Te fundit
Nesër protesta kombëtare e PD, policia njofton planin e masave: Kufizim i qarkullimit në këto akse rrugore
9 Shkurt 2026, 14:56Politika
TEMA
Policia e Tiranës ka njoftuar se përfaqësues të Partisë Demokratike të Shqipërisë kanë depozituar kërkesë për zhvillimin e një tubimi, i cili do të mbahet ditën e nesërme, në orën 17:00, para godinës së Kryeministrisë.
Në funksion të garantimit të rendit dhe sigurisë publike, si edhe për mbarëvajtjen e tubimit, Policia e Tiranës ka marrë të gjitha masat e nevojshme në zbatim të ligjit “Për tubimet”.
Si pasojë e këtyre masave, do të ketë kufizime të qarkullimit dhe parkimit të automjeteve në disa akse kryesore rrugore të kryeqytetit. Konkretisht, nga ora 23:45 e ditës së sotme do të bllokohet lëvizja dhe nuk do të lejohet parkimi i automjeteve në bulevardin “Dëshmorët e Kombit”, nga zona e njohur si “Ura e Dajtit” deri në rrugën “Ismail Qemali”, deri në përfundim të tubimit.
Ndërkohë, ditën e nesërme, nga ora 15:00 dhe deri në përfundim të protestës, do të ndalohet qarkullimi i automjeteve në bulevardin “Dëshmorët e Kombit”, nga kryqëzimi pranë Ministrisë së Brendshme deri te sheshi “Nënë Tereza”. Po ashtu, do të ketë bllokime edhe në rrugët “Ukraina e Lirë”, “Papa Gjon Pali II” dhe “Ismail Qemali”.
Policia bën me dije se, në varësi të zhvillimit të tubimit, mund të ketë kufizime të mëtejshme edhe në akse të tjera rrugore. Në rast bllokimesh, qarkullimi do të devijohet në rrugë alternative, për të lehtësuar lëvizjen e qytetarëve.
Në njoftimin e saj, Policia e Tiranës u bën thirrje qytetarëve që të shmangin lëvizjen me automjete në akset që do të bllokohen dhe të përdorin rrugë alternative. Gjithashtu, ajo apelon që qytetarët të distancohen nga çdo veprim i kundërligjshëm që mund të cenojë rendin dhe sigurinë publike.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
He me ju lumte protesta protesta a thua ti se vendi po ecen perpara ka 35 vjet e njejta histori djathtas e majtas. Shikoni shqiptaret neper bote shkelqejne ne cdo fushe ne sport ne shkence ne bisnes etj ne kenaqemi mjafton te shkruhet origjina Albanie ndjehesh krenar por edhe keq.kur do vije ajo dite qe te ndjehemi mire shume mire jam SHQIPTAR.
Prape me molotove keta terrorriste more??? O Rame prap do ti lesh kete horrdhi qelbesirqsh qe te shkaterrojne dhe te djegin pronen private mor????
ishalla. nuk e gjen gjalle. kriminelin sali berishen. dita e neserme. se nje mender. mut do haje si gjith mon.