Te fundit
VIDEO/ Opinioni i Venecias, Spiropali: Kuvendi ka respektuar sovranitetin parlamentar
12 Dhjetor 2024, 17:11Politika
TEMA
Kryetarja e parlamentit Elisa Spiropali ka bërë një sqarim mbi opinionin e Komisionit të Venecias, në lidhje me mandatin e deputetes të Partisë Socialiste, Olta Xhaçka. Spiropali tha në Kuvend se kjo është çështje ligjore, jo politike e as partiake, teksa vuri në dukje se për rastin janë ezauruar të gjitha shkallët e gjykimit.
“Rregullorja nuk parashikon ndonjë procedurë që mund të zbatojmë më në këtë rast, siç kërkoni ju, sepse janë ezauruar të gjitha shkallët e gjykimit, madje edhe votimi në Kuvend. Përveçse me 1/10-ën e deputetëve ju mund t’i drejtoheni Gjykatës Kushtetuese për çdo rast dhe është e drejta juaj që 1/5-a e deputetëve, pra pakica të vërë në lëvizje Gjykatën Kushtetuese”, tha ajo.
Më trej, kryeparlamentarja theksoi se Kuvendi ka vepruar brenda kompetencave që ka, duke respektuar sovranitetin parlamentar dhe se e ka trajtuar procesin mbi baza juridike dhe jo mbi baza të interesave politike. “Kjo, ishte një çështje kushtetuese dhe ligjore, jo politike, jo partiake, asfare! Kuvendi ka vepruar brenda kompetencave të tij kushtetuese dhe ka respektuar sovranitetin parlamentar, duke e trajtuar këtë proces mbi akuza juridike dhe jo mbi baza interesash politike”, tha Spiropali.
Fjala e Spiropalit në parlament:
Doja të thoja dhe unë dy fjalë, duke qenë se ka shumë abuzim këtu në seancë, por edhe në foltore partish dhe ekrane.
Siç është e qartë për të gjithë dhe është shprehur disa herë dhe siç e vlerëson edhe Komisioni i Venecias, Kuvendi nuk e ka vënë dhe nuk e vë në dyshim fuqinë detyruese të vendimeve të Gjykatës Kushtetuese. Kjo s’do mend. Këtë, bashkë me parimin e luajalitetit kushtetues, e kemi të qartë të gjithë, sepse e respektojmë çdo ditë në punën tonë.
Iu drejtova Komisionit të Venecias me pyetje konkrete, jo për mandatin e një deputeti, që në fakt duhet të ushtrohet lirshëm brenda kufijve kushtetues, pa u shqetësuar nga abuzivizmat dhe kjo është po aq e rëndësishme në demokraci, sa çdo parim tjetër, po për të qartësuar mënyrën si zbatohet një vendim urdhërues për shkak të pamundësisë së një rregulli që i imponon një deputeti se si të votojë.
Kjo, ishte një çështje kushtetuese dhe ligjore, jo politike, jo partiake, asfare!
Kuvendi ka vepruar brenda kompetencave të tij kushtetuese dhe ka respektuar sovranitetin parlamentar, duke e trajtuar këtë proces mbi akuza juridike dhe jo mbi baza interesash politike.
Venecia tha, dhe foli qartë, vendimet e Gjykatës Kushtetuese janë detyruese nëse Kushtetuta parashikon që një çështje shtrohet për votim, Parlamenti nuk mund të detyrohet të votojë në një mënyrë të caktuar.
Nuk bëhet politikë për një vendim gjykate dhe aq më tepër për Opinionin e Venecias që na vjen në ndihmë për trajtimin e këtyre rasteve. Opinioni ka 61 paragrafë dhe pa shkëputur fraza dhe për të kuptuar sensin e tij tërësor, duhet lexuar dhe rilexuar pa nxitim e me kthjelltësi, pa interesa dhe pasione politike, e për më tepër pa paragjykime dhe shpifje.
Leximi në tërësi, konkluzionet e Opinionit dhe vetë deklarata për shtyp e Komisionit të Venecias qartësojnë mbi pyetjet që unë i drejtova; dhe në fakt do të kisha qenë më e lumtur që çështjen ta kishim zgjidhur brenda Shqipërisë dhe pa shkuar në Komisionin e Venecias. Kjo, sepse siç e konstatoi edhe Komisioni i Venecias, 1/5-a e deputetëve mund t’i drejtohen drejtpërdrejt Gjykatës Kushtetuese për të kërkuar papajtueshmërinë e mandatit të deputetit sipas përcaktimeve në ligj dhe këtë të drejtë nuk duhet t’i heqë apo mohojë kush.
Në lidhje me kërkesën e shtruar kështu siç e paraqisni nuk mund të jetë objekt trajtimi në këtë seancë plenare.
Rregullorja nuk parashikon ndonjë procedurë që mund të zbatojmë më në këtë rast, siç kërkoni ju, sepse janë ezauruar të gjitha shkallët e gjykimit, madje edhe votimi në Kuvend. Përveçse me 1/10-ën e deputetëve ju mund t’i drejtoheni Gjykatës Kushtetuese për çdo rast dhe është e drejta juaj që 1/5-a e deputetëve, pra pakica të vërë në lëvizje Gjykatën Kushtetuese.
Faleminderit dhe kjo është e fundit që unë them për këtë çështje.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Imagjinoni mbesen e Geringut, zevendes kancelare te Gjermanise.dhe te jape leksione ndershmerie dhe trimeriie ne Bundestag , shqiptaret vuajne nga amnezia kolektive.Znj.Balluku ka nje histori te shkurter por shume te lavdishme korrupsioni se bashku me myzyret dhe berberet e saj lokale.Ballukja e vogel dhe Balluku i madh ne krye te qeverise duan nje opozite te Berishes se madh dhe berishve te vegjel, e humbasin toruan kur shohin se nuk jane vecse nje famijle asadiste me petkun e nje partie ne pozite dhe nje ne opozite qe e vjedhin , varferojne ne kombinacion Shqiperine.Pergjegjesia eshte individuale, vesi eshte ne gjak Shqiptaret duhet te bejne revolucionin e tyre ne kutine e votimit, per ti hequr mundesine ballukeve te ps dhe pd te vrasin te ardhmen dhe mundesine europiane te shqiptareve.
Ha baxhelle e rilindjes ,nuk je ti ajo qe i nxore doganat 3 mujorin e pare me 400 milione dollare humbje ,dhe ike gjoja se ishe shtatzane,
Kjo ka koleksionin me te madh te hajdareve rilindare . Duke filluar nga Saje Qorri dhe Ben Ahmetaj deri tek Tao Tualeti . Dihet historia kur Saje Qorri I nguli ne bythe nje pirun...dhe ...pyesni Ymerin se ai eshte kronikani Ivullnetar i rilindarëve