Te fundit
Përballja frontale e Ramës me Rai 3 - Minxhozi: S’duhej t’i telefononte. Zheji: Nuk shënjestronte qeverinë shqiptare, por…!
30 Prill 2024, 21:30Politika
TEMA
Analistët Skënder Minxhozi dhe Artur Zheji diskutuan në studion e emisionit “Real Story” me gazetarin Sokol Balla për replikat e kryeministrit Edi Rama me televizionin RAI 3, në lidhje me dokumentarin e publikuar pak ditë më parë. Ata thonë se kreu i qeverisë nuk duhet të kishte reaguar.
Zheji thotë se kryeministri s’duhet të kishte bërë atë që ai e quajti si një fushatë të personalizuar. Edhe Minxhozi e cilëson si të tepërt reagimin e kryeministrit, duke thënë se “Rama nuk do të duhej të telefonte, të shkruante dhe të lidhej direkt me median e shtetit përballë”.
Zheji: Më duket joracionale që kryeministri të bëjë një fushatë të personalizuar dhe kam përshtypjen që ku janë të tjerët, ata të cilët janë përgojuar në reportazh. Vazhdon një stil që nr 1 merr përsipër dhe i vë gjoksin një situate në mënyrën e tij, dhe falë italishtes që di shumë mirë, dhe kjo më habit. Mendoj që është një protagonizëm jo aq fitimprurës sa në rastet e tjera.
Meqë the për ditët jo dhe aq të qeta të maxhorancës, për shembull ka qenë një menaxhim shumë i mirë i rastit të intervistës bombastike të Ahmetajt, duke e lënë atë në harresë, duke e konsideruar atë një provokacion për maxhorancën dhe bashkëpunëtorët e tij. Një personazh i kërkuar nga SPAK që kërkon të provokojë një stuhi në gotë por u la sfida pa u ushqyer me mençurinë që nëse ne replikojmë me ish zëvendës kryeministrin, do të bëjmë një lojë që nuk është në interesin tonë dhe as të opinionit publik.
Minxhozi: Çështja e masës ka qenë përherë një problem i Ramës. Nuk e ka njohur masën, ka shkuar gjithmonë përtej, sidomos kur ka qenë fjala për të bërë polemika. Ka bërë gjithmonë më shumë zhurmë seç duhet të bënte, qoftë duke e marrë dhe nga interesi i tij dhe duke e folur nga kjo, mendoj se ai do të duhej të linte të konsumohej të qetësi dhe plotshmëri zhurmën që po shkaktonte Meta rreth fatit të vet dhe ta linte opozitën në zhurmën e saj dhe të mos ndërhynte dhe të krijonte një zhurmues për zhurmën e Ilir Metës.
Por realisht kështu është, Rama nuk do të duhej të telefonte, të shkruante dhe të lidhej direkt me median e shtetit përballë sepse e para, shteti përballë, mediat e këtij vendit s’e kanë këtë raport komunikimi si të zakonshëm me kryeministrat e tyre ose të tretëve dhe e dyta, ti ke një kauzë e cila është e drejtë sepse reportazhi i gazetarit me pasaktësitë dhe censurat, gjithë problemet që kishte ishte i supë e ngrohur që nuk bënte efekt. Pse duhet t’i ngacmosh studiot e Tiranës që të bëjnë debate natën e parë, të dytë apo të tretë për një gjë që…Fut dhe Bardhin si koificent…kur Bardhi del se nuk ka bërë kallëzim për Olsi Ramën ndërkohë që thoshte se kam bërë kallëzim penal, përse merresh me të vërtetën në italisht siç thoshte Rama të premten, vazhdoi dhe u mor me anën tjetër të Adriatikut edhe kur kishte rënë zhurma. Ilir Meta është me problemet e veta, e dyta Bardhi del ashtu siç del dhe përse nuk e lë opozitën të konsumohet në zhurmën e saj por futesh dhe ti me bateritë e tua.
Zheji: Targeti i atij emisioni ishte publiku italian dhe qeveria italiane dhe jo ajo shqiptare. Është e vërtetë ajo gjë që po të mos ishte protagonizmi Rama-Meloni nuk do të ishte emisioni. Është përgatitur si goditje ndaj Melonit për t’i thënë publikut italian se shihe se me kë e ke bërë ti partneritetin dhe me çfarë qeverie.
Balla: Që këtu ka një stereotip që tashmë është i shpifur dhe i vjetëruar që deri diku para 15 vitesh ti nuk kishte fuqi ta kundërshtoje. Por tani del ky i RAI 3 dhe përveç të tjerash, thotë se një shqiptar ka dashur të më vrasë ndaj unë jam mbrojtur. E merr dhe e ringjall por në këtë mes e hamë ne. Ndërkohë që në Itali ke mbi 30 mijë firma private…
Zheji: Taksapaguesi e paguan Ramën për të bërë kryeministrin.
Minxhozi: Është problemi i masës. Do të thotë që kur ti ke një të drejtë po insiston më tepër seç duhet, atëherë hyn në fuqi proverbi i vjetër që thotë mos përdor topa për të vrarë miza. E para nuk kishte fakte të reja, e dyta kishte autogola. Rama e tha të vërtetën një herë, dy herë tek italianët. Pse duhet ta thuash 10 herë?
Balla: Për një arsye të thjeshtë mendoj unë. Esat Pashë Toptanizmi vazhdon akoma. Ai italiani është në të drejtën e vet. Ti biem Melonit, dhe kryeministrit Rama për këtë pazar që qeveria shqiptare mund ta bëjë për interesat e veta se është prishur me Greqinë, është çështje tjetër. Por që këtu kemi një mall që u shit jashtë si i pavërtetë nga shqiptarët, dhe kjo duhet thënë, dhe u bë për interesa të ngushta, dikush do t’i shpëtojë SPAK-ut, dikush nuk do të shkojë në burg, dikush ka halle të tjera por nga ana tjetër…
Zheji: Ti ke eksponentë të opozitës që kanë dalë të mbrojnë Belerin, duke thënë se është viktimë e regjimit…
Balla: Mendoj që e ka tepruar me Greqinë Rama..
Minxhozi: Në terma të tjera, po e tepron dhe me median italiane sepse çështja me Italinë nuk është çështje politike e mirëfilltë por mediatike dhe më pas politike. Është një mekanizëm që është shkrepur nga një emision investigativ dhe më pas është bërë zhurma. Kurse me Greqinë është e kundërta, është një konflikt politik që ka shkaktuar të gjithë të tjerat./
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
I tha si tha ti thoshte nuk i tha pse i tha kur i tha shume i tha, une them te mos i thoshte se i tha ate qe nuk duhe tja thoshte. Ne themi se plakat kur skane pune merren me thashetheme e me the e te thashe dhe kështu plotësohet emisioni pa bereqet.
...edhe Ajnshtajnit keta i japin mend. Nuk eshte e sakte teoria e relativitetit, nuk mundet e=mc/2
Mjere ne per analiste qe kemi. Rama e tha qarte se RAI3 ka perbaltur Shqiperine dhe eshte detyra e tij dhe e qeverise qe perfaqeson qe te beje pergenjeshtrimin e duhur. Per ne nuk ka rendesi se per cfare aresye e bene kete sulm ndaj qeverise shqiptare keta gazetare. Per te sulmuar Melonin apo Melonicen. Per problemet e tyre te brendshme nuk kane se perse te na perziejne edhe neve. Ka ikur pergjithmone ajo kohe kur Shqiperia perdorej nga fqinjet si kazan ku sejcili prej tyre mundet te bente presion per te hedhur plehrat e veta. Persa kohe qe behen akuza te genjeshterta ndaj Shqiperise, eshte detyra e funksionareve te shtetit tone qe te bejne ndreqjen e ketyre informacioneve. Paditja ne gjykaten italiane eshte detyrim per qeverin tone, qe ky stacion qe perbalt vendin tone te paguaje gjobat dhe te pergenjeshtroje lajmet qe ka dhene. Kaq gje duhet qe ta kuptojne edhe keta mender analista dhe te mos bejne kritika ndaj Rames per kryerjen e detyres se tij funksionale. Rama ka shume kusure te tjera per te cilat meriton kritika. Per ngjarjen ne fjale, Rama meriton te pergezohet.
Shume te "squt" keta anal-istet
Na rrofshin hanalistet tane, qe nuk lene hale pa perziere. Rama paska te drejte por nuk duhet te luftonte kaq shume, e paska tepruar me greqine por edhe me italine. Na rrofshi per vere, se per dimer na mban nxehte.