Peleshi pritet nga Presidentja e Asamblesë Kombëtare: Shqipëria në sprintin final drejt BE-së, Franca rikonfirmon mbështet

Gjatë vizitës së tij zyrtare në Francë, Kryetari i Kuvendit, Niko Peleshi dhe delegacioni i Kuvendit të Shqipërisë u pritën nga Presidentja e Asamblesë Kombëtare të Francës, Yael Braun-Pivet.

Një takim që konfirmoi marrëdhëniet e shkëlqyera mes dy vendeve, një miqësi e hershme që sot ndodhet në ditët e saj më të mira.

Peleshi vlerësoi rolin e diplomacisë parlamentare në forcimin e marrëdhënieve dypalëshe dhe shprehu gatishmërinë për thellimin e bashkëpunimit në fushën kulturore, arsimore dhe ekonomike, si dhe për rritjen e rolit të parlamenteve në mbështetje të procesit të integrimit europian.

Presidentja Braun-Pivet vlerësoi bashkëpunimin me Kuvendin e Shqipërisë dhe progresin e vendit drejt Bashkimit Europian. Ajo dhe deputetët francezë, të pranishëm në takim, shprehën interes për zhvillimet rajonale dhe ndërkombëtare, përfshirë luftën në Ukrainë, zgjerimin e BE-së, rolin e Shqipërisë në stabilitetin rajonal si dhe mundësitë për forcimin e bashkëpunimit parlamentar, kulturor dhe rolin e diasporës shqiptare në Francë.

Duke u ndalur tek procesi i integrimit, Kryetari i Kuvendit, Niko Peleshi, theksoi se anëtarësimi në BE mbetet objektivi strategjik i Shqipërisë, ndërsa reformat, veçanërisht reforma në drejtësi, po ndërtojnë një sistem të pavarur dhe të besueshëm. Peleshi shprehu mirënjohje për mbështetjen e vazhdueshme të Francës dhe kontributin e Presidentes Braun-Pivet në forcimin e bashkëpunimit ndërparlamentar dhe perspektivës europiane të Shqipërisë.

Peleshi theksoi se Shqipërinë dhe Francën i lidh një miqësi historike dhe partneritet strategjik, si aleate të besueshme në NATO, dhe Shqipëria mbështet Ukrainën në mbrojtje të lirisë, integritetit territorial dhe vlerave demokratike. Takimi konfirmoi vullnetin e përbashkët për forcimin e mëtejshëm të partneritetit Shqipëri-Francë dhe bashkëpunimit në shërbim të integrimit europian dhe stabilitetit rajonal.

Kryetari i Kuvendit shoqërohet në këtë vizitë nga Zëvendëskryetari i Kuvendit, Agron Gjekmarkaj, Kryetari i Komisionit për Europën dhe Punët e Jashtme, Igli Hasani, deputetët Hatixhe Konomi dhe Enno Bozdo, anëtarë të Grupit të Miqësisë Shqipëri-Francë, Ambasadori i Shqipërisë në Francë, Dritan Tola.

PROFIL: Kush është ministri i ri i Mbrojtjes, Ermal Nufi?

11:25 Politika 53 komente

ANALIZA: Përse ndryshimet në qeveri i kanë shërbyer Edi Ramës si valvul shkarkimi

11:10 Politika 14 komente

Mustafaj uron Ferit Hoxhën dhe shpreh pritshmëri për rishikimin e Ligjit për Shërbimin e Jashtëm

10:10 Politika 21 komente

Agron Shehaj i Partisë Mundësia komenton ndryshimet në qeveri: De fakto nuk ka ndryshuar asgjë

09:30 Politika 11 komente

“Manovër që maskon krizën në PS”, Zogaj dhe Nazarko komentojnë ndryshimet e Ramës në qeveri

09:10 Politika

Dritan Hila zbulon detajet për Ministrin e ri të Jashtëm: Ja si e njoh unë zëvendësuesin e Spiropalit

22:20 Politika 24 komente

Ndryshimet në Qeveri, Spahiu: Shkarkimi më i keq ai i Elisa Spiropalit! Emërimi më i mirë, Toni Gogu

22:08 Politika 18 komente

Frrok Çupi: Me ndryshimet që bën, Rama ndez disa fuqi motorike brenda makinës së shtetit!

21:55 Politika 6 komente

Ferit Hoxha emërohet ministër i Jashtëm, Beleri: Diplomat i nderuar në Bruksel, të lejohet të bëjë punën  

21:50 Politika 39 komente

Zbulohet mesazhi i Ramës për Ballukun para largimit të saj nga Qeveria: Doni apo nuk doni ju, është e vështirë...

21:45 Politika 35 komente