Te fundit
Bajram Begaj president, opozita: Nuk votojmë asnjë kandidat të Ramës
3 Qershor 2022, 21:50Politika
TEMA
“Qëndrimin tonë e kemi bërë të qartë me kohë, ka dhe vendim të Këshillit Kombëtar për këtë çeshtje: nuk votojmë asnjë kandidat të Ramës”.
Kjo do të ishte deklarata e kreut të Këshillit Kombetar të Partisë Demokratike, njëkohësisht edhe deputet, Edi Paloka, fill pas zyrtarizimit të emrit kandidat nga mazhoranca pasditen e 3 qershorit.
“Nesër deputetët tanë do të jenë në sallë për të votuar kundër kandidatit të Ramës”, theksoi ai.
Shefi i Shtabit të Përgjithshëm të Forcave të Armatosura, Gjeneral Major Bajram Begaj u zgjodh si kandidat nga kryesia e Partisë Socialiste për kreun e shtetit në Shqipëri.
Lajmin e bëri të ditur vetë kryeministri dhe njëkohësisht edhe kreu i selisë rozë, Edi Rama.
Mbledhja e Kryesisë së Partisë Socialiste zgjati dy orë dhe u zhvillua pa praninë e telefonave.
Sakaq më herët vetë kreu i sapozgjedhur i PD-së, Sali Berisha, ka deklaruar se në seancën plenare të së shtunës nuk do të votojë asnjë kandidat të Ramës.
Ndërsa kryetari i Grupit Parlamentar të PD-së, Enkelejd Alibeaj, në një deklaratë për mediat paraditen e kësaj dite, tha se ata nuk do të marrin pjesë në Kuvend. Duke bojkotuar kështu seancën.
Sakaq, kreu i Grupit socialist, Taulant Balla, në replika nga larg iu drejtua Alibeajt që bojkoti nuk është zgjidhje.
Sipas tij, bojkoti nuk sjell kurrë ndonjë përfitim.
“Ai është thjesht fyerje dhe shpërfillje e delegimit të sovranitetit të zgjedhësve”, u shpreh Balla.
Kujtojmë që të shtunën e 4 qershorit do të zhvillohet raundi i katërt i votimeve për zgjedhjen e Presidentit.
Tanimë fjalën e ka votimi në Kuvendin e Shqipërisë, të shtunën ora 18:00, në një seancë të posaçme plenare.
Detyrën e kreut të shtetit e mban Ilir Meta.
Këtij të fundit i mbaron mandati më 24 korrik, 2022.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ju doni si president një të korruptuar "NON GRATA". Çdo koment eshte i tepërt.
Alibeaj eshte me rrote k .. se Basha. ahh kjo fare opozite qe nuk vlen fare.
Hajde logjikë hajde,nuk votojmë kandidatin e Ramës,po Ramës i plasi trapi i ka votat.
Aman mos e ndermerrni kete hap se i plas Cari Ps-s per voten tuaj o nevojtoret e kombit
Nje gje e ditur nga te gjithe,ndaj nuk na plas trapi.Qente lehin,treni shkon perpara.zgjedhjet do vine perseri dhe do filloni nga e para zgjedhjen e kryetarit dhe sekretarit.Dhe ne na plas serisht trapi per ju.
PD ka një tjetër list me gjeneral për këtë post.