Shqiptarët mbajnë 1.8 trilionë lekë kursime në banka, 10 depozituesit më të mëdhenj zotërojnë 7.5% të tyre

Qytetarët dhe bizneset mbajnë rreth 1.8 trilionë lekë kursime në banka, ndërsa dhjetë depozituesit më të mëdhenj zotërojnë rreth 7.5% të totalit të depozitave në sistemin bankar shqiptar.

Sipas Raportit të Mbikëqyrjes së Bankës së Shqipërisë, në fund të vitit 2025 vlera totale e depozitave arriti në 1.8 trilionë lekë, duke shënuar një rritje prej 9.1% krahasuar me një vit më parë.

Depozitat e qytetarëve dhe bizneseve vijojnë të jenë burimi kryesor i financimit për bankat, ku mbi 80% e burimeve të financimit të sistemit bankar vijnë nga kursimet e klientëve.

Gjatë vitit të kaluar është rritur edhe pesha e depozitave në monedhën vendase, duke arritur në 49% të totalit. Ndërkohë, qytetarët kanë treguar preferencë më të madhe për depozitat me afat, veçanërisht ato afatgjata, çka tregon një prirje për mbajtjen e kursimeve në banka për periudha më të gjata.

Për sa i përket përqendrimit të depozitave, të dhënat tregojnë se dhjetë depozituesit më të mëdhenj zotërojnë rreth 7.5% të totalit të depozitave, një nivel më i lartë se një vit më parë.

Nga ana tjetër, individët vazhdojnë të mbajnë pjesën më të madhe të kursimeve, me rreth 78% të totalit të depozitave. Rritja më e fortë është regjistruar te sektori privat dhe individët, ndërsa depozitat e sektorit publik janë rritur me ritme më të moderuara.

Edhe raporti mes kredive dhe depozitave ka vijuar të rritet. Në fund të vitit 2025, ky tregues arriti në 51.5%, nga 49.6% një vit më parë, duke treguar se bankat po përdorin një pjesë më të madhe të kursimeve të mbledhura për financimin e ekonomisë, duke ruajtur njëkohësisht nivele të qëndrueshme likuiditeti.

Në monedhën vendase, raporti kredi-depozita mbetet më i lartë se në valutë, duke treguar se kreditimi në lekë vijon të mbështetet më fort nga kursimet në të njëjtën monedhë.

Tre nisma ligjore të kërkuara nga BE marrin ‘OK’ në Komisionin e Jashtëm! Bizneset shqiptare më shumë mundësi bashkëpunimi me kompani të huaja

18:20 Ekonomia 2 komente

Karakaçi inspekton punimet në rrugën e Komanit: Investim strategjik për sektorin energjetik dhe zhvillimin e turizmit në zonë

15:25 Ekonomia 3 komente

Skema e pensioneve, shtohen mbi 31 mijë kontribuues - Privati “mban” buxhetin. Rritet ndjeshëm numri i pensionistëve

14:25 Ekonomia 1 koment

"Rilindja 2.0 ", Ibrahimaj: Zhvillimi urban dhe instrumentet e reja të financimit do të nxisin rritjen ekonomike në të gjitha bashkitë

12:35 Ekonomia 16 komente

Ligji i faljes, fshihen detyrime në vlerën 313 milionë euro

09:45 Ekonomia

Vendet e lira të punës në 2025, profesionet elementare më të kërkuarat

07:45 Ekonomia

Fushatat me review të rreme ndaj bizneseve: si i trajtojnë legjislacioni dhe praktika në SHBA dhe Evropë

20:27 Ekonomia 12 komente

Përfundojnë 87% e punimeve në “Elbasan-Rrogozhinë”! Rruga e re do të jetë autostradë e kategorisë “A”

14:15 Ekonomia 10 komente

Malaj: Buxheti për mbrojtjen arrin në 69.2 miliardë lekë, përmbushim angazhimet ndaj NATO-s

15:30 Ekonomia 2 komente

300 kuota të hapura, qeveria mbështet punonjësit e administratës me kredi për strehim

15:10 Ekonomia 2 komente