zgjidhë rruga. Zgjidhja nga rruga ka pasoja të rënda, pasi nëse 100 kamikazë nga këta të revolucionit kanë bërë 1000 review dhe nuk dinë ku i kanë bërë, ata që janë të prekur i kanë gjurmët e vlerësimeve të tyre, nuk i harrojnë aq lehtë. Dhe në këtë rast, në vend që kriminelët të gjejnë strehë te drejtësia, të shpëtojnë me ndonjë dënim të lehtë, zgjedhin rrugën më të vështirë, atë të rrugës.
Ta bësh këtë gjë në kulmin e sezonit turistik, për llogari të Greqisë apo ku di unë të Turqisë, ka kuptim se merr dhe ndonjë lek siç bëjnë këta kosovarët cdo fillim sezoni dhe me këtë rast nxjerrin dhe inatin me Shqipërinë. Po ta bësh këtë se të urdhërojnë disa njerëz që nesër duan të qeverisin Shqipërinë, do të thotë të mbjellësh në këtë vend farën e luftës civile dhe të mos lejosh më të zhvillohet asnjë biznes, pasi nëse palët politike angazhohen që përmes kamikazëve të tyre të shkatërrojnë bizneset e qytetarëve që nuk janë votues të tyre, atëherë këtu çdo gjë do bëhet hi.
Këta që flasin e nuk lënë gjë pa thënë për ata që i quajnë “patronazhistë” dhe që nënkuptojnë votues socialistë, po patronazhojnë ekonominë shqiptare për ta rrënuar, duke bërë njëkohësisht jo vetëm krim politik, por dhe ekonomik. Dhe janë këta që kërkojnë të qeverisin Shqipërinë me zor, duke i vënë flakën vendit dhe që duan të vijnë në pushtet me arkivole në krah.
T'i turrësh bizneseve me arsyetimin se do t'i shkatërrosh pse nuk je me revolucionin, ndërkohë që shumica e tyre nuk e njohin fare Edi Ramën, do të thotë të ndërtosh një Shqipëri të re ku duhet të njohësh Arlind Qorrin, Gon Shehun dhe bandën e këtyre gjobëvënësve të rinj, ndryshe duhet të ikësh nga ky vend.
Dmth Shqipëria e re që këta kërkojnë në bulevard, është njëqind herë më e keqe se Shqipëria e Sali Berishës, Fatos Nanos e Edi Ramës, pasi këta duan një Shqipëri që ti duhet të adhurosh këta terroristët, një Shqipëri pa liri politike, pa mendim ndryshe dhe mbi të gjitha pa biznese që nuk janë dakord me këta.
Mos u trembni nga hetimet dhe paditë që u janë bërë, pasi ato deri në gjashtë vite burg e kanë maksimumin për sulme të orientuara për dëmtim biznesi. Ruajuni nga reagimet personale të biznesmenëve ndaj secilit prej atyre që është përdorur në këtë histori, përfshi dhe organizatorët, që në shumicë vetë duan të jetojnë si milionerë, kurse njerëzve duan t'u imponojnë terrorizmin e tyre.
Ruajuni nga ata që nuk ju çojnë në gjykatë, që nuk merren me ju publikisht, pasi ata mund t'i keni nga pas dhe nuk e dini.
Falënderojini ata që ju çojnë në gjykatë, pasi përveçse ju çlirojnë nga kompleksi i fajit, ju shpëtojnë dhe jetën dhe ju bëjnë shembull pozitiv për shoqërinë. Të punësuarit si atentatorë ka qenë zanat i komunistëve për 4 deri 5 vetë si vrasës me pagesë. Një ushtri kaq e madhe e inkriminuar për qëllime politike, është një dhunim i shoqërisë shqiptare dhe mbjellja e një lufte që mund t'i vijë secilit te dera e shtëpisë.
Është e lehtë të thuash që kush është me Edi Ramën do ta paguajë, por është akoma më e lehtë të thuash që kush është me Arlind Qorrin apo Gon Shehun do ta paguajë, se ata janë dhe shumë pak. Ndaleni këtë masakër sa nuk është vonë për ata që e organizojnë, pasi nuk është sherr në Facebook për një dashnore adoleshentësh. Është terrorizëm që fut Shqipërinë në një spirale nga e cila do digjen të parët ata që po e ndjellin.
Shumë prej review-ve të tyre po anullohen prej Google pas reklamimeve dhe normaliteti do të vendoset brenda dy ditëve, por emrat e tyre nuk do harrohen kurrë nga ata që u ndjenë të sulmuar pa shkak prej tyre.
A mund të më thotë dikush çfarë lidhje ka Altini i Mrizit të Zanave me Edi Ramën, që duhet të sulmoni agroturizmin më të mirë të Shqipërisë? Çfarë lidhje ka Arbana Osmani me Edi Ramën që duhet t'ia sulmoni biznesin? Çfarë lidhje ka Kulla Hupi në Bulqizë, një ish-emigrant i kthyer në Shqipëri, që dënohet tani në emër të këtyre kamikazëve të bulevardit që thonë po vijmë nga diaspora? Ja ku e keni të kthyer nga diaspora që ka ndërtuar shtëpinë e babait të tij dhe po e sulmoni si qenë të tërbuar.
Dhe boll me këtë stilin që bëni ironi sikur po hetohen vlerësimet e review-ve. Po hetohen vrasës biznesi. Dhe nëse i fal drejtësia, secili i prekur prej tyre do t'i trajtojë përsëri si vrasës. Ndaj uroni të veprojë shpejt drejtësia dhe të jeni të sigurt për të ardhmen. Jo për Shqipërinë e re. Kjo është Shqipëria e vitit 1945, por dhe pa rregulla. E kemi parë një herë këtë Shqipëri. Nuk ka marrë malli askënd nga ata që e kanë pësuar prej saj. Përveç atyre që ishin në krye të saj.
21 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Keta kriminel harrojne se shqiptari kure nuk vepron ligji vepron MALIQI aq me teper kur dihet se kush jane keta rrugac prandaj prandaj kujdes.
Pinjollët e komunistëve, me amballazh demokratik, por me ide, përmbajtie, dhunë, vrasje me plumb apo litar, revolucion, përmbysje, djegie e shkaterrim dhe me teori të shkaterrimit të çdo gjëje kapitaliste, po nxjerrin fuqishëm KOKËN në këtë vënd, i cili u dogj e përvëlua për 40 vjet, nga agjentët e UDB jugosllave, me në krye REZIDENTIN e tyre, Hysni Kapo Kapaj.
Mero nuk duhet te heqe listen e emrave te ketyre terroristeve nga gazeta e tij deri sa protesta e ketyre tradhetareve te vdese.Ta beje sticky ne faqen kryesore. C'do biznesmen i prekur nga terrorizmi i ketyre bajgave ka te drejten e zotit te hakmerret.Bushtrati,Lubonja,Shehaj,Qorri dhe gjithe kerrmat e tjera meritojne te perjetojne familjarisht terrorin qe krijuan vete.
Po ata protestues qe u lincuan ne menyre te paskrupullt nga merua, Lulla tek gazeta Tema? Mero nga ty qe ke lincuar historikosht njerez ( te kujtoj nxjerrjen e karteles falso te Edi Rames ne 1999), merr urdhra te direkte nga Lal’Sapuni ne burg (e verifikuar nga pergjimet e SPAK) vetem moral nuk duam! Je gjobaxhi i pacipe dhe ne nik do ndalojme
Mero bej publike edhe IP-te e ketyre bajgave qe perhapin terror e percarje nder shqiptare ketu tek komentet e Temes. Beji publike edhe nese perdorin VPN.
MIRE TU BEHET... UROJ qe te MOS i FALIN, e te jetojne me frike per te zezén qe donin t'i benin jo thjeshte bizneseve, por Shqiperise.
Une e thashe, keta duhet te ruhen nga biznesmenet qe i kane prishur pune, se do bien ne ndonje hundelesh qe do mallkojne diten qe mesuan si behet review. jane brez i pamesuar me pasojat e veprimeve, i kane mbajtur prinderit te izoluar nga bota reale. Kujtojne se jane te gjithe fitimtare. do pendohen... po kam frike se do jete vone. Mban mend i u beri te fala ai Gones e Tikut te Fevziu? I ke degjuar me ta permendin?
Nën çdo artikull të portaleve tona shtrihet një hapësirë që pronarët e saj e trajtojnë si tokë e askujt: pjesa e komenteve. Aty, nën mbrojtjen e anonimatit, thirret dhuna, mbillet përçarja, shahet i gjalli e i vdekuri. Dhe kur dikush ankohet, përgjigjja është gjithmonë e njëjtë: "Ne nuk mbajmë përgjegjësi për komentet e lexuesve." Vetëm se kjo fjali nuk vlen asgjë para ligjit. Më 2015, Dhoma e Madhe e Gjykatës Europiane për të Drejtat e Njeriut vendosi, në çështjen Delfi kundër Estonisë, se një portal i madh lajmesh mban përgjegjësi për komentet me gjuhë urrejtjeje dhe thirrje për dhunë të botuara nën artikujt e tij. Arsyetimi i Strasburgut ishte i thjeshtë dhe i pamëshirshëm: portali përfiton ekonomikisht nga trafiku që gjenerojnë komentet; portali e njeh natyrën e artikujve që boton dhe klimën që ata ndezin; komentuesit janë anonimë dhe praktikisht të pandëshkueshëm. Atëherë kush mbetet përgjegjës? Ai që ka çelësat e shtëpisë. Gjykata bëri edhe një dallim të rëndësishëm, një vit më vonë, në çështjen kundër Hungarisë: komenti i vrazhdë, vulgar, i padrejtë — mbrohet. Liria e shprehjes nuk është liri e njerëzve të sjellshëm. Ajo që nuk mbrohet është gjuha e urrejtjes dhe nxitja e dhunës. Kufiri, pra, nuk kalon te mirësjellja, por te helmi. Shqipëria është palë e Konventës dhe kjo jurisprudencë është e detyrueshme edhe për gjykatat tona. Ligji ynë për tregtinë elektronike ua njeh portaleve një imunitet me kusht: nuk përgjigjen për atë që shkruajnë të tretët, derisa të marrin dijeni. Në çastin kur portali njoftohet dhe nuk vepron, imuniteti bie. Dhe për komentet që thërrasin hapur dhunën, standardi europian shkon edhe më tej: një medie e madhe komerciale nuk mund të presë ankesën; ajo duhet ta parandalojë vetë atë që kultivon. Këtu nuk bëhet fjalë për censurë. Përkundrazi: tentativa për t'ia dhënë këtë punë një zyre shtetërore me afate 24-orëshe dështoi me të drejtë, sepse ishte recetë censure administrative. Rruga e shtetit të së drejtës është tjetër: personi i dëmtuar, gjykata, prova, vendimi — rast pas rasti. Komenti dokumentohet, portali njoftohet zyrtarisht, mosveprimi regjistrohet. Kaq kërkoi edhe rasti estonez për t'u bërë precedent europian. Portalet tona e dinë mirë se çfarë ndodh nën artikujt e tyre. E dinë dhe e lënë, sepse mëria e lexuesve është karburant: sa më i ndezur komenti, aq më i gjatë qëndrimi në faqe, aq më e shtrenjtë reklama. Ky është një model biznesi që fiton nga helmimi i hapësirës publike — dhe pikërisht këtë model Strasburgu e ka quajtur me emër: kush korr fitimin e asaj hapësire, korr edhe përgjegjësinë e saj. Toka e askujt nuk ekziston. Çdo pëllëmbë e asaj hapësire ka një pronar, me emër, me NIPT dhe me adresë. Është koha që edhe ai ta mësojë.
Analize e sakte. Nje terbim kolektiv qe, fatkeqesisht tregon sa poshte qenka vetedija jone kolektive. Degjoja dhe ne fare Pano Sako, i cili e mban edhe veten si ekonomist politik i zgjuar qe mbronte "terroristet" e reviews ndaj Biznesit. Eshte sinqerisht per tu hidheruar shume. Bizneset e kane te domosdoshme te kene sa me shume reviews pozitive, dhe me klientet shqiptare eshte shume veshtire te marresh vleresime pozitive. Vetem klientet e pakenaqur shkruajne, qe shpesh here jane te pakenaqur jo nga cilesia e sherbimeve, por pritshmeria me e larte qe kane ne raport me ate qe kane paguar. Dhe presin qe te kene mbeshtetje per protestat. Deri para tre ditesh, dy femijet e mi ishin pjesemarres ne proteste. Me moren ne telefon dhe me thane, na fal qe nuk te degjuam kur na thoje qe kjo proteste nuk eshte thjesht per mbrojtjen e natyres, por eshte shprehje urrejtjeje kunder biznesit, e shprehur qarte dhe sakte edhe ne veprimet e fundit. Respekte per ty Mero dhe ata personazhe publike qe, pavaresisht lincimit qe u behen nga hordhite "fashiste" te protestes, dalin hapur ne mbrojte te vlerave demokratike qe shkelen nga keta hordhi "revolucioni"
Po Mero eshte e vertet, por ne komente e mia kam kerkuar Qe karota duhet te dihen nga biznesetpasi keta I Kane vrare me dash je. Ketu ligji duhet jete I pa meshirshem se nuk ta fal njeri.
Mjere ky vend.Grushti i shtetit i heshtur i udhehequr nga dora e nje lobi antishqiptar,me perfaqsues drejtesine dhe spakun po vazhdon me heshtjen dhe me mosveprimin qe i jep perkrahje ketyre terrorristeve te rruges.Rrini e numuroni breket e grave.Korrupsioni me i madhe eshte brenda tyre.
Keta jane kriminele,por me te ligj dhe vrases te betuar jane ata qe i inspirojne si Andi Bushati qe ka vite qe sokellin neper banaqe tv per lufte e revolucion,Fatos Lubonja te cilit i jane thartuar trute,ai i çmenduri gazetar qe zgurdullon syte kur flet nga Franca e shume te tjere ngado.
Se kush e “DO” shumë Shqipërinë , e kemi parë që nga 90-ta e këtej . Po ashtu kemi pare dhe kujt i interesonte dhe intereson që Shqipëria t’ë mos prodhonte e prodhojë asgjë , prandaj dhe në kuadrin e luftës kunder komunizmit s’lanë gjë pa shkatëruar , deri dhe kanalet kullues e ato vaditës , a thua i kishte ndërtuar Enver Hoxha e jo djersa e popullit . Ja që historia përsëritet , sot e ka mare në dorë “Shqipëria e re” këtë detyrë , e vetmja industri që po funksionon mirë në Shqipëri është ajo e turizmit, duke tërhequr shumë turistë e vizitorë e natyrisht të ardhura , a thua këto të ardhura hynë në xhepin e Ramës , dhe pa tjetër duhet t’a shkatërojmë që t’ë rëzojmë Ramën .
Kur ju z. Baze publikuat emrat e disa protestuesve që dalin në shesh për të drejtat e tyre çfarë duhet të bejne?? Deri dje se kisha idenë se një gazetar oborri kishte arritur të kishte hotel në Ksamil si Ju. Google i fshin ato reviews por ju dhe shumë kolegë tuaj nuk e fshini dot turpin dhe servilizmin ndaj pushtetit
Ne boulevard nuk dalin njerez por kafshe. Ndaj kujdes kur ngateroni njerzit me kafshet. E kuptoje se edhe ti je pjese e kafshesh me Qylaf pi Kuksi
Do filloj,,,ahengu,,,me vrases me pagese...keq e kane punen ato qe jane hap,,,,b,,,,neper internet me shpifje....i rujt Zoti se i jane futur nje,,,rruge,,,qe veshtire se dalin,,,paq,,,,,
Me vjen çudi per te gjithe ata bizesmen qe keta kerma u bejne kercenime , por me vjen dhe keq per ta, kane miliona e miliona Euro ku shumica i ka vene me djerse e gjake , nje fije floku do harxhoni gjejini keta komuniste e çoini ne boten tjeter ,
E ka expérience nipi Hysni Kapos , ka 35 vjet qe jetone me gjoba bizneseve
Mrizi i Zanave e ka 4.6 me mbi 7 mijë komente dhe deri me sot nuk kam dëgjuar të ketë marrë prona fonde dhe toka nga shteti as të ketë ndërtuar hotele me rrogë shteti si djali juaj
Te mèresh me skizofrenin nipin e Hysni Kapos Andush Bushatin , me djali e Todi Lubonja Fatos bytha Lubonja me avokat Taku Tarrallaku me spiunin Preç Zogaj........eshte turpe. Te gjithe keta plehra terrorist qe kane qelbur boulevardin duhet te kalojne para drejtesise... Rrespekt per Mero Baze se i denancone organizatoret me emer e mbiemer...
Qeneria duhet te paguaj, dhe mire madje! Por ne c'menyre, per kete nuk jam i sigurte, pasi drejtesia tek ne nuk ngrohe. Kesaj hordhije horrash, banditesh e terroristesh ju duhen thyer turinjet!