Te fundit
Gjyqi për emërimin e Dados, Veliaj: Gjykata Kushtetuese ka vërejtur mangësi serioze në hetimin tim dhe se arresti nuk është mbështetur në prova
3 Korrik 2026, 13:30Politika
TEMA
Kryetari i Bashkisë së Tiranës, Erion Veliaj ka deklaruar sot në Gjykatën Administrative, në seancën e radhës për pavlefshmërinë e emërimit të Ols Dados prokuror, se Gjykata Kushtetuese ka dalë në përfundimin se, bazuar në provat e administruara, nuk rezulton të jetë arritur as standardi kushtetues i dyshimit të arsyeshëm se kam kryer vepër penale.
Në fjalën e tij, Veliaj tha se pikërisht pse ai ndodhet prej 16 muajsh në paraburgim dhe vetë Gjykata Kushtetuese ka evidentuar mangësi serioze kushtetuese në mënyrën se si është justifikuar kufizimi i lirisë sime, gjykimi administrativ për emërimin e Dados merr një rëndësi të veçantë.
“Ky nuk është një proces për emra të përveçëm. Ky është një proces për të përcaktuar nëse një person, ligjshmëria e emërimit të të cilit vihet seriozisht në diskutim, mund të ushtrojë kompetenca që ndërhyjnë deri në kufizimin e lirisë së një qytetari, në cenimin e dinjitetit të tij dhe në pamundësimin e ushtrimit të një mandati të fituar drejtpërdrejt nga vullneti demokratik i qytetarëve të Tiranës. Në thelb, kjo çështje prek vetë besimin te shteti i së drejtës dhe te demokracia kushtetuese”, ka thënë Veliaj.
Ai i ka vendosur në dispozicion gjyqtarit Hazbi Balliu edhe një kopje të vendimit të zbardhur të Gjykatës Kushtetuese.
Deklarata e plotë e Veliajt:
I nderuar trup gjykues,
Dje u zbardh vendimi i Gjykatës Kushtetuese, i cili konstatoi se Gjykata e Lartë nuk kishte arsyetuar në mënyrë kushtetuese proporcionalitetin e masës së paraburgimit në raport me mandatin tim si Kryetar i Bashkisë së Tiranës, si dhe nuk kishte trajtuar në mënyrën e duhur pretendimet për cenimin e dinjitetit tim nga mbajtja në kabinën e xhamit. Për më tepër, një nga gjyqtaret e Gjykatës Kushtetuese ka arritur në përfundimin se, bazuar në provat e administruara, nuk rezulton të jetë arritur as standardi kushtetues i dyshimit të arsyeshëm se kam kryer vepër penale.
Këto nuk janë pasoja abstrakte. Unë ndodhem prej 16 muajsh në paraburgim dhe vetë Gjykata Kushtetuese ka evidentuar mangësi serioze kushtetuese në mënyrën se si është justifikuar kufizimi i lirisë sime.
Pikërisht për këtë arsye, ky gjykim administrativ ka një rëndësi që shkon shumë përtej personit tim apo personit të z. Olsi Dado. Ky nuk është një proces për emra të përveçëm. Ky është një proces për të përcaktuar nëse një person, ligjshmëria e emërimit të të cilit vihet seriozisht në diskutim, mund të ushtrojë kompetenca që ndërhyjnë deri në kufizimin e lirisë së një qytetari, në cenimin e dinjitetit të tij dhe në pamundësimin e ushtrimit të një mandati të fituar drejtpërdrejt nga vullneti demokratik i qytetarëve të Tiranës. Në thelb, kjo çështje prek vetë besimin te shteti i së drejtës dhe te demokracia kushtetuese.
Për këtë arsye, po e vë në dispozicion të Gjykatës vendimin e djeshëm të Gjykatës Kushtetuese, si një zhvillim me rëndësi të drejtpërdrejtë për këtë proces.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Uroj qe gjygjtari ta marri ne konsiderate vendimin e gjykates kushtetuse, por me sa eshte vepru deri tani keshilli i larte i drejtesise eshte i kapur nga njerez te Argites e Shkelzenit, qedo thote eshte i kapur nga shpellaret, hajdutet e mafja me e madhe ne shqini.
Ke të drejtë Z.Veliaj, i gjithë hetimi ndaj personit tuaj nga prokurori Olsi Dado ka qenë fund e krye tendicioz. Jam në merak se gjyqtari i proçesit nuk dëgjon nga ai vesh,pasi është i një anshëm.