Te fundit
Orban thirrje Vuçiç: Dëgjoni rekomandimet, lironi tre policët e Kosovës
20 Qershor 2023, 14:30Rajoni
TEMA
Kryeministri i Hungarisë, Viktor Orban, i është lutur presidentit serb, Aleksandar Vuçiç, që të dëgjojë rekomandimin e Budapestit zyrtar dhe t’i kthejë policët e arrestuar të Kosovës në vendin e tyre.
“Me respekt, ju lus i dashur Aleksandar që ta mendoni mirë këtë. Armiqtë e Serbisë janë të etur për të dëmtuar Serbinë dhe kjo është një situatë dhe rast i tillë që mendoj se do të ishte më mirë që ju të dëgjoni rekomandimin e Hungarisë për t’i kthyer ata në Kosovë”, tha Obran në Suboticë, gjatë takimit me zyrtarët e lartë të Serbisë.
Ai shtoi se kjo do t’i ndihmonte Serbisë “në kauzën e vet”. “Prandaj, po ju kërkoj që ta mendoni këtë”, tha Orban.
Më 14 qershor, tre policë kufitarë të Kosovës u arrestuan nga forcat serbe. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq.
Policëve u është caktuar masa e paraburgimit prej një muaji dhe ata po mbahen në një burg në Kralevë. Sipas autoriteteve serbe, policët dyshohet se kanë kryer veprat penale: prodhim, posedim, mbajtje dhe trafikim i paligjshëm i armëve dhe lëndëve plasëse.
Këto shkelje janë të dënueshme me deri në 12 vjet burgim. Shtetet e Bashkuara, Gjermania dhe Mbretëria e Bashkuar kanë kërkuar Serbisë që të lirojë policët e Kosovës, pa kushte./REL
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kur i marri bënë budale dhe nga mendje madhdësia njrëzizt e mnqur lusin për ndihmë. Zingjiri i lutjeve, për lirim policëve të Kosovës – të pafajshëm të burgosur nga IDIOTI I REGJIMIT FASHIST VUÇIQ TË SERBISË, nis nga BE shkon deri në KM. Rama në Shqipëri dhe ky i lutet mikut të Vuçqit , Obranit të Hungarisë që të lirojë policët shqiptar nga Kosova. Kështu ndodh kur i marri si Kurti e shtije fjalët ngusht dhe nuk mund ti nxjerr me kokë - kurse i mençurit e shtije kokën ngushtë por e nxjerr me fjalë - bisedime. Faleminderit Z. KM. Rama për kujdesin për Kosovën por kujt po i bënë nder ati që 7 herë e shtije Policin e Kosovës në zgripe dhe pastaj kërkon nga KFOR që të nxjerr bllokimi dhe trupimi