Te fundit
Celibashi mesazh anëtarëve të grupeve të numërimit dhe të KZAZ-ve: Cenimi i votës së çdo kandidati në listën 'e hapur' sjell pasoja ligjore
14 Maj 2025, 13:43Politika
TEMA
Kryekomisioneri i zgjedhjeve, Ilirjan Celibashi u kujtoi numëruesve se cenimi i votës së çdo kandidati në listën e hapur përbën një shkelje të rëndë të integritetit zgjedhor e që sjell pasoja ligjore serioze për përgjegjësit.
Celibashi sjell në vëmendje se është e ndaluar të bëhet një rivlerësim i votave për partitë apo koalicionet, tani që ka filluar procesi i numërimit dhe i vlerësimit të votave për kandidatët në listën “e hapur”.
Mesazhi i plotë
Duke falënderuar të gjithë anëtarët e Grupeve të Numërimit të Votave dhe të KZAZ-ve që po e kryejnë detyrën me profesionalizëm, në përputhje me ligjin dhe udhëzimet e KQZ-së, dëshirojmë të sjellim në vëmendje të të gjithëve:
Cënimi i votës së çdo kandidati në listën “e hapur” përbën një shkelje të rëndë të integriteti zgjedhor e që sjell pasoja ligjore serioze për përgjegjësit.
Në këtë kuadër, rikujtojmë se është e ndaluar të bëhet një rivlerësim i votave për partitë politike apo koalicionet, tani që ka filluar procesi i numërimit dhe i vlerësimit të votave për kandidatët në listën “e hapur”.
Ligji përcakton qartë se, fletët e votimit, në të cilat vota është shprehur vetëm për partinë apo koalicionin, ruhen në një zarf të veçantë dhe nuk i nënshtrohen rivlerësimit gjatë procesit të numërimit dhe të vlerësimit të votave për kandidatët.
Çdo shkelje e këtij rregulli do të konsiderohet si tentativë për të manipuluar rezultatin zgjedhor dhe do të ndiqet me masa të rrepta ligjore.
Komisioni Qendror i Zgjedhjeve disponon filmimet e procesit të numërimit dhe vlerësimit të votave për partitë dhe koalicionet për të gjitha KZAZ.
Ilirjan Celibashi
Komisioner Shtetëror i Zgjedhjeve
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kta s'Pirdhkan fare per SKAP e trajtojn si SKRAP
ILirjan Qelibrashi eshte shume i poshter dhe ka humbur çdo besim qytetar te ndershem sepse fshehu letren e derguar nga DHL qysh ne daten 9 maj . Ilirjan Qelibrashi eshte i kompromentuar dhe pa pike dinjiteti ligjor, njeri qe punon nen rrogoz ne interes te organizatave antishqiptare dhe ka kohe: pranoi per kandidim Fredi Belerin kur ishte i denuar dhe nje antishqiptar i deklaruar, po ashtu veprimet e tija ne KQZ jane veprime antikombtare ; Kete verteton dhe ndalimi qe i beri votes se emigranteve shqiptar ne Greqi duke i denigruar ata , kur pergjigjen nga DHL e kishte ne sirtar nga data 5 dhe fshehur, por vendimi qe ju percoll dje ne oren 16.30 e zvarrit si i do qejfi. Parlamenti duhet te mbaj qendrim serioz, por ai duhet te thirret urgjente nga SPAK e te mos merret Dushmani me palaçolleqe deri sot. Shqiptaret flasin me vote, keta e bllokojne me autoritetin e ligjeve qe i interpretojne si u do qejfi. Populli ne mazhornace foli, tani duhet te flase parlamenti ardhshem per keta persona qe sabotuan si SPAK ashtu dhe KQZ. Duhen ligje qe te mos lejojne shteg interpretimi pas qejfit!