Te fundit
BE kërkon përfundimin e vettingut deri në qershor - Ambasadori Gonzato: Sulmet ndaj ONM të papranueshme
29 Tetor 2025, 17:05Politika
TEMA
Procesi i vettingu-t mbetet themeli i reformës në drejtësi dhe një nga kushtet kyçe për anëtarësimin e Shqipërisë në Bashkimin Evropian.
Këtë e theksoi ambasadori i BE-së në Tiranë, Silvio Gonzato, gjatë një vizite në Kolegjin e Posaçëm të Apelimit, ku u prit nga kryetari Sokol Çomo.
Gonzato nënvizoi rëndësinë e finalizimit të të gjitha aktiviteteve të vettingut përpara qershorit 2026, datë kur përfundon mandati kushtetues i institucioneve të rivlerësimit. Ai e cilësoi këtë proces si “shtyllë kurrizore të reformës në drejtësi” dhe thelbësor për avancimin e Shqipërisë drejt BE-së.
Ambasadori bëri të qartë se unioni do të vazhdojë mbështetjen e plotë për procesin e vettingut dhe për Operacionin Ndërkombëtar të Monitorimit (ONM), që ka luajtur një rol të rëndësishëm në garantimin e transparencës dhe integritetit të rivlerësimit të gjyqtarëve dhe prokurorëve.
Gonzato po ashtu dënoi ashpër sulmet dhe fushatat dezinformuese kundër ONM-së dhe vëzhguesve ndërkombëtarë, duke i cilësuar ato si “të pajustifikuara dhe të papranueshme”.
“Këto sulme synojnë të minojnë besimin e qytetarëve te sistemi i drejtësisë dhe të dëmtojnë ecurinë e reformës në drejtësi”, theksoi ai.
Procesi i vettingut, që nisi në vitin 2017, është një nga elementët më të rëndësishëm të reformës në drejtësi dhe mbetet kusht thelbësor për hapjen e kapitujve të parë të negociatave me Bashkimin Evropian.
Njoftimi i Ambasadës së BE në Tiranë
Procesi i rivlerësimit (vettingu) mbetet shtylla kurrizore e reformës në drejtësi dhe përfundimi i tij është një hap themelor në procesin e anëtarësimit të Shqipërisë në BE. Gjatë vizitës në Kolegjin e Posaçëm të Apelimit, Ambasadori i BE-së, Silvio Gonzato, u takua me Kryetarin Sokol Çomo dhe theksoi rëndësinë e finalizimit të të gjitha aktiviteteve të vettingut përpara qershorit 2026, kur përfundon mandati kushtetues.
Bashkimi Evropian qëndron fort në mbështetje të procesit të vettingut dhe të Operacionit Ndërkombëtar të Monitorimit (ONM). Sulmet e fundit të pajustifikuara dhe dezinformimi ndaj ONM-së dhe vëzhguesve të saj ndërkombëtarë janë të papranueshme dhe synojnë të minojnë besimin te sistemi i drejtësisë dhe reforma në drejtësi.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Operatoret nderkombetare te monitorimit per reformen ne drejtesi nuk e kane hapur gojen asnje here te vetme ndaj ILD , qe k/ministri yne e ka ngritur disa here si shqetesim , bile i jane versulur k/ministrit duke i bere presion te hapur qe te mos i cenohet asnje fije floku paraziteve e abuzuesve tipike te ngarkuar ligjerisht me detyren e mbikqyrjes se prokuroreve dhe gjykatesve . Nuk jam aspak dakord me qendrimin dyfaqesh te ONM , qe jane teresisht hermetike , pa kurrfare transparence qe populli te dije me se merren ketu ne Shqiperi . Pse nuk kane dale asnje here para mediave dhe te flasin per ecurine dhe dinamiken e krijeses se tyre laboratorike te quajtur Reforme ne drejtesi ?!
PO PSE NUK E PRANONI QE DESHTUAT ME VETTINGUN SHQIPTAR? APO JU HEQIN VESHIN ATJE NE BRUKSEL.. SE E NISET SIKUR DO BEHEJ NAMI DHE DO KISHTE DREJTESI SI NE EUROPE, NDERKOHE NJEREZIT SPO MARRIN DOT NJE VENDIM GJYQSOR PA KALUAR MBI DHJETE VJET..
Onm është thjesht vëzhguese, ndersa ai Theofilos Jakovidhis (Teo Jacobs) kërkon te marrë atributet e organeve kushtetuese shqiptare. Latë nam aq sa mbarsët dhe sekretaret