Te fundit
Krasniqi publikon bilancin AMA-TikTok: Në 5 ditë bllokohen qindra video pirate dhe dhjetëra video me përmbajtje të dëmshme
30 Gusht 2024, 11:48Politika
TEMA
Kanë mjaftuar vetëm pak orë, pas bërjes publike të enjten e kaluar, të kryetares së AMA-s, Armela Krasniqi, për nisjen e bashkëpunimit me platformën TikTok, që raportimet e përmbajtjeve të dëmshme të publikuara në këtë platformë, të numërohen me dhjetëra.Ndërkaq, 5 ditë nga fillimi i këtij bashkëpunimi dhe nga hapja e një linku të dedikuar në faqen zyrtare online të Autoritetit të Mediave Audiovizive, ku publiku mund të raportojë përmbajtjet që i gjykon si të dëmshme, kanë dalë edhe bilancet e para.
Sipas njoftimit të kryetares Krasniqi, bëhet fjalë për përmbajtjet që përmbajnë dhunë, gjuhë urrejtje, abuzim me fëmijët dhe të komuniteteve apo shkelje të të drejtave themelore.
Siç ka njoftuar sot Krasniqi në rrjetet e saj zyrtare, vetëm për 5 ditë kanë mbërritur në AMA 85 ankesa, të cilat pasi janë shqyrtuar nga ekipet ligjore dhe të Këshillit të Ankesave në AMA, janë raportuar në platformën TikTok, për shkelje të ligjit, 40 prej tyre. Nga këto 23 janë hequr nga platforma TikTok dhe 17 janë në proces. Sipas të dhënave të publikuara nga Kryetarja Krasniqi, videot e fshira përmbanin:
-7 video ekspozimin e fëmijës ndaj pornografisë, narkotikëve, alkolit, duhanit dhe dhunës;
-U fshinë nga platforma 5 video me përmbatje që nxitësin dhunë dhe urrejtje, apo video me përmbajtje të veprave penale;
-4 video me akte dhune;
-1 video me urrejtje fetare
-1 video tjetër për gjuhë urejtje për shkak të orientimit seksual.
Ajo që dallon në të dhënat e publikuara nga Kryetarja e AMA-s, janë rastet e piraterisë që duket se deri tani kanë qarkulluar me shumicë dhe lirshëm në platformën TikTok.
Për të njëjtën periudhë, pra vetëm për 5 ditë, janë raportuar për pirateri të produktit audioviziv 156 video, ndër të cilat 112 janë fshirë nga platforma ndërsa 20 profile janë mbyllur menjëherë për të njëjtën arsye, pasi janë raportuar videot që ato përmbanin.
“Nuk kishim parashikuar një fluks të tillë raportimesh”, ka shkruar Krasniqi. “Falenderuese ndaj qytetarëve që kanë raportuar duke dëshmuar ndjeshmëri të lartë publike dhe besim tek institucioni. Falenderuese për këtë bashkëpunim me TikTok. Shumë punë kemi përpara.”
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Per Fevziun qe shpif ne studio per te demtuar prodhuesin ke mare ndonje mase ? . Per Lubonjen qe bene thirrje per rrembim armesh dhe rrezim pushtet me dhune ke mare ndonje mase per kazanin qe e ftone ?.. Per idiotin A.Cani ndonje mase ?.. Per nipin e Hysni Kapo qe ofendon ne menyre rrugaçerore a ke mare ndonje mase ? . Haaaa ke bllokuar Tik Toker bravo .
Nga e di që po shpik Fevziu?? Dil merr (qeveria dmth) një laborator italin në Bari se është dhe afër të bëjë analiza të vërtetoj që Fevziu gënjen dhe t'a padisë për shpifje. T'a besojmë se thotë Braçja shpifje
bucja e AMA merret me TokTok se e ka te kehte, po bytha nuk ja mban te procedoje televizionet “kombetare “ me programet plehra qe transmetojne. Apo e mbakan me para