Te fundit
Deputeti i AAK: Albin Kurti të dëgjojë thirrjet e kryeministrit Edi Rama
19 Qershor 2023, 17:40Rajoni
TEMA
Teksa ditët kalojnë, gjuha diplomatike karshi Kosovës dhe Serbisë sa vjen dhe bëhet më agresive. Krahas ndërkombëtarëve, Shqipëria zyrtare me anë të kryeministrit EdI Rama kërkoi nga Serbia të lirojë tre efektivët e rrëmbyer, ndërsa Albin Kurtit i kërkoi të dalë nga guaska e vetizolimit dhe të mos bëjë veprime, të cilat do çonin në humbjen e pjesës së veriut.
Pal Lekaj, deputet i AAK-së, tha për “Ballkan Update” se thirrjet e Ramës duhen pranuar. Ai kritikoi kryeministrin e Kosovës, për të cilin theksoi se po këmbëngul me kokëfortësi në gjëra të gabuara, dhe kjo qasje po i shkakton një dëm të madh Kosovës.
“Janë këshilla të mira, që duhen pranuar, por ne kemi një kryeministër që është kokëfortë dhe po i shkakton jo-stabilitet vendit me veprimet tij, që nuk janë të dobishme. Çdo veprim që ka bërë Kurti nuk ka shkuar drejt shtrirjes së sovranitetit në atë pjesë.
Kemi ardhur në një situatë jo të favorshme për Kosovë, sepse ju po e shikonin se edhe raporte me ndërkombëtarët janë zbehur shumë. Në vend që të kemi përkrahjen e tyre, në agjendën e faktorit nde kombëtar po fajësohet Kosova, ku duhet të ishte e kundërta. Ne nuk duam aventura, që Kosovën nuk e çojnë askund dhe nuk e shtrijnë sovranitetin, Kurti ka gabuar në hapa dhe në veprime”, tha ai.
Ai shtoi se nëse Kurti nuk vepron pas thirrjeve të ndërkombëtarëve, në pjesën e veriut mund të formohet “Republika e KFOR”, duke e kthyer këtë zonë dy dekada pas.
“Kur e thoni edhe përgjigjen e KFOR, ky i fundit është i shqetësuar për situatën e sigurisë ne veri. Nen nuk guxojmë të lejojmë që me të vërtetë që edhe KFOR të ushtrojë detyrën e policëve, sepse këtë detyrë e ka policia. Kurti me veprimet e veta dhe pa koordinim ka sjell në pikëpyetje edhe veprimin e policisë në atë anë.
Kompetencat e KFOR janë për të mbrojtur kufijtë. Me të drejtë e ka thënë edhe z. Rama se mund të kemi një republikë të KFOR në atë pjesë, dhe e kthen 24 vjet pas atë pjesë të veriut, kjo është për tu shqetësuar ne si opozitë dhe për qytetarët e Kosovës”, shtoi ai.
Përkundër kritikave, në një pikë Lekaj pajtohet dhe e mbështet kryeministrin Albin Kurtin. Ai tha se Kurti nuk duhet të pranojë të ulet në tryezën e diskutimeve me Serbinë, pa u liruar tre efektivët e Policisë së Kosovës, të cilët u rrëmbyen javën e kaluar dhe aktualisht ndodhen në paraburgim.
“Pa lirimin e tyre, pa kushte, nuk duhet të ulet në tryezë, dhe në këtë drejtim e mbështes Albin Kurtin, Si mund të ulesh kur ai nuk kaq vullnet për të liruar policët e rrëmbyer”, shtoi ai.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me ne fund doli nje Kosovar patriot ,populli duhet te çohet e te largoje kete qeveri ,per prishjen me aleatet kryesor Amerika si dhe me vellezeri tane Shqipetar ,qe jemi nje gjak ,por qe kjo dyshe Kurt -Osman po na bene armike gjakun tone .
Gjuha e edi rames dhe gjuha e opozites ,jane te njejta keto qellimin e kane tek tregetia dhe krijimi i asociacionit.Kete e kerkon vucici,rama dhe fatkeqesisht opozita e Republikes te Kosoves.Deputeti i AAK i ka numeruar sa dite u ben nga rrembimi akti kriminal i kidnapimit te tre policeve pengje,te njesise kobra rusofashiste?e ka ndigjuar deputeti se per ke derdhen lote rama?o deputet,ke kujtesen e forte ti kur bota perparimtare u zemerua qe vucici nuk u solidarizua kunder rusise okupuese,me masat qofte edhe formale?rama i doli ne mbrojtje akoma pa i lare syte,u be nje mbrojtes avokat duke thene se i vellai vucici ka halle shum te medhaja.Deputet ty te pelqejn qe kete demagog dhe zerin e korbave te zeza te opozites ,jane per tu ndigjuar?te mjeret ju jeni ber te hyjni ne dhe te gjalle.Qeveria e Albin Kurti,zbaton ligjin,ruan integritetin teritorial ,mbron jeten e qytetareve pasurit e tyre,ndersa policia fashiste e cila vepron me urdherat e vucicit putinit ,hyjne thyejn ligjin dhe ne nje menyre te terbuar kidnapon rremben duke ua mbyllur syt per te mos pare se sa hiena ka leshuar vucici.Punoni per te miren e RK jo me edi ramen ,njeriune venuar ne cdo proces qe e con Kosoven martire drejt fitoreve..