Te fundit
Video: Shpulla dhe kapje për flokësh, plas keq sherri mes deputeteve në Meksiko
16 Dhjetor 2025, 10:29Lifestyle
TEMA
Një seancë parlamentare në Kongresin e Qytetit të Meksikos u shndërrua në kaos, pasi deputete gra nga parti kundërshtare u përfshinë në një përplasje fizike gjatë debatit për reformat e agjencisë së transparencës.
Pamjet, të transmetuara drejtpërdrejt, tregojnë ligjvënëse duke u kapur për flokësh, duke shtyrë dhe goditur njëra-tjetrën, ndërsa tensionet mes mazhorancës dhe opozitës dolën jashtë kontrollit.
Ngjarja ndodhi të hënën, kur përfaqësuese të Partisë së Veprimit Kombëtar (PAN), e djathtë, iu afruan foltores për të protestuar kundër asaj që e cilësuan shkelje të rregullores nga partia në pushtet, Morena, e krahut të majtë. Përplasja nisi fillimisht verbalisht, por më pas u përshkallëzua në dhunë fizike.
Sipas raportimeve, deputetet e Morenës tentuan t’i largonin me forcë përfaqësueset e PAN-it nga foltorja, ndërsa këto të fundit refuzonin të tërhiqeshin. Në sallë u panë shtyrje me bërryla, shpulla dhe tërheqje flokësh.
Pas incidentit, deputetet e opozitës u larguan nga salla, duke i hapur rrugë shumicës parlamentare që të vazhdonte debatin pa praninë e tyre.
Ngjarja ka shkaktuar reagime të forta në opinionin publik dhe ka nxjerrë në pah tensionet e thella politike në legjislaturën e Qytetit të Meksikos, në një moment të ndjeshëm për reformat e transparencës qeveritare.
Burimi: Times of India
Më të lexuarat
24 oret e fundit
Javen e fundit
Blog Tema
Lini një Përgjigje