Te fundit
5.4 milionë euro për Ambasadë në Londër, Shqipëria nis procedurat për blerjen e pronës
2 Shkurt 2026, 17:00Politika
TEMA
Shqipëria vë në dispozicion mbi 5.4 milionë euro (520 milionë lekë) për të blerë një pronë në Londër që do të shërbejë si seli e Ambasadës së Republikës së Shqipërisë në Mbretërinë e Bashkuar.
Ministria për Evropën dhe Punët e Jashtme, së bashku me Ambasadën në Londër, do të kryejnë procedurat përzgjedhëse për të identifikuar ndërtesën dhe truallin më të përshtatshëm për aktivitetin diplomatik dhe konsullor. Pasuritë e propozuara duhet të jenë të sigurta, të lira nga çdo ngarkesë ligjore dhe të ofrojnë hapësirën e nevojshme për funksionimin e Ambasadës.
Vlerësimi i ofertave do të bëhet nga një Komision i Posaçëm, në përbërje të të cilit janë përfaqësues të Ministrisë së Ekonomisë dhe Inovacionit, Drejtorisë së Shërbimeve Qeveritare, Autoritetit Kombëtar për Sigurinë e Informacionit të Klasifikuar dhe Avokaturës së Shtetit. Komisioni do të shqyrtojë ofertat, do të mbikëqyrë negociatat dhe do të propozojë ofertën fituese
Pas nënshkrimit të kontratës së shitblerjes, Ambasada do të kryejë pagesat dhe do të regjistrojë pasurinë sipas legjislacionit britanik. Shpenzimet do të mbulohen nga buxheti i Ministrisë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo eshte nje arritje e madhe e qeverise dhe KM, qe te kemi nje ambasade dinjitoze e jo si ne kohen e qoftelargut nongrata. Jo 4.5 milion por edhe 100 milion euro po te kushtoje ja vlen te kemi nje ambasade qe brezat do ta kujojne si mbasada qe bleu rilindja e Rames.
1 year later. Nga hetimet rezulton se prona e blere i perket nje shtetasi shqiptar i cili e ka blere pak kohe me pare se ta perzgjidhte komisioni dhe e ka shitur 2 here me shtrenjte.