Te fundit
Gazment Bardhi: Këshilli Kombëtar i PD është në detyrë, ajo që po bën Berisha është nul
29 Prill 2022, 19:55Politika
TEMA
Sekretari i Përgjithshëm i Partisë Demokratike, Gazment Bardhi, thotë se ajo që do të bëjë nesër Sali Berisha është nul, pasi Këshilli Kombëtar i PD është në detyrë.
“Nesër Sali Berisha ka lajmëruar një tjetër akt përçarës të Partisë Demokratike. Interesi i demokratëve është bashkimi dhe lufta e të gjithëve bashkë, kundër Edi Ramës.
Interesi i Sali Berishës është përçarja, zvogëlimi, lufta dhe armiqësia mes demokratëve dhe ndërtimi i një partie personale, që i shërben vetëm interesit të tij personal.
Në vijim të ndërtimit të një partie personale, nesër sipas tij radhën e ka Këshilli Kombëtar. Qartësisht ajo që po bën Sali Berisha nuk ka lidhje me Partinë Demokratike.
Këshilli Kombëtar i PD është në detyrë, funksional, i regjistruar në gjykatë dhe me mandat që i përfundon më 17 Korrik 2025.
Ndërtimi i strukturave paralele nga baza në qëndër, nuk është asgjë tjetër, vetëm nje akt turpi për të dëmtuar PD, për të mbajtur gjallë ndasitë mes demokratëve dhe për të shfokusuar PD nga beteja me regjimin e Edi Ramës”, shkruan Bardhi.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Jam plotsisht dakort me mendimin e Gaz Bardhit.
Edhe une...po shkruhet plotesisht shoku...per inat te sime vjehrre (Saliu) do fle me mullixhine (bardhi). Po kujdes kur te flesh me bardhin...
Si nuk doli një njeri i saktë nga këta të partisë demokratike.Këta e shikojnë bashkimin jo si mundësi të ribëhet partia demokratike por e shikojnë si luftë kundër Edi Ramës.Kaq gomerë nuk kam parë.Ramën nuk e largon bashkimi i opozitës por vota e popullit dhe kjo nuk do ndodhë kurë.Juve tji dëgjosh në parlament se çfarë thoni ne duhet të marim malet dhe jo tju votojmë juve.Regjimi i ramës,vjedhja e zgjedhjeve,luftë qeverisë etj etj.Po pse more thoni kështu dhe nuk thoni që populli do na sjellë në pushtet.Nuk e thoni se e dini që nuk ju voton.Edhe socialistët kanë kusure sa të duash por ama nuk flasin ju si injorantë pa edukatë e kulturë.Unë si do të votoj për ju kur ju shani me familje?Lëreni Rramën dhe shikoni partinë tuaj zgjidhni një njeri jo ta doni ju por populli dhe kështu mund të vijë fitorja por mendoj se kjo nuk do ndodhë kurë.Ju nuk hiqni qafe një plak nga zyrat jo më Ramën që ka gjithë pushtetet...
Kjo është llogjika kur shteti dhe shoqëria funksionojnë mbi ligje. Ne duam të shkojmë në Europë, qajmë gjithë ditën përse nuk na pranojë, kur në mënyrë kolektive dhe brutale shkelim ligjet dhe rregullat e bashkëjetesës qytetare. Në Europë nuk shkohet me sjellje mesjetare. Ose më saktë, në Europë nuk shkohet nën udhëheqjen e atyre që nuk duan të shkojnë.