Te fundit
Bajram Begaj kandidat për president, Mustafaj: Eksperienca e tij është garanci për integritet për presidentin e Republikës
3 Qershor 2022, 20:50Politika
TEMA
Ish-ministri i Jashtëm, Besnik Mustafaj, ka komentuar kandidaturën e Shefit të Shtabit të Përgjithshëm të Forcave të Armatosura, Bajram Begajt, si kandidat për president të republikës së Shqipërisë, i cili do të votohet ditën e shtunë në orën 18:00.
I ftuar në “Radari Informativ” në Abc të gazetares Juli Xhokaxhi, Mustafaj tha se kjo është një zgjedhje shumë e mirë.
Sipas tij eksperienca ushtarake e zotit Begaj do ta bëjë atë një president të mirë, edhe pse ai do të provohet në këtë detyrë të re.
Xhokaxhi: Zoti Mustafaj, tashmë kemi një kandidat për president, ai është zoti Bajram Begaj, cili është komenti juaj?
Mustafaj: Nuk e njoh personalisht, por mua më vjen mirë, sepse detyra që ka ai, përvoja që ka ai, është një lloj garancie për integritet për Presidentin e Republikës.
Xhokaxhi: Është i vetmi ushtarak në nivele kaq të larta dhe është mjek?
Mustafaj: Ai ka bërë karrierë në ushtri, ka afër 30 vjet që është në ushtri dhe nuk është i pari mjek që arrin në grada kaq të larta. Përvoja në ushtri, e ka bërë karrierën në ushtri në këtë periudhën kur ushtria ka qenë e hapur, e depolitizuar, është për tu besuar se do të jetë një president i mirë.
Xhokaxhi: Është një zgjedhje e mençur kjo e Ramës?
Mustafaj: Mbetet për tu provuar tani Gjeneral Begaj është i përshtatshëm për President, është një mision krejt ndryshe nga ajo që ka bërë deri më sot. Kemi patur dy president që vinin nga ushtria Moisiun dhe Nishanin, të dy janë përvoja pozitive.
Xhokaxhi: Gjatë gjithë këtyre ditëve edhe pse pati një hermetizim në PS për emrat, sërish dolën disa emra, u duk sikur Rama luajti me efektin surprizë?
Mustafaj: Sigurisht që ka luajtur, është një zgjedhje e Ramës, ai ka surprizuar edhe kryesinë e tij.
Xhokaxhi: Si shihet në sytë e opinionit?
Mustafaj: Publiku do të presë ta shohë në detyrë, unë jam i bindur, duke i bërë një paralajmërim, unë do të thosha që detyrën po e merr në një moment të vështirë për Shqipërinë. Nuk mund të jetë ndryshe përveçse përballë me Edi Ramën, duke iu përmbajtur Kushtetutën. Rama ka deklaruar publikisht që nuk e ka lexuar Kushtetutën, dhe presidenti do të gjendet përballë këtij kryeministri që nuk e ka lexuar Kushtetutën.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tani si do e leme o Besnik Mustafai Kosoven do ta shpallim Republike apo province autonome nen Serbi,Ti ishe dhe sigurisht qe je partizan i kesaj te dytes se keshtu te ka urdheruar shefi i math Sali Hajdar Berisha
Mutstafa po te degjoj salih bin ladn do ta fus ndonje te rrahur si ne kohen kur ishe minister
Per fat te keq. Presidenca u kthye ne Shtepi Funerale te Ushtrise. Urime
Suksese ! Në fakt i duhet një mjek PRESIDENCËS , por dhe një ushtarak e mbi të gjitha , një njeri me LIBREZE PUNE !
Mbas Alfred Moisiut, Shqiperia ka zgjedhur presidente keq e me keq. Filloi degradimi me Topin qe u zgjodh me vota te blera, vazhdoi me kapterrin, vazhdoi me banditin Ilir Meta, dhe se fundmi nje kapterr tjeter qe do beje rreshtoren para Timonierit sic bente ai tjetei para Berishes.