Te fundit
Si ta zgjoni hormonin e lumturisë?
26 Korrik 2022, 21:30Lifestyle
TEMA
Endorfinat janë lajmëtarë kimikë në trupin e njeriut që sekretohen nga pjesë të caktuara të sistemit nervor dhe roli i të cilëve ende nuk është plotësisht i qartë.
Megjithatë, dihet se endorfina ndihmon në zvogëlimin e dhimbjeve, dhe në të njëjtën kohë shkakton ndjenja pozitive, prandaj edhe quhen “hormonet e lumturisë”.
Kur lëshohen në qarkullim, endorfina mund të ndihmojë në lehtësimin e dhimbjes, reduktimin e stresit dhe mund të shkaktojë ndjenja euforie. Me pak fjalë, ato mund t’ju bëjnë të ndiheni mjaft mirë.
Përfitimet fizike të ushtrimeve nuk mund të mohohen. Por, edhe përfitimet e tyre në shëndetin mendor janë po aq mbresëlënëse, kryesisht falë endorfinës.
Lëshimi i endorfinës shoqërohet me ushtrime të vazhdueshme
Hulumtimet e vitit 2011 sugjerojnë se lirimi i endorfinës ndodh pas 30 minutash stërvitje.
Ushtrimi me intensitet të moderuar mund të jetë më i miri
Një studim i vitit 2017 zbuloi se 22 pjesëmarrës përjetuan ndjenja euforike të lidhura me lirimin e endorfinës pas një ore stërvitje me intensitet të moderuar. Ushtrimi i moderuar do të thotë që rrahjet e zemrës dhe frymëmarrja të përshpejtohen.
Ky trajtim alternativ e ka origjinën nga mjekësia kineze, në të cilën përdoren gjilpëra shumë të holla për të stimuluar pika të caktuara në trup. Deri më tani, akupunktura është hetuar në kushte të shumta, si dhimbje kronike, pagjumësi, ankth dhe depresion, simptoma të sindromës premenstruale etj.
Studime të shumta kanë vërtetuar se pas futjes së gjilpërave në pikat e akupunkturës, lirohet një sasi e caktuar e endorfinës, e cila kontribuon në efektin e dobishëm terapeutik të saj.
Sipas një studimi të vitit 2011, meditimi është një mënyrë tjetër për të nxitur lirimin e endorfinës. Meditimi mund t’ju ndihmojë të relaksoheni dhe të arrini një ndjenjë të brendshme qetësie.
Mund të ofrojë gjithashtu përfitime të tjera shëndetësore, duke përfshirë: përmirësimin e shëndetit fizik, humorin e përmirësuar, cilësinë e gjumit.
Sipas një studimi të vitit 2012, aromaterapia e livandës duket se ndihmon në lehtësimin e ankthit. Arsyeja është se aplikimi i vajrave esencialë (si p.sh. livando) mund të çojë në çlirimin e endorfinës.
Mund të provoni vajra të tjerë esencialë, si: rozmarine, aromat e agrumeve si portokalli, grejpfruti ose bergamoti etj.
Ngrënia e çokollatës stimulon prodhimin dhe sekretimin e endorfinës. Këto ndjenja të këndshme mund të kontribuojnë në dëshirat për çokollatë që keni kur ndiheni të dëshpëruar ose të stresuar. Një gotë verë e kuqe gjithashtu kontribuon në çlirimin e endorfinës.
E qeshura mund të ndihmojë në ngritjen e humorit të keq dhe lehtësimin e ndjenjave të ankthit dhe stresit. Ekziston edhe një lloj terapie konjitive e sjelljes e quajtur terapi e qeshurës që mund të ndihmojë në uljen e ndjenjave të stresit dhe depresionit.
Drita e diellit ka shumë përfitime për shëndetin e njeriut: ndihmon lëkurën tuaj të prodhojë vitaminë D, stimulon prodhimin e serotoninës dhe melatoninës, të cilat mund të ndihmojnë në përmirësimin e humorit, rritjen e energjisë dhe gjumin më të mirë.
Rrezatimi ultravjollcë në diell gjithashtu mund të rrisë nivelet e endorfinës. Dalja jashtë disa herë në javë për rreth 15 minuta zakonisht do të jetë e mjaftueshme që të përfitoni nga ekspozimi në diell.
Meqenëse rrezatimi UV mund të rrisë rrezikun e zhvillimit të kancerit të lëkurës, është e rëndësishme të shijoni dritën e diellit në mënyrë të moderuar. Përdorni gjithmonë një krem kundër diellit me SPF 15 ose më të lartë ose mbuloni lëkurën e ekspozuar nëse jeni jashtë për më shumë se 15 minuta.
Terapia e masazhit ndihmon në lehtësimin e stresit dhe mund të ndihmojë në përmirësimin e simptomave të disa problemeve shëndetësore, të tilla si dhimbje kronike dhe lodhje. Këto përfitime shoqërohen me një përqendrim më të lartë të hormoneve, duke përfshirë endorfinën, që çlirohen nga masazhi. Masazhi gjithashtu rrit nivelet e oksitocinës, dopaminës dhe serotoninës.
Me fjalë të tjera, nuk mund të gaboni me terapinë e masazhit. Nëse e keni provuar më parë një masazh dhe nuk ju ka pëlqyer, mbani në mend se ka shumë lloje masazhesh për të zgjedhur.
Një dush i ngrohtë mund t’ju ndihmojë të relaksoheni pas një dite stresuese ose të lodhshme. Nxehtësia e ujit mund të ndihmojë në lehtësimin e tensionit dhe dhimbjeve të muskujve, por gjithashtu mund të shkaktojë lirimin e endorfinës në qarkullim.
Përveçse ju ndihmojnë të relaksoheni, banjat e rregullta të ngrohta mund të ndihmojnë gjithashtu në uljen e rrezikut të zhvillimit të sëmundjeve të zemrës dhe të ndihmojnë në uljen e presionit të gjakut.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
ta zhysim ne thelci ? ti bejme masazh ?