Te fundit
1.2 milionë lekë për të tërhequr dosjen, GJKKO rrëzon kërkesën e Ilir Beqajt për ta marrë falas
11 Mars 2024, 17:10Politika
TEMA
Gjykata e Posaçme kundër Korrupsionit dhe Krimit të Organizuar ka rrëzuar kërkesën e ish-ministrit të Shëndetësisë Ilir Beqaj për të tërhequr pa asnjë pagesë dosjen hetimore të SPAK për koncesionarin e sterilizimit, çështje në të cilën vetë Ilir Beqaj është nën hetim.
Beqaj kishte kërkuar që të shikonte aktet hetimore të kësaj dosje, por SPAK kishte vendosur një shumë prej 1.2 milionë lekësh të vjetra për ta tërhequr dosjen.
Ilir Beqaj nuk pranoi edhe kërkoi nga gjykata që dosjen ta tërheqë pa asnjë pagesë.
“Personi nën hetim Ilir Beqaj, më datë 21.02.2024 ka paraqitur pranë Gjykatës kërkesën me objekt: Detyrimin e Prokurorisë së Posaҫme kundër Korrupsionit dhe Krimit të Organizuar, që të vendos në dispozicion të z.Ilir Beqaj si “person nën hetim”, pa kurrfarë detyrimi monetar nga ana e tij për shërbimin e skanimit, të akteve të deritanishme të dosjes hetimore që lidhet me procedimin penal Nr. 13, të vitit 2020, në kuadër të garantimit të së drejtës së tij kushtetuese dhe ligjore për t’u njohur me aktet e dosjes hetimore në ngarkim të tij”, thuhet në vendimin e GJKKO.
Në përfundim, gjykata e rrëzoi kërkesën e Ilir Beqajt si të pabazuar në ligj për të marrë falas dosjen me aktet hetimore të SPAK për hetimin e koncesionit të sterilizimit.
Kështu, ish-ministri Beqaj do të duhet të paguajë tarifën për të tërhequr dosjen. Megjithatë, vendimi i GJKKO mund të apelohet.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Cfare ashte kjo ,cdo i akuzuar ne gjithe globin duhet ti jepet akt akuza nga ata qe akuzojne,pse duhet paguhet,me duket se filluan edhe keta me qelbe drejtesine,kush i mbeshtet keto veprime qe jane ne kundershtim e drejtes per personin e ligjin,nje gjykate e qelbur
Saliu ka zbagun nën kontroll ja ka bërë kastile Beqes se ai s'ka vjedhur asnjë cent
Dmth duhet të paguash që të lexosh akuzën që të bën prokurori???? Këtë nuk e kisha dëgjuar ndonjëherë. Atëherë Beqja mos ta paguajë dhe prokurori le ti bjerë fyellit