Te fundit
“Do kisha përgjegjësi politike po të mos ishte kapur asnjë ministër i PS”, Rama: Kursyem 960 mln euro nga tenderat
16 Maj 2024, 22:38Politika
TEMA
Kryeministri i vendit, Edi Rama thotë se do të kishte përgjegjësi politike po të mos ishte kapur në shkelje me detyrën nga drejtësia asnjë ministër i Partisë Socialiste. Rama është shprehur se kanë kursyer 960 milionë Euro me tenderat.
Blendi Fevziu: Një parti që ka kaq ministra dhe kaq kryetarë bashkie në burg, a mund të thuash se nuk ka marrë goditje?
Edi Rama: Unë kam punuar me 40 e sa ministra dhe nga 40 e sa ministra, janë 3 apo 4 në 10 vjet. PS vetëm forcohet dhe zgjerohet.
Blendi Fevziu: A jeni ju përgjegjës për këtë korrupsion që deri më tani ka evidentuar SPAK-u?
Edi Rama: Unë deri tani jam përgjegjës që ky korrupsion po evidentohet sepse po të mos ishte PS-ja nuk do të ishte SPAK-u. Nuk ka sistem korruptiv të ngritur sepse po të kishte, Shqipëria nuk do të ishte në tavolinën e negociatave. Komisioni Evropian është institucioni i vetëm që ka dhjetëra e qindra persona të angazhuar që merren 24 orë/7 me faktet. Nuk merren me faktet 24/7 as gazetat, as televizionet dhe asnjeri. Ata merren dhe ata e dinë ekzaktësisht çfarë dhe çfarë. Unë solla shembujt atje se ndërkohë ne kemi ngritur sisteme dhe do të vazhdojmë të ngremë sisteme që e kanë ulur, nuk është rritur korrupsionit. Kjo shpjegohet me faktin se ka një luftë të thelluar kundër korrupsionit dhe këto që po dalin janë rezultat i kësaj lufte dhe këto gjëra në të shkuarën kanë qenë më flagrante dhe nuk dilnin asgjëkundi sepse nuk merrej asnjeri me to.
Blendi Fevziu: Ju vetë e ndjeni veten të njollosur nga ky korrupsion?
Edi Rama: Unë të njollosur? Si?
Blendi Fevziu: Penalisht ju nuk keni akuzë, por moralisht a keni ju ndonjë përgjegjësi? Në arrati ke zëvendësin tënd, ministra në burg, kryetarë bashkie në burg.
Edi Rama: Kjo është një arsye për t’i thënë bravo Partisë Socialiste.
Blendi Fevziu: Bravo që vjedhët?
Edi Rama: Tani mos ma banalizo. Për t’i thënë bravo PS-së sepse PS-ja është e para dhe e vetmja forcë politike që ka hequr dorë nga kontrolli politik dhe thotë që “nuk dua t’ia di fare a je zëvendësi, a je shoku, a je tjetri a je tjetri, në këtë pikë nuk ka shok, nuk ka zëvendës, por ndarje të menjëhershme”.
Blendi Fevziu: Çfarë do të quanit ju përgjegjësi politike tuajën, jo penale?
Edi Rama: Do ta quaja sikur të mos ishte kapur asnjë ish-ministër i PS-së, sikur të mos ishte kapur asnjë nga drejtorët që janë kapur, sikur të ishin vënë përpara përgjegjësisë ata të krahut tjetër. Kjo do të ishte përgjegjësi e madhe politike. Nëse do të ishte e vërtetë që në Shqipëri ka një vjedhje masive me tenderat…
Blendi Fevziu: Këtë po thotë SPAK-u.
Edi Rama: SPAK-u nuk po thotë asnjë përveçse po identifikon dhe po godet ashtu siç duhet të bëjë raste të caktuara. E vërteta është se sikur të ishte kështu, nuk do të kishim kursyer ne gati 1 miliardë, 960 milionë Euro nga tenderat. Nëse do të ishte kështu, nuk do të kishim një numër operatorësh ekonomikë që fitojnë gara gati 3-fishin e atyre që fitonin gara para se të vinim ne. Unë nuk kam asnjë mision për t’i mbajtur pishën njerëzve dhe as për të vënë përgjues e për t’i ndjekur nga mbrapa njerëzit dhe as nuk kam të drejtë ta mendoj që mund të bëj gjëra të tilla. Unë nuk zgjedh drejtorët. E dyta e punës, kur njerëzit zgjidhen është sikur njerëzit martohen. Ato martohen se ndjejnë se jemi në një marrëdhënie dhe nuk mund t’i thuash ti me çfarë kriteri e zgjodhe burrin apo gruan. Jeta është dinamike, njerëzit janë natyra të ndryshme dhe mbi të gjitha ka një gjë që ne nuk i kemi akoma institucionet në atë nivel që të bëjnë parandalimin në masë të korrupsionit.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Jane arrestuar kur ishin isha....asnje ne detyre...ne Shqiperi ligji do triunfoje kur te arrestors nje kryeminister ne detyre.
Mire o vlla po a jndjene pak pergjegjesi qe Shkullaku Bushati Lubonja kane ikur per lesh i semure fare i ke bere o lele o lele Shkullaku kur ecen rruges flet me veten Rama Rama Rama Rama , Bushati me keq gjyshi Hysni gjyshi Hysni ndersa Lubonja me gjysem truri doli nga burgu Vekes ti ja nxore pjesen tjeter po kerkone kallashnikov. I semure o vlla i semure i ke bere haaaa per spital psiqiatrike
Aman artisto ! Veç n'a thuaj kurreshtjen. Si i kurseve (u kursyen) ato 960M€ ?? E kuptoj, show-n, demagogjinë, dhe PPSL, etj... Po nuk e di me çfarë "matematike" e ke llogarritur. (Veç nqs me atë të Lulit, po po Lulit shokut tat dhe "shokut " të klasës tënde me "mësues kujdestar", profesor Saleh-un (a e mban mend e keni pas të dy në fillore ??)).
Po si nuk ke piken e turpit, ministri jot, zevendes kryeminister madje, eshte ne arrati duke iu shmangur drejtesise. Ne fakt duhet te ishe edhe ti duke u gjykuar se eshte ministri jot i cili eshte arratis.
BRAVO !! UA DHATE PER ILAÇE PENSIONISTËVE .
ka kursyer 960 miljhon euro dhe e quan sukses? ne vend qe ti hedhi ne ekonomi, i mban ne banke..