Te fundit
Organizimi para zgjedhjeve, Rama mbledh nesër Asamblenë e PS
10 Shkurt 2024, 15:37Politika
TEMA
Socialistët do të mbledhin paraditen e të dielës Asamblenë Kombëtare. Arsyeja e thirrjes së këtij forumi drejtues nga kryesocialisti Edi Rama në ftesën që ju është shpërndarë anëtarëve, lidhet me raportimin për përmbushjen e detyrave që iu është lënë në Kongresin e 8 Dhjetorit për të shtuar radhët e çdo organizate socialiste.
Rama ka vendosur që mbledhja të bëhet krejtësisht e mbyllur dhe pa praninë e kamerave edhe në pjesën kur mban fjalimin vetë ai.
Një nga detyrat që ka Asambleja është dhe organizimi i zgjedhjeve në parti brenda Marsit nga të cilat do të dalin emrat e kryetarëve të rinj të partisë në çdo bashki, por do të votohet dhe për delegatët e Kongresit.
Socialistët de facto e kanë nisur riorganizmin për zgjedhjet e 2025 që në Shtator. Drejtuesit politik të qarqeve aktualisht janë të njëjtët, por janë ndarë zonat e patronazhimit dhe për çdo anëtar të Kryesisë, Asamblesë dhe Kongresit. Një traditë e konsoliduar kjo për mënyrën se si organizohet në vite zgjedhore Partia Socialiste.
Asambleja e të dielës i paraprin Kongresit Zgjedhor të Pranverës ku do të votohet dhe për anëtarët e rinj të Asamblesë, të cilët pas konstituimit kanë detyrën të zgjedhin Kryesinë e re mes emrave të propozuar nga kryesocialisti.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Rama neser do "argumentoje" se ja ka vlejtur te shporren 1 milion shqiptare qe te kemi 10 milione turiste! Edhe pse keta turistet jane turiste sufllaqesh e byrektoresh! Ceshtja e dyte, per te cilen ka thirrur " nen arme" edhe dy te gardes se vjeter, eshte mandati i pushtetit. Logoja kesaj here do jete:" Ose mandat pushteti,ose mandate SPAKU,zgjidhni e merrni!"....
..e kujt i plasi..?