Te fundit
VIDEO/ Presidenti Begaj pret kryeministrin britanik Keir Starmer: Mbështetje për stabilitetin në Ballkan dhe integrimin evropian
15 Maj 2025, 11:55Politika
TEMA
Presidenti i Republikës, Bajram Begaj, priti sot Kryeministrin e Mbretërisë së Bashkuar, Sir Keir Starmer, i cili po zhvillon një vizitë zyrtare në Shqipëri.
Në takimin mes dy liderëve u theksua vizioni i përbashkët për të ardhmen që bashkon Shqipërinë dhe Mbretërinë e Bashkuar, dy vende me marrëdhënie që datojnë prej 104 vjetësh. Presidenti Begaj vlerësoi miqësinë dhe partneritetin mes dy shteteve, si dhe rëndësinë e vizitës së Kryeministrit Starmer në forcimin e këtij bashkëpunimi.
Presidenti falënderoi Kryeministrin britanik për mbështetjen që Mbretëria e Bashkuar i ka dhënë Shqipërisë në rrugën drejt Bashkimit Evropian dhe për kontributin në nxitjen e stabilitetit në Ballkanin Perëndimor. Ai e konsideroi pjesëmarrjen e Kryeministrit Starmer në Samitin e Komunitetit Politik Evropian si një sinjal domethënës për rëndësinë që Britania i kushton rajonit.
Në fushën e mbrojtjes dhe sigurisë, u vlerësua bashkëpunimi i ngushtë mes dy vendeve, përfshirë shkollimin e oficerëve shqiptarë në akademitë britanike, stërvitjet e përbashkëta dhe kontributin e Mbretërisë së Bashkuar në misionin KFOR në Kosovë.
Presidenti Begaj theksoi se paqja dhe siguria në Ballkanin Perëndimor kërkojnë angazhimin e vazhdueshëm të Mbretërisë së Bashkuar, SHBA-së dhe BE-së. Në këtë kontekst, ai përmendi rëndësinë e Planit të Rritjes dhe investimeve në Korridorin XIII si elementë kyç për forcimin e sigurisë dhe zhvillimin e qëndrueshëm në rajon.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Asnjehere, kurre ne histori shqiptaret nuk kane patur kaq Miq sa sot. Ismail Qemali e Isa Boletini luteshin korridoreve te Europes t'i degjonte dikush... ishim populli jetim i Europes. Faik Konica e Noli po ashtu, u rropaten per fatet e kombit dhe bene mrekulli qe sot ne è kemi shtetin. Po askush nga ata burra nuk do e kishte imagjinuar kurre, qe kreret me te larte te Europes te mblidheshin nje dite ne Shqiperi... kjo eshte pertej mrekullise. Mediokriteti i sotem shqiptar, as qe e percepton madheshtine historike te diteve te sotme,jo me ta vleresoje.
ke thene nje te vertete te madhe dhe historike qe propoganda berishiane mundohet te fshehe apo te perdhose me shpifje,Por tashme intelektualet e vertete shqipetare e dine dhe nuk e mohojne kete fakt qe na ben krenar.
Urime! Lum kush te rroje dhe ta shohe zonje! Ne nuk jemi popullibprej 3 milionesh, ne jemi kombi prej 5 milionesh. Gjuha shqipe eshte nder gjuhet e lashta te qyteterimit indo evropian dhe qyteti im i lindjes Durres Durazzo EPIDAMN apo DYRRAH eshte qyteti me i lashte nd rajonin e BALLKANIT , prej 3000 vjetesh me detin Adriatik dhe antikitetin. Amerikanet jane shprehur se Durresi eshte qyteti me i mrekullueshem ne bote!????????????????⭐????????????????????????????