Te fundit
“Ju ka zënë tartakuti, keni frikë" - Ulsi Manja "përplaset" me Flamur Nokën në Kuvend
30 Janar 2025, 18:12Politika
TEMA
Sekretari i Përgjithshëm i Partisë Demokratike, Flamur Noka u shpreh nga foltorja e Kuvendit se çdo shqiptari emigrant duhet t’i sigurohen kushtet që të votojë në zgjedhjet e 11 majit.
Lidhur me këtë çështje, Noka u përplas me ministrin e Drejtësisë Ulsi Manja. Noka u shpreh se eksponentët e PS duan që të votojnë vetëm ata që janë në lista dhe jo edhe emigrantët që s’kanë një dokument shqiptar identifikimi.
“Unë jam këtu për hallin e shqiptarëve. Me kushtetutë çdo shqiptar duhet që të votojë. Je shtet, çdo shtetas duhet që të votojë sa kohë e ka emrin në gjendjen civile dhe shteti duhet që t'i krijojë kushtet për të votuar.
Ju keni tartakutin, ju doni që të votojnë vetëm ata që keni në listat tuaja dhe nuk doni që të votojë e gjithë diaspora. Ju i mohoni të drejtën e votës, keni frikë. Ju brenda s’ju duan dhe jashtë ju refuzojnë”-u shpreh Noka.
Ministri Manja, fjalimit të Nokës iu përgjigj me tone të ashpra.
“Ne e votuam që shqiptarët në diasporë ta ushtrojnë të drejtën e votës. Që të jesh shtetas shqiptar ke të drejta dhe detyrime, për të ushtruar të drejtën e votës, kodi e ka përcaktuar, duhet pasaportë biometrike ose kartë ID të vlefshme.
Ju thoni që ti jepet e drejta e votës edhe nëse kanë një dokument të vendit ku jetojnë. Po mirë me dokument shqiptar mund të votojë një shtetas shqiptar në botë? Jo, sepse nuk ja lejon. Po kemi rënë dakord kush ka një dokument identifikimi shqiptar që i ka skaduar, përgjigjia jonë ka qenë po, që mund të votojë. Ju në vend të votoni ndryshimet, e bllokoni sepse ju se keni dashur kurrë votën e diasporës. Lëre more dorën ti, je një fosile politike”– tha Manja.
Fjalës së Manjës, Noka iu përgjigj nga vendi, por mikrofoni i tij ishte i fikur.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Si ta marrin diaspora karten e identitetit kur per ate duhet minimumi dy jave, kush ka kohe te humbasi per ate karte nga ato qe vijne vetem per vizite ne Shqiperi. Jam dakort me Noken ne kete rast.
Lejojini emigrantet te votojne edhe me faturat e dritave, apo kupnin e parkimIt te makines, se keshtu duan veremlinjte shpellare
Bo bo bo " sa shume u plas bytha ketyre " per shqipetaret per te votuar.Gjumi nuk i ze keta sidomos mulin bardhen