Te fundit
Ministri Hasani vizitë zyrtare në Ankara, takohet me homologun turk Hakan Fidan
27 Shkurt 2025, 15:29Politika
TEMA
Me ftesë të homologut të tij turk z. Hakan Fidan, Ministri për Evropën dhe Punët e Jashtme, z. Igli Hasani zhvilloi sot një vizitë zyrtare në Ankara, Turqi.
Ai u prit në një takim të përzemërt nga Ministri i Punëve të Jashtme i Republikës së Turqisë, z. Hakan Fidan, me të cilin zhvilloi një shkëmbim të frytshëm mendimesh lidhur me zgjerimin dhe thellimin e mëtejshëm të bashkëpunimit dypalësh, në të gjitha fushat me interes të përbashkët, por edhe për sa i takon bashkëpunimit rajonal, zhvillimeve në rajon, Evropë dhe më gjerë.
Në lidhje me vizitën e sotme zyrtare në Ankara, Ministri Igli Hasani u shpreh:
“Rritja e bashkëpunimit ekonomik dhe tërheqja e investitorëve turq në Shqipëri që ofron gjithmonë potencial të lartë e të favorshëm investimi, avancimi i shkëmbimeve tregtare me objektiv shifrën e 2 miliard eurove, dinamikat rajonale e më gjerë për sigurinë e stabilitetin, forcimi i bashkëpunimit në organizatat ndërkombëtare, Samiti i VI-të i Komunitetit Politik Evropian që do të mbahet në Maj 2025 në Tiranë, etj. – ishin disa prej temave që diskutuam me mikun e mirë, Hakan Fidan”.
Në zbatim të Deklaratës se Partneritetit Strategjik, nënshkruar më 6 janar 2021, ky është takimi i tretë i Grupit për Dialog Politik, në nivel Ministrash të jashtëm, i cili po punon për përgatitjen e takimin e radhës të Këshillit të Nivelit të Lartë të Bashkëpunimit, kryesuar nga Kryeministri Rama dhe Presidenti Erdoğan.
Gjatë vizitës së tij zyrtare në Turqi, Ministri Hasani vizitoi edhe Mauzoleun e Ataturkut, ku vendosi një kurorë me lule në nderim të themeluesit të Republikës së Turqisë, Mustafa Kemal Atatürk.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
hahahahaaa dy “hasanër” ne tyrkie hahahaaa
Tueqia eshte nje nga miqte me te mire qe ka Shqiperia...
Shqiptari ka me shume tradita turke se evropiane, fakt! Vetem se flet shqip nuk te ben shqiptar. Emri dhe feja percaktojne identitetin e cdo personi ne Shqiperi. Pike! Lol