Te fundit
Përjetimi i vizitës së Ramës në Kosovë si puç ndaj Albinit
20 Qershor 2022, 19:35Politika
TEMA
Nga Ylli Pata
Para gjashtë vitesh, kur Edi Rama në Prishtinë mori pjesë në një aktivitet në përurimin e shtatores së Ismail Qemalit, u sulmua nga disa qarqe atje si një ndërhyrje në punët e brendshme të Kosovës.
Ndërkaq, kur Albin Kurti erdhi në Tiranë para se të bëhet kryeministër, porn ë rrugë e sipër, e u takua me gazetarë kritikë të Ramës, nisi ajo që quhet albinomania politike e Tiranës.
E cila gjeti një alterego të anti-Ramës politik tek kreu i Vetëvendosjes, e që më pas u bë një logjik politike e qartë, madje edhe një nismë reale, ku nuk ishte vetëm Albin Kurti protagonist, por edhe Vjosa Osmani, Ramush Haradinaj, si dhe politikanë të tjerë të rangut të dytë, u kthyen si mekanizëm politik për të formuar një kauzë shtesë për të rrëzuar Ramën.
Me dërgimin e Hashim Thaçit në Hagë, në vjeshtën e vitit 2020 si në Tiranë e Prishtinë, nisi një “betejë” për të shënjestruar Edi Ramën dhe Hashim Thaçin si çiftin politik që duhet ndëshkuar.
Rama, nga ana e tij, ishte i vetmi politikan shqiptar që e përkrahu Hashim Thaçin në ditën më të vështirë të tij, madje e bëri këtë edhe në mes të fushatës elektorale të zgjedhjeve të 21 prillit 2021. Ku gjatë përurimit të aeroportit të Kukësit, Edi Rama e quajti Thaçin si “një nga shqiptarët më të mëdhenj” ku shtoi se do ta vërtetonte koha.
Marrëdhënia e afërt e Edi Ramës me Hashim Thaçin, ka qenë në fakt një vijim i relacionit të afërt që PS-ja ka pasur me PDK-në që herët. Madje Rama, këtë e ka deklaruar edhe në vitin 2011, gjatë një interviste për “Zëri”-n” e Prishtinës kur ishte lider i opozitës, e kur marrëdhëniet me Albin Kurtin i kishte më shumë se miqësore.
Në 2013-n, kur Rama u bë armik me LDK-në e Isa Mustafës ngaqë citoi Rexhep Qosen në Parlamentin e Kosovës, deklaroi edhe se Albin Kurti është një “dritare e shëndetëshme për demokracinë”. Madje PS-ka vijoi marrëdhëniet e afërta me Vetëvendosjen, edhe në kuadër të Partisë Socialiste Europiane apo Internacionales Socialiste, duke qenë se e vetmja parti e së majtës në Kosovë është ajo e Albin Kurtit, ngase PDK e Thaçit, nga anëtare e PSE u kthye në një forcë politike e së djathtës e anëtare e PPE-së.
Por hyrja e Albin Kurtit në një tandem politik anti-Rama, si një logjikë për të fituar vota në Kosovë dhe në Shqipëri, e prishi këtë marrëdhënie, duke e kthyer Albin Kurtin në një aleat apo pjesëtar të opozitës që kërkonte rrëzimin e Edi Ramës. E si pjesë e kësaj aleance, ishte edhe Vjosa Osmani, e cila demonstrimin e saj si opozitare e dha më të vrazhdë, që në fjalimin e saj famëkeq në Parlamentin e Shqipërisë, e në foton e prerë nga samiti i Selanikut.
E në këtë atmosferë shumëkush mund të priste se Edi Rama do ta përdorte aksiomën e famshme se hakmarrja është një pjatë që serviret e ftohtë.
E në këtë kontekst u sajua fabula e “puçit” të Ramës ndaj Kurtit që në samitin e Ohrit, duke e quajtur si pjesë të tij si vizitën e Ramës tek prindërit e Hashim Thaçit, ashtu edhe një darkë që kryeministri i Shqipërisë ka zhvilluar me një grup gazetarës e analistësh nga Prishtina.
Që Rama nuk e ka pritur mirë fabulën e puçit u pa qartë në deklaratën e ashpër të tij në Prishtinë, ku i cilësoi si “të lehura qensh të rrugës”, çka është shumë e rëndë, sidomos në perceptimin që metaforave u japin shqiptarët e Kosovës që janë më të ndjeshëm.
Gjithsesi përkrahja, mbështetja njerëzore, quaje edhe politike e Edi Ramës për Hashim Thaçin nuk është aspak gjë e re, e nuk ka përse kthehet në një armiqësi politike mes Tiranës e Prishtinës.
Vjosa Osmani, është politikanja tipike që e ka formuar profiling e saj jo me ndonjë ide apo koncept politik, por thjesht si një kundërshtare e Hashim Thaçin. Osmani, ka vetëm një atu në historinë e saj politike; antithaçizmin. E si të tillë, qarqet e lidhura me të, madje edhe diplomatike, çdo lëvizje apo takim për Thaçin e me njerëzit e tij, e konsiderojnë si zhvillim anti-Prishtinë.
Kjo është në fakt logjika që e kthen Hashim Thaçin në hero, e dashje pa dashje, çdo lëvizje që ka emrin e tij do të sjellë dobi politike për kundërshtarët e ish-presidentit të Kosovës.
E nuk ka sit ë ndodhte ndryshe kur politika e Kurtit dhe Osmanit, me mbështetjen edhe të Berishës e Metës në Tiranë, u kthye në një antithaçizëm teorik. Logjikë, që krejt natyrshëm do të prodhonte antitezën e tij. E kështu, pasi e kanë demonizuar ish-Presidentin e Kosovës, në mënyrë dialektike do të vijë pjesa kur viktimizimi do të ndihmojë Hashim Thaçin, sidomos kur ai është i mbyllur në një burg si lider i UÇK-së. Çka natyrisht po e kthen ditë pas dite në një martir politik e sipas gjasave do ta kthejë edhe më fort në politikën aktive të Kosovës.
Në këtë rast, ndihmesa e Ramës për Hashim Thaçin, edhe pse me risk për të, ngaqë një pjesë e madhe e zgjedhësve të Kosovës që ka votuar Vetëvendosjen e urren ish-presidentit, nuk ka lidhje me puçin. Është thjesht një risk për Ramën se mund ta mallkojnë kundërshtarët e Hashim Thaçit. Ndërkaq, qëndrimi i Berishës, që qytetarët e Kosovës duhet të marrin shtetësi të dyfishtë shqiptare për të përfituar nga regjimi pa viza i yni, edhe pse ndoshta për të tërhequr vëmendje, është super i rrezikshëm.
Ngjan pikë për pikë me qëndrimin e Putinit për t’i dhënë shtetësinë ruse banorëve të Donbasit ukrainas. Madje ka gjasa që mediat serbe dhe ato të Kremlinit të kenë nisur diskutimin që tani…
TemA
26 Komente
Lini një Përgjigje
Më të lexuarat
24 oret e fundit
Javen e fundit
Blog Tema
kur s'ju a shkeddhejn shqiptaret faren ju Plehrave te Kazanit ,s'keni faje sepse i kane braktisur edhe Pushtat e dhim qe i duan vetem per zgjedhje me i marr Votat ,pastaj i lene si muti ne shi yyyyyyt funderinat e njerezimit . Sa gjak te helmuar paskeni mor Pate Putana ,e vjell vetem helm nga ajo Koka qe dikush duhet ta cpoje qe te pastrohet nga Helmi qe ke brenda kafkes rropsi
O çuno mos shaj kot burrin e patës. Këto I shkruan Mero. Ky qyqi as për te bere glasa nuk eshte. Prandaj mbaj gojen. Ymerin e kemi tonin deri sa Rama te jete ne pushtet. Pastaj... to see and to do...
Rama ka bere shume mire qe ndihmon dhe suporton Thacin dhe familjen e tij
Thaci eshte i pafajshem dhe kryeministri ben shume mire qe e suporton
Ishte nje organizim shume i mire per nje lider si Edi Rama
Nje pritje madheshtore per kryeministrin tone fantastik
ViZita qe i ka kushtuar rama zotit thaci ka qene shume miqesore pasi e dijme qe ata te dy kane marredhenie shume te mire dhe te ngrohte
Kosova dhe shqipria jan nje me vjen shum mir qe z Rama e perkrah shum z Thaci
Z Thaci nje hero kombetar ndersa ju shkoni dhe e ofendoni
Zoti thaci eshte nje mik i nderuar i rames dhe per kete gje ai i kushtoi nje vizite familjes se tij
Bravo i qofte rames qe eshte gjendur hjithmone prane kosoves dhe e ka mbeshtetur ate ne cdo hap
Zoti rama eshte diplomat di ti ruaje maredheniet e mira per te miren e kosoves dhe shqiperise
Rama ka nje mardhenie miqesore me Thacin prandaj shkoi dhe i kushtoi nje vizitw
Duke qene se ka mardhenie miqesie me z Thaci ndaj e vizitoi familjen e tij
Marrdheniet midis Rames e Albinit jane shume te mira dhe e treguan ne takimin e sotem
Eshte plotesisht e mundur qe nje lider i cili eshte ne burg ta kesh mik te mire e tretrin qe eshte ne krye ta kesh bashkepunetor dhe koleg ne rrugen e perbashket
Sot u organizua ne mikepritje madheshtore per Kryeministrin tone
Thaci eshte i pafajshem dhe Rama po ben gjen e duhur qe po e mbeshtet
Zori i bekoft shqiptaret kudo qe jane!
Permendja e bibes Osmani nuk ka asnje vlere ne kete shkrim. Nje femer e patru qe gjithe truri i vogel i saj ka peshe sa njera kokerr e boles se Hashimit.
Po lopa Osmani ku ishte.......
Oj Patë ! Çish do me thane " tandem " bre se na lujte mensh or taj !? Na e thuj shqip oj Patë ! Masanej na trego intelegjencen ne hartim.
me thuaj kujt nuk ja ka futur ed palla qe mos tja fusi albinit
Edi Rama është lideri më vizionar, më i mençur, më i ditur dhe patrioti më i madh i të gjitha kohërave. Bravo Rama! Ec përpara që t'a nxjerrësh kombin në drtitë. Mos u merr me qentë që lehin, atë punë kanë ata.
MJERO GELBAXA RRON VETEM DUKE LEPIRE TE VJELLAT E LIDERUCIT TONE GJITHOLLOG
Rama di cfare bene e cfare thote. Lufta per pushtet i ka corodit kosovaret, aq sa te harrojne UCK.