Te fundit
Begaj: Shqipëria do të vijojë të ketë politikë të jashtme të linjëzuara me Bashkimin Evropian dhe SHBA
10 Janar 2024, 19:46Politika
TEMA
Presidenti i Republikës, Bajram Begaj ka zhvilluar një pritje të trupit diplomatik në vendin tonë. Në fjalën e tij para gjithë ambasadorëve, Kreu i Shtetit dha mesazhet që kryesisht ishin të lidhura me politikën e jashtme.
Sipas Begajt, rajoni ynë nuk ka qenë imun ndaj kërcënimit prej krizave reale. Ndërsa i ndalur tek sulmi terrorist i shtatorit 2023 në Banjskë dhe ngjarje të tjera të ndodhura në Kosovë, Begaj u shpreh se këto janë shenja të një status-quo-je të brishtë dhe të një situate që mund të sillte pasoja të rënda për rajonin dhe Europën.
Teksa vlerësoi raportet me SHBA dhe BE, Presidenti u shpreh se vendi ynë do të ndjekë të njëjtën politikë të jashtme si partnerët ndërkombëtare.
“Ne do të mbetemi të angazhuar dhe të përkushtuar edhe në ushtrimin e detyrave të tjera, si anëtar i Këshillit të të Drejtave të Njeriut dhe anëtar i Bordit Ekzekutiv të UNESCO-s.
Shqipëria do të vijojë të ketë politikë të jashtme dhe të sigurisë të linjëzuara me Bashkimin Evropian dhe SHBA, si dhe do të angazhohet në forcimin e multilateralizmit dhe të bashkëpunimit rajonal.
Shqipëria gjithashtu do të vijojë të japë kontributin për paqe në rajon dhe më gjerë, sepse paqja është themeli i mirëqënies, sigurisë, zhvillimit të qëndrueshëm dhe respektit të ndërsjellë”, tha Begaj.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Presidenti te krijoje nje keshill consultativ me mendjet me te ngritura te kombit shqipetare per te marre mendimet dhe rruget me te mire per mbarevajtjen e shqipetareve dhe mos jete vetem nje firmetare…