Te fundit

Shkarkimi i drejtoreshës së Operës në Venecia bën bujë, deklarata për punësime ‘me trashëgimi familjare’ ndez skandal

28 Prill 2026, 16:31Lifestyle TEMA
Shkarkimi i drejtoreshës së Operës në Venecia bën

Teatri prestigjioz “La Fenice” në Venecia ka shkarkuar drejtoreshën e sapoemëruar muzikore, Beatrice Venezi, vetëm pak muaj përpara se ajo të merrte zyrtarisht detyrën, duke ndezur debat të fortë në botën e artit në Itali.

Vendimi erdhi pas deklaratave të saj në një intervistë për një media argjentinase, ku Venezi la të kuptohej se në botën e operës shumë pozicione “kalojnë nga babai te djali”, duke nxitur reagime të ashpra nga muzikantët e teatrit.

“Unë nuk kam ‘kumbara’. Kjo është diferenca ime. Nuk vij nga një familje muzikantësh”, u shpreh ajo, duke shtuar se kundërshtarët e saj “kanë frikë nga ndryshimi”.

Pak ditë pas intervistës, drejtoria e “La Fenice” njoftoi shkarkimin e saj, duke e justifikuar vendimin me “deklarata të përsëritura dhe serioze publike, fyese dhe dëmtuese për imazhin artistik dhe profesional të teatrit dhe orkestrës”.

Emërimi i Venezi kishte shkaktuar polemika që në fillim, për shkak të moshës së saj të re dhe mungesës së përvojës në nivele të larta të drejtimit orkestral. Kritikët e lidhën gjithashtu emërimin e saj me afërsinë e saj me kryeministren italiane Giorgia Meloni, gjë që ajo e ka mohuar.

Muzikantët e teatrit kishin protestuar më herët përmes një greve dhe madje gjatë një koncerti të transmetuar në televizion, disa prej tyre shfaqën shenja simbolike proteste ndaj emërimit të saj./ Burimi: BBC

Lini një Përgjigje

Më të lexuarat

Blog Tema

Powered by Tomorrow.io