Te fundit
FOTOT/ Pse u thirr Edi Rama në “folenë” e “ish-armiqve” të tij brenda CDU-së gjermane?
29 Maj 2025, 19:36Politika
TEMA
Nga Ylli Pata
Kryeministri Edi Rama ka postuar sot, dy statuse në faqen e tij në Facebook, nga pjesëmarrja e tij në një eveniment politik shumë të rëndësishëm europian në Gjermani.
I mbajtur në një qytet shumë të rëndësishëm gjerman, Aachen, bëhet fjalë për ceremoninë e çmimit prestigjoz “Charlemagne Prize”, Edi Rama ka postuar dy statuse.
Njërin, me “nota shakaje”, tregon takimin me një figurë të vjetër të CDU-së gjermane, Elmar Brok, por që influenca e tij aktuale, nuk është si më parë. Ish-deputet në Bundestag dhe Parlamentin Europian sidomos, Brok është një mik i vjetër i Sali Berishës. Madje nuk e braktisi as në fushatën e fundit të zgjedhjeve të 11 majit, ku i erdhi në një nga mitingjet elektorale.
Rama, në postimin për Brok shkruan: Elmar Brok: “Edi, urime! Eh, erdha përsëri në Tiranë të të vrisja, po ti sa herë unë vij të të vras ngjitesh më lart!
Unë: Elmar, vetëm një gjë s’kam për të ta falur kurrë! Vjen në Tiranë dhe s’pi një kafe me mua, ndërkohë që unë të jam borxhli, sepse siç thoshte Niçja, “Çfarë s’të vret të bën më të fortë”! Plas e qeshura dhe përqafohemi si miq të vjeter”.
Ndërkaq, në një postim tjetër, kryeministri shqiptar ka publikuar një sërë fotosh, të shoqëruar me shënimin: Gjermani – “Privilegj të isha ndër të ftuarit e nderit në ceremoninë e akordimit të çmimit prestigjioz “Charlemagne Prize” për Presidenten e Komisionit Europian dhe miken e çmuar, Ursula von der Leyen”.
“Charlemagne Prize”, edhe pse organizohet nga qyteti i Aachen, e një fondacion i drejtuar nga kryebashkiaku(në rastin aktual kryebashkiakja) e këtij qyteti, është një eveniment me simbolikë të posaçme politike.
Ai mban emrin e Perandorit Romak të mesjetës Karli i Madh, i cili bashkoi pjesën më të madhe të Europës Perëndimore në një etnitet politik. Këtë çmim e kanë fituar figura politike të rëndësishme nga SHBA dhe Europa, por edhe gazetarë apo intelektualë të shquar.
Për të përmendur vetëm disa: Henry Kissinger, Bill Clinton, Toni Blair, Helmuth Kohl, Angela Merkel, Papa Françesku, Tymothy Garten Ash, etj etj. Një vit më parë e fitoi kreu i komunitetit hebraik të Europës, dy vjet më parë, Vladimir Zelensky dhe populli ukrainas. Ndërsa në 2022 krerët e opozitës bjelloruse që u burgosën nga Llukashenko. Këtë vit, çmimin e mori kreu Komisionit Europian, Ursula Von der Leyen, si një shenjë e fuqizimit gjeopolitik të Bashkimit Europian. Çdo çmim i dhënë ndër vite ka pasur simbolikën e tij politike të caktuar.
Ndërkaq, parë në fotot e këtij evenimenti, aty kishte shumë pak politikanë të majtë: Martin Schulz, ish-kreu i Parlamentit Europian dhe ish-lider i socialdemokratëve gjermanë, por që vinte si fitues i çmimit në vitin 2015, kryeministri i Maltës, Robert Abela dhe kryeministri i Shqipërisë, Edi Rama.
Aty, sipas fotove ndodhej “ajka” politike e CDU-së gjermane në pushtet, pra partisë Kristian Demokrate, përkatësisht krahu “perëndimor” i kësaj partie, që sot ka edhe fuqinë ekzekutive të CDU-së.
Prezenca e Kancelarit të ri gjerman, Friedrich Merz, ishte dëshmi e rëndësisë që i ka dhënë këtij evenimenti, ku ndodhej edhe Edi Rama, më të cilin është takuar në mjediset e tij.
Përveç Elmar Brok, Rama është takuar edhe me një personazh tjetër të njohur në Shqipëri, deputetin e rëndësishëm të CDU-së, Gunther Krichbaum. i cili shfaqet jo vetëm i çlirët, por edhe i qeshur dhe bën selfie me kryeministrin shqiptar.
Edi Rama, ka një histori të vjetër lidhjeje politike me Gjermaninë që pa ardhur në pushtet, por kryesisht me mjediset socialdemokrate gjermane. Fondacioni i së cilës Friedrich Ebert, ka kontribuar në formimin e know how-t politik të PS-së në programe dhe organizimin parlamentar.
Me ardhjen në krye të qeverisë, Rama pati një partneritet të afërt me kancelaren e atëhershme Angela Merkel, atëherë edhe kryetare e CDU-së, lobi i së cilës ndodhej nga Berlini, pjesën lindore të Gjermanisë, por mbi të gjitha në Bavarinë e pasur, ku fuqi politike janë Kristian Socialët e CSU-së, grupi më konservator dhe i djathtë i kristian-demokratëve gjermanë.
Pikërisht në landin e Bavarisë, kryeministri shqiptar është parë shpesh gjatë viteve të qeverisjeve, ku është takuar me politikanë të rëndësishëm, biznesmenë, të cilët në këtë land kanë një peshë mjaft të fuqishme, si dhe në aktivitete si artist, ku ka hapur ekspozitat e tij. Të cilat, natyrisht janë mjedise edhe lobimi politik, madje mjaft më të mira se konferencat.
Ndërkaq, Partia Demokratike, atëherë e drejtuar nga Lulzim Basha, por që de fakto bosi ishte Sali Berisha, kishte një marrëdhënie të mirë me “lobin perëndimor” të CDU-së, i cili drejtohet nga kancelari Merz. Një biznesmen dhe politikan shumë i rëndësishëm dhe me lidhje të forta jo vetëm brenda gjermanisë.
Në vitin 2017-2019, ky lob ka qenë mjaft kritik ndaj qeverisjes së Edi Ramës, bazuar nga raportet dhe lobimet që bëri PD-ja e Bashës, por edhe deputetë të tjerë.
I ngarkuari, ose kryesori në këtë aksion ishte Gunther Krichbaum. I cili ka qenë për një kohë të gjatë shumë i hidhur me Edi Ramën, qeverinë e tij, e sidomos me mazhorancën qeverisëse. Shkurt ishte një përkrahës i fortë i PD-së. Ishte koha kur në tabloidin më të lexuar në Gjermani “Bild” u publikuan përgjimet e zgjedhjeve të pjesshme në Dibër.
Krichbaum e detyroi Ramën dhe deputetët e PS-së, ku Taulant Balla ishte interlekutori kryesor, që atëherë të bënin disa inkursione në Bundestag për të hequr mendimin negativ e për të bindur këtë lob në atë kohë minoritar brenda CDU-së. Në atë kohë Rama takoi edhe vetë Friedrich Merz në Bundestag, ku dhe publikoi një foto të posaçme.
Gunther Krichbaum, ndërkaq, u bë i njohur edhe së fundi pasi ka sulmuar rëndë Sali Berishën, e ka marrë ofendime të forta nga vetë kreu i PD-së e të gjithë pasuesit e tij. Krichbaum, apeloi PD-në si mik i saj që të mos ndjekin një të akuzuar për korrupsion dhe i këshilloi të mos sulmojnë SPAK, pasi ka mbështetjen e BE-së.
Gunther Krichbaum, sot është shumë i rëndësishëm, pasi është Ministër Shteti në Ministrinë e Jashtme të Gjermanisë. Përkatësisht zëri dhe dora e kancelarit Merz në diplomacinë gjermane.
Rama, sipas fotove të postuara, ka takuar edhe Jean-Claude Juncker, ish-kreun e Komisionit Europian. I cili në kohën e tij u bë i famshëm në videot ku ecte duke u lëkundur dhe ngacmonte koleget në samite. Euroskeptikët dhe sovranistët e sulmonin viralisht e egërsisht në rrjete si pijanec. Juncker, ndërkaq politikisht ishte kreu i Komisionit që bllokoi zyrtarisht pa afat zgjerimin e BE-së dhe natyrisht negociatat me Shqipërinë.
Natyrisht që e gjitha kjo ndodhi për shkaqe politike brenda BE-së, por Juncker, duke qenë edhe politikan i një vendi minor si Luksemburgu ndiqte pëshpëritjet në vesh të disa vendeve të tjera që ishin më skeptike. Si për shembull Holanda, Danimarka, pore dhe Franca.
Sot situata është krejt ndryshe. Jo vetëm me komisionin “gjeopolitik” të Ursila Von der Leyen, por edhe në vendet anëtare. Sot tre shtetet më skeptike ndaj Shqipërisë, janë ndër mbështetëset më të mëdha për integrimin e saj.
Po pse Rama ishte i vetmi kryeministër i të gjithë Ballkanit, jo vetëm atë Perëndimor në evenimentin VIP të Aachen-it?
Gjasat, apo hipotezat, që duken më afër realitetit, është se kryeministri shqiptar ka qenë i pari lider politik, më pas e bëri Nicușor Dan në Rumani, që të bëjë fushatë elektorale me hyrjen në Bashkimin Europian. Që ishte karta e sllogani bazë i Partisë Socialiste për mandatin e katërt. E po me gjasë, kjo pjesëmarrje në këtë event simbolik të fortë, është paradhoma e vendimit politik për hyrjen e Shqipërisë në BE. Së paku nga Gjermania, e cila është edhe fuqia kryesore, tashmë jo vetëm ekonomike, por edhe politike e ushtarake e Europës së re.
Edhe takimi me “armikun” e fundit brenda CDU-së, Elmar Brok, i cili siç thotë vetë Rama “u mbyll me përqafim e të qeshura”, ishte një mesazh direkt për Sali Berishën e veçanërisht faktorët politikë(nëse mund të ketë të tillë) brenda Partisë Demokratike.
TemA
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Z Pata, shume shume interpretim , ne dukje i lirë, por ne te vertete i pilotuar. Nuk konsumohet Evropiani per Turkoshakun Shqiptar, kjo vlen si per nje qytetar ( evropian) te thjeshte....si per kokat VIP te Evropes. Evropian do te thote: *Popull identitet ne vet-persosje te Moral-Ekonomise . Ndersa Shqiptar do te thote: *Dallavere-Injorance. Jane dy identitete qe asnjeher sdo te bashkohen, ku e Para do telendise te Dyten. Ti vazhdo bej reklama Piktorit tone. Te ftuarit ne keto evente menaxhohen nga agjensi-studio qe kete pune kan. Lobim quhet.
Pirth te c'fryesh, osé ik bej shuren o kaka! Keshtu thone andej nga Bilishti. Vazhdo te shikosh kembet e kaloresit... dhe koqet e kalit.
Rama të perdor ndikimin e tij personal për investime gjermane në Shqipëri. Dy fabrika gjermane mjaftojnë për të punësuar me mijëra qytetarë.
Ylli Ylli hiqi brekët...pyet pak Ymerin qe te mban me rrogë mori gjë në tel Jar Jari ?? Me ngeli jahti ndezur dhe po me djeg xhirot e motorit...ishte dhe kohe e bukur dreqin ti tregoja Jar Jarit Gjipene...do I bjere automati. Pale kur ti them qe funeralin do tja bej tek akademia e shkencave..hihihi do ti ikë sufflaqeja dmth petlla!!
Vetem pislliqe, vetem ndyresira zhgarravit neper komente o çuni i Salmut Brrishes. Nga jater kandele qe ke, vetem njera punon çale çale, si ecja e babes Salmutit........Lol.
Bravo Gjigand. Ec, mos u ndal. Nese ndonje plakush te del para duke bere cicin, lere ta beje deri ne fund, te vere pampersin, te lidhi ushkurin, te nxjerre ate copen e pasqyres dhe te krehe floket me kreherin e aluminit kujtim nga rinia, kalo anash, buzeqesh se nuk ke cfar ben tjeter dhe ec, mos u ndal.Ec se ke pune. Lere plakun ne ate qejfin e tij, te tregoje prralla me dhi e dele nga malet ku kaloi rinine.
Vazhdoni ti lepiheni këtij menderes që është bërë njëlloj si Sali kerma, binjaku i tij politik, që nuk ia ndien për popullin shqiptar.
I Ka koreuptuar Edi me sigurimit.Dhe ATA e falenderojne per valixhet me euro.Sali,kerkoni vidiot e Aeroportit ne kqz dhe numuroni valixhet e Edit.
Bravo GJIGAND shok tjeter ne kete bote nuk ke . Qente kane lehur po lehin dhe do te lehin JU veç ngriheni dhe shikoni perpara dhe kjo eshte motoja juaj qe shume pak e dine dhe e kuptojne. Per te miren e popullit shqiptar vetem perpara Edi Rama. Populli i vertete te do dhe ndaj te votoj pa asnje ekujvok.GJIGAND.
Lavdi PPSh dhe udheheqesit te dashur shokut Edver !!! ( besoj se I indinjuari debil do ti jene mbushur syte me lot nga ngazellimi-sa shume rrota kari ka ky vend Edvin Salih jemi gati kurdohere..)
Thone,thone,Jo une SE e paskan thirrur te heqe dore NGA pushtetit,te krijoje nje qeveri teknike me Berishen kryeministr dhe te shpalle zgjedhjet e parakohshem Kete e deshmon dhe nje baxhoxhi NGA Curran e Eperm qe Ka mik z.F Merz