Te fundit
Flamur Noka i zgjidh Kokalarin rivalëve në "Foltore": Pse ka nëntë të rinj më shumë në Këshillin Kombëtar të PD?
2 Qershor 2022, 16:33Politika
TEMA
Si të mos mjaftonte përçarja brenda PD-së, ka nisur përçarja e thellë edhe brenda Foltores ku brezi i ri po luftohet nga brezi i vjetër.
Evi Kokalari ka dalë me një qëndrim publik, në lidhje me zgjedhjen e anëtarëve të Këshillit Kombëtar të Foltores.
Në një postim në rrjetet sociale, Kokalari kërkon llogari se pse FRPD, ka nëntë të rinj më shumë në Këshillin Kombëtar dhe pse po i jepet kaq shumë hapësirë të rinjve.
Mesa duket, Flamur Noka dhe Arben Imami kanë gjetur përkrahjen e duhur.
Më poshtë postimi i plotë i Kokalarit:
Ftesë Belind Këlliçit për transparencë.
Vota është e shenjtë dhe duhet mbrojtur me çdo kusht, ndryshe demokracia nuk mbijeton!!
Kuota e pjesëmarrjes të anëtarëve të Forumit Rinor në Këshillin Kombëtar është 15% ose 22 veta. Duke hequr Belindin që është automatikisht i futur si deputet, ngelen 21 veta.
Këtë shifër ma ka konfirmuar vetë Belindi.
Nga një analizë e thjeshtë të listës së fituesve, rezulton se në Këshill kanë hyrë gjithsej 30 anëtarë të Forumit Rinor, domethëne 9 mbi kuotë e kërkuar me statut.
Ftoj Belind Këlliçin, që për hir të trasparencës, të lëshoj një deklaratë të noterizuar që vërteton se këta 9 vetë mbi kuotë, janë futur me votë (dhe nëse është votë e lobuar s'ka problem për momentin), dhe nuk janë përzgjedhur nga Belindi vetë për të plotësuar, tejkaluar apo manipuluar zgjedhjet nëpërmjet kuotës që mbrohet me statut të Partisë.
Logjikisht, nëse kemi 9 veta mbi kuotë, kjo do të thotë që të gjithë, pra 30 të rinjtë, janë futur me meritokraci.
Kjo trasparencë, është mëse e nevojshme përpara zgjedhjeve të së Premtes, sepse ky është një informacion që duhet ta disponoj çdo anëtar i Kryesisë që ka të drejtë vote nesër.
E falenderoj paraprakisht!
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ama dhe ju të Temës , kërkoni transparencë e ndershmëri në shtëpinë e HAJDUTËVE (të votës)!