Denoncimi për dhunë ndaj protestuesit me epilepsi, Tabaku: Qelitë nuk mund të kthehen në dhoma hetuesie

Deputetja e Partisë Demokratike dhe kryetarja e Komisionit për të Drejtat e Njeriut, Jorida Tabaku, ka reaguar pas denoncimit për shenja dhune ndaj Niko Qarkajt, një prej qytetarëve të arrestuar pas protestës përpara Kuvendit të Shqipërisë.

Në reagimin e saj, Tabaku thekson se Qarkaj ka deklaruar që në momentin e ndalimit se vuan nga epilepsia dhe se gjatë qëndrimit në qeli ka përjetuar kriza, për të cilat ka marrë edhe ndihmë mjekësore.

Sipas deputetes demokrate, situata bëhet edhe më e rëndë pas konstatimit të avokatit të tij, i cili ka deklaruar se në trupin e të ndaluarit ka shenja të qarta dhune, të cilat nuk dyshohet se janë shkaktuar nga vetë ai, por nga një ndërhyrje e jashtme.

“Që nga momenti kur një qytetar ndalohet, jeta, shëndeti, dinjiteti dhe integriteti i tij fizik janë përgjegjësi e drejtpërdrejtë e shtetit”, shprehet Tabaku.

Ajo kërkon që rasti të hetohet menjëherë, në mënyrë të pavarur dhe transparente, duke përcaktuar se çfarë ka ndodhur, kush ka ushtruar dhunën dhe cilët persona kanë lejuar që ajo të ndodhë.

Tabaku është bashkuar gjithashtu me kërkesën e avokatit Serjani që Avokati i Popullit dhe Komiteti Shqiptar i Helsinkit të verifikojnë rastin dhe të raportojnë në mënyrë të detajuar mbi trajtimin e Niko Qarkajt gjatë qëndrimit në paraburgim.

“Qelitë e paraburgimit nuk mund të kthehen në dhoma hetuesie të një regjimi të kaluar. Shqipëria nuk mund të ecë drejt Europës me metodat e diktaturës. Nuk mund të kërkojë respekt jashtë, ndërsa shkel dinjitetin e qytetarëve brenda”, deklaron Tabaku.

Në cilësinë e drejtueses së Komisionit për të Drejtat e Njeriut, deputetja e PD-së njofton se do të kërkojë urgjentisht zhvillimin e një dëgjese parlamentare me ministrin e Brendshëm.

Sipas saj, në këtë dëgjesë duhet të trajtohet jo vetëm rasti i Niko Qarkajt, por edhe denoncimet për përdorimin e përsëritur të dhunës ndaj protestuesve.

Tabaku nënvizon se protesta, fjala e lirë dhe bindja politike nuk mund të shndërrohen në arsye për frikësim apo keqtrajtim nga institucionet shtetërore.

“Policia duhet të mbrojë ligjin, jo pushtetin. Duhet të mbrojë qytetarin, jo ta dhunojë atë. Kushdo që ka ushtruar dhunë duhet të përgjigjet përpara ligjit”, përfundon reagimin deputetja demokrate.

Sot feston 62-vjetorin, Rama poston foto me flamingo: Urrejtësit më besnikë janë prova që nuk jeton kot

12:55 Politika

"Drejtësia nuk duhet të shohë majtas apo djathtas," Rama për BBC: PS nuk do të kontribuojë vetëm me reforma, por duke i dhënë lëkurën e vet vendit

11:42 Politika

Përçarje mes organizatorëve të protestës pas nismës për “Kuvendin Kombëtar Qytetar”, debatet në WhatsApp: Kush ju zgjodhi?

11:10 Politika

Plani europian i rritjes, raportimi i tretë që pritet të japë 215 mln € për Shqipërinë

10:45 Politika

Presidenti Begaj uron SHBA-në për 250-vjetorin e Pavarësisë: Shqipëria vlerëson miqësinë dhe partneritetin strategjik

08:35 Politika 3 komente

250 vjetori i pavarësisë së SHBA-së, Rama: Një ditë me simbolikë të veçantë edhe për shqiptarët pavarësisht erërave kundër që kanë dashur ta zbehin energjinë e këtij vendi

08:15 Politika 11 komente

Flamingot u bënë blu/ “Dhunë, perversitet e marrëzi”, Çupi: Rusia, Irani dhe Kurti po e krijojnë protestën

07:46 Politika 32 komente

“Llogari të rreme për komente”, Manastirliu publikon mesazhin e rremë me emrin e Maznikut: Gënjeshtra dixhitale e ka jetën e shkurtër

23:00 Politika 11 komente

Deputetja socialiste Mila: Protesta e ka humbur busullën. Qeveria rrëzohet me votë

22:10 Politika 40 komente

Pas fjalimeve para Kryeministrisë, protestuesit nisin marshimin nëpër Tiranë

22:00 Politika 14 komente