Te fundit
Alibeaj reagon për vrasjen në Shkodër: Bashkëpunimi i politikës me bandat ka vrarë shtetin, jo rastësisht “non grata”…
3 Qershor 2022, 10:36Politika
TEMA
Kreu i Grupit Parlamentar të Partisë Demokratike, Enkelejd Alibeaj ka reaguar për vrasjen e Naim Bajrit në Shkodër.
"Pushka krisi prapë e krimi vazhdon i patrazuar të terrorizojë shqiptarët gjithnjë e më të pambrojtur nga shteti e qeveria. E kjo histori që prej ardhjes në pushtet të Edi Ramës. Shqiptarëve u kujtohet se si kur shpërthenin minat nëpër makina dhe kur vriteshin qytetarë në rrugë nga bandat, Edi Rama lante duart si Ponz Pilati.
Sot dëshmitarët po flasin dhe po u tregojnë shqiptarëve, dhe më e rëndësishmja drejtësisë, lidhjen e ngushtë simbiotike të qeverisë me krimin e organizuar dhe që vazhdojnë të jenë në aleancë sëbashku.
Një marrëdhënie e ngushtë saqë është e vështirë të kuptosh ku nis shteti dhe ku nis banda! Një bashkëpunim perfekt që ka shkatërruar themelet e demokracisë dhe ka vrarë shtetin!
Jo rastësisht krimi i organizuar ka gjetur strehën e tij në këtë mazhorancë dhe në këtë qeveri për këto 8 vite e më shumë. Jo rastësisht dekriminalizimi prodhoi “heronjtë” e tij nga kjo mazhorancë.
Jo rastësisht dizenjimi non grata identifikoi se kush ishin grupet e strukturuara kriminale të përfshira në politikë dhe që blinin e grabisnin vota, që Edi Rama dhe banda e tij e Rilindjes të merrte e të mbante pushtetin e inkriminuar.
Shqipëria nuk ka përse të kalbet nga krimi i organizuar që bashkëjeton me politikën. Shqiptarët nuk kanë përse të jenë pengjet e një kryeministri që ortakërinë dhe besnikërinë e ka me grupet kriminale dhe jo me qytetarët.
E vetmja rrugë për të shpëtuar është që drejtësia ti shkojë kësaj skeme deri në fund. Duke dënuar të pushtetshmit pa të cilët krimi nuk do të depërtonte kaq shumë në jetët tona.
Nuk ka rrugë tjetër që ky vend të kthehet në shinat e ligjshmërisë, sigurisë dhe demokracisë.
Sa më shumë qëndron Edi Rama me strukturën e tij kriminale në krye të pushtetit që e ka lënë peng tek bandat që i dhanë pushtetin, aq më shumë pushka do të krisë, aq më shumë do të ndëshkohen shqiptarët, aq më shumë do të vriten mes tyre shqiptarët, aq më shumë do të vuajnë shqiptarët, dhe do të ikin nga ky vend që nuk ofron as siguri e as demokraci", shkruan Alibeaj.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
idiot.
Ne kohen e diktatures nipi i Haki Toskes antare i byrose politike ne demokraci balliste a munde te besohen keta kllune
Vëndi ynë u ka hapur dyert spermatozoidëve nga mbar bota pa ditur dhe pa njohur kush është.Mjafton të regjistrohet në vëndin tonë, dhe qindra mijëra që jetojn në ilegalitet, ndaj vrasje të tilla jan stupide.
ATJE NISI ATJE FILLOI ATJE KRISI ATJE MBAROI. FILLIMI DIHET MBARIMI S' DIHET. SHKODER TEK TI NISI ME DY PRILL TEK TY U PERGJAKEN SHQIPTARET E PARE PER KETE KUJTOHESH CDO VIT . LAVDINE QE KE PATUR NE SHEKUJ E ZEVENDESOVE ME KRIMIN . KUR TE PERFUNDOJE KRIMI NE SHKODER ATEHERE DO TE BJERE NE QETESI SHQIPERIA.